দেওবাৰে ৰাইজৰ দল ত্যাগ কৰে শ্বেৰমান আলীয়ে

৯ এপ্ৰিলত ৰাজ্যৰ ১২৬ টা বিধানসভা সমষ্টিৰ বাবে অনুষ্ঠিত হ’ব নিৰ্বাচন । নিৰ্বাচনৰ পূৰ্বে ৰাজ্যত আকৰ্ষণীয় হৈ পৰিছে ৰাজনৈতিক পৰিৱেশ । নিৰ্বাচনৰ বাবে ২৩ মাৰ্চ মনোনয়ন দাখিলৰ অন্তিম দিন যদিও এতিয়াও বিৰোধী দল সমূহত দেখা গৈছে দল ত্যাগৰ ৰাজনীতি । নিৰ্বাচনলৈ মাত্ৰ কেইটামান দিন বাকী আছে যদিও ৰাজ্যৰ বিৰোধী দলৰ একাংশ নেতাই টিকট বঞ্চিত হৈ দল সলোৱাৰ প্ৰতিযোগিতাত নামি পৰা পৰিলক্ষিত হৈছে । ইয়াৰ ব্যতিক্ৰম নহ’ল শ্বেৰমান আলীও ।

দেওবাৰে ৰাইজৰ দল ত্যাগ কৰে শ্বেৰমান আলীয়ে । মন্দিয়া সমষ্টিৰ প্ৰাৰ্থিত্বৰ দাবীদাৰ আছিল শ্বেৰমান । কিন্তু টিকট বঞ্চিত হৈ ৰাইজৰ দল ত্যাগ কৰি তৃণমূল কংগ্ৰেছত যোগ দিয়াৰ দিশে আগবাঢ়িছে শ্বেৰমান আলীয়ে । অৱশ্যে এতিয়াও আনুষ্ঠানিকভাৱে তৃণমূল কংগ্ৰেছত যোগদান কৰা নাই যদিও দলটোৱে মন্দিয়া সমষ্টিৰ পৰা শ্বেৰমান আলীক টিকট প্ৰদান কৰিছে ।  

মমতা বেনার্জীৰ নেতৃত্বত সৰ্বভাৰতীয় তৃণমূল কংগ্ৰেছে আগন্তুক অসম বিধানসভা নিৰ্বাচনৰ বাবে প্ৰাৰ্থীৰ দ্বিতীয়খন তালিকা প্ৰকাশ কৰিছে । এই তালিকা অনুসৰি, বৰপেটা জিলাৰ মন্দিয়া সমষ্টিৰ পৰা এমাহৰ ভিতৰতে দল সলনি কৰা শ্বেৰমান আলী আহমেদক প্ৰক্ষেপ কৰা হৈছে ।

উল্লেখ্য যে, কংগ্ৰেছৰ নিলম্বিত বিধায়ক শ্বেৰমান আলীয়ে কিছু দিন পূৰ্বে টিকটৰ আশাত ৰাইজৰ দলত যোগদান কৰিছিল । কিন্তু ৰাইজৰ দলেও টিকটৰ নামত ৰামঠগন দিয়াৰ পিছত এতিয়া তৃণমূল কংগ্ৰেছৰ টিকটত নিৰ্বাচন খেলিব শ্বেৰমানে । শনিবাৰে ৰাইজৰ দলক তেওঁক টিকট প্ৰদান কৰাৰ কথা পুনৰ বিবেচনা কৰিবলৈ এদিনৰ সময়সীমা বান্ধি অন্যথা দল ত্যাগৰ হুংকাৰ দিছিল ।

ইফালে তৃণমূল কংগ্ৰেছে তেওঁলোকৰ প্ৰথমখন তালিকাত এটা সংশোধনীও ঘোষণা কৰিছে, য’ত ছমৰীয়া সমষ্টিৰ পৰা দুলু আহমেদৰ প্ৰাৰ্থিত্ব প্ৰত্যাহাৰ কৰা হৈছে বুলি উল্লেখ কৰা হৈছে ।

লগতে পঢ়ক : ১২ টা সমষ্টিৰ বাবে পুনৰ প্ৰাৰ্থীৰ তালিকা ঘোষণা ৰাইজৰ দলৰ

কংগ্ৰেছৰ নিলম্বিত বিধায়ক শ্বেৰমান আলীয়ে যোগদান কৰিব নেকি ৰাইজৰ দলত। বিধায়ক অখিল গগৈৰ বিশেষ ইংগিত।

কংগ্ৰেছৰ নিলম্বিত বিধায়ক শ্বেৰমান আলীক লৈ বিধায়ক অখিল গগৈয়ে এক ডাঙৰ ইংগিত কৰিছে।শুকুৰবাৰে বৰপেটাৰ বাঘবৰ সমষ্টিত উপস্থিত হৈ শ্বেৰমান আলীৰ বিষয়ে কেইবাটাও গুৰুত্বপূৰ্ণ মন্তব্য কৰিছে অখিল গগৈয়ে।শিৱসাগৰৰ বিধায়ক গৰাকীয়ে ৰাইজৰ দলত যোগদানৰ ইংগিত দিছে।

অখিল গগৈয়ে কয় যে, অহা ১১ জানুৱাৰীত শ্বেৰমান আলীৰ সৈতে একেলগে এখন বৃহৎ গণসমাৱেশ অনুষ্ঠিত কৰা হ’ব। তাৰ পাছতেই শ্বেৰমান আলীয়ে ৰাইজৰ দলত আনুষ্ঠানিকভাৱে যোগদান।

কেৱল যোগদান কৰাই নহয় আগন্তুক বিধানসভা নিৰ্বাচনত ৰাইজৰ দলৰ হৈ বৰপেটা জিলাৰ চেঙা বিধানসভা সমষ্টিৰ পৰা নিবাৰ্চনত প্ৰতিদ্বন্দ্বিতা কৰিব পাৰে শ্বেৰমান আলীয়ে।

বিধায়ক গৰাকীয়ে শ্বেৰমান আলীৰ প্ৰশংসাত পঞ্চমুখ হৈ অখিল গগৈয়ে কয়,শ্বেৰমান আলী সংখ্যালঘু সম্প্ৰদায়ৰ বিধায়কসকলৰ মাজত সৰ্বাধিক কৰ্মদক্ষ আৰু জনদৰদী নেতা।তেওঁ সদায় জনতাৰ সমস্যাক অগ্ৰাধিকাৰ দি সেই সমস্যাসমূহ সমাধান কৰিবলৈ চেষ্টা কৰি আহিছে।  

লগতে পঢ়ক: ‘মই নেহৰুৰ অন্ধভক্ত নহয়’; দেশৰ প্ৰথম প্ৰধানমন্ত্ৰীক লৈ শশী থাৰুৰ বিস্ফোৰক মন্তব্য