ফিফা বিশ্বকাপ ২০২৬ ৰ দ্বিতীয় ছেমি ফাইনেলত ইংলেণ্ডৰ বিৰুদ্ধে মাত্ৰ ৭ মিনিটত দুটা গ’ল দি একেৰাহে দ্বিতীয়বাৰৰ বাবে ফাইনেলত স্থান দখল কৰে ডিফেণ্ডিং চেম্পিয়ন আৰ্জেণ্টিনাই। অন্তিম মুহূৰ্তলৈকে ইংলেণ্ডে আধিপত্য বিস্তাৰ কৰি আছিল যদিও শেষৰ ৭ মিনিটত মেছী বাহিনীয়ে সমগ্ৰ খেল সলনি কৰি দিয়ে ।

ক্ৰমাগত দ্বিতীয়বাৰৰ বাবে ফিফা বিশ্বকাপৰ ফাইনেলত প্ৰৱেশ কৰি ইতিহাস ৰচনা কৰিলে লিয়’নেল মেছীৰ আৰ্জেণ্টিনাই। ছেমিফাইনেলৰ এক শ্বাসৰুদ্ধকৰ মহাসমৰত ডিফেণ্ডিং চেম্পিয়ন আৰ্জেণ্টিনাই ইংলেণ্ডক ২-১ ব্যৱধানত ধূলিস্যাৎ কৰে। খেলখনৰ অন্তিম মুহূৰ্তলৈকে ইংলেণ্ডে আধিপত্য বিস্তাৰ কৰি আছিল যদিও শেষৰ ৭ মিনিটত মেছী বাহিনীয়ে সমগ্ৰ খেল সলনি কৰি দিয়ে ।

এই জয়েৰে আৰ্জেণ্টিনাই অভিলেখসংখ্যক ৭ম বাৰৰ বাবে ফিফা বিশ্বকাপৰ ফাইনেলত স্থান নিশ্চিত কৰিলে। এতিয়া ২০২৬ বিশ্বকাপৰ মেগা ফাইনেলত আৰ্জেণ্টিনাৰ মুখামুখি হ’ব স্পেইন। আনহাতে, ছেমিফাইনেলতে ট্ৰফীৰ সপোন ভংগ হোৱা ইংলেণ্ডে এতিয়া তৃতীয় স্থানৰ বাবে ফ্ৰান্সৰ বিৰুদ্ধে খেলিব লাগিব।

শেষ ৭ মিনিটত আৰ্জেণ্টিনাৰ ৰাজকীয় প্ৰত্যাৱৰ্তন:
খেলৰ প্ৰথমাৰ্ধ গ’লহীনভাৱে শেষ হোৱাৰ পিছত, দ্বিতীয়াৰ্ধত এন্থনী গৰ্ডনৰ এক অনবদ্য গ’লৰ সহায়ত ইংলেণ্ডে ১-০ ব্যৱধানত অগ্ৰগতি লাভ কৰিছিল। এসময়ত এনে লাগিছিল যেন মেছীৰ বিশ্বকাপ ধৰি ৰখাৰ সপোন চূৰ্ণ-বিচুৰ্ণ হ’ব আৰু থমাছ টুচেলৰ ইংলেণ্ড ফাইনেললৈ যাব।

কিন্তু ফুটবল জগতত যে মেছীৰ যাদু কেতিয়াও শেষ নহয়, সেয়া আকৌ এবাৰ প্ৰমাণিত হ’ল। নিজে গ’ল নকৰিলেও লিয়’নেল মেছীয়ে মেচৰ শেষৰ ফালে দুটাকৈ চমৎকাৰ পাছ আগবঢ়ায়। প্ৰথমে এনজো ফাৰ্নাণ্ডিছে গ’ল দি খেলখন ১-১ সমতালৈ আনে। ইয়াৰ ঠিক পিছতেই, ইনজুৰী টাইমৰ দ্বিতীয় মিনিটত লাউটাৰো মাৰ্টিনেজে ইংলেণ্ডৰ ডিফেন্সক ভেদ কৰি বিজয়ী গ’লটো কৰে আৰু আৰ্জেণ্টিনাক ২-১ ৰ এক অবিশ্বাস্য জয় উপহাৰ দিয়ে।
ফাউল আৰু হালধীয়া কাৰ্ডৰ উত্তেজনাপূৰ্ণ যুঁজ:
প্ৰথমৰে পৰা দুয়োটা দলেই অতি আক্ৰমণাত্মক আৰু কঠিন গেম খেলা দেখা গৈছিল। খেলৰ প্ৰথম ১২ মিনিটতে ৮ টাকৈ ফাউল হয়। ইংলেণ্ডৰ তাৰকা জুড বেলিংহাম আৰু এলিয়ট এণ্ডাৰছনক আৰ্জেণ্টিনাৰ খেলুৱৈয়ে কেইবাবাৰো ফাউল কৰে। আনহাতে, ব্ৰিটেইনৰ অধিনায়ক হেৰী কেন আৰু এন্থনী গৰ্ডনেও মেছীক লক্ষ্য কৰি ফাউল কৰাৰ চেষ্টা চলায়। খেলখনত এণ্ডাৰছন আৰু আৰ্জেণ্টিনাৰ লিচান্দ্ৰো মাৰ্টিনেজে হালধীয়া কাৰ্ডো দেখিবলৈ পায়।

কিন্তু শেষ মুহূৰ্তৰ স্নায়ুযুদ্ধত ইংলেণ্ডক পিছ পেলাই শেষ হাঁহি মাৰিলে মেছী এণ্ড কোম্পানীয়ে। এতিয়া সমগ্ৰ বিশ্বৰ চকু থাকিব আৰ্জেণ্টিনা বনাম স্পেইনৰ সেই ঐতিহাসিক ফাইনেল মেচখনৰ ওপৰত।

লগতে পঢ়ক: আইচিচিৰ ডাঙৰ সিদ্ধান্ত; সলনি হ’ল ২০২৭ ৰ এদিনীয়া বিশ্বকাপৰ ফৰ্মেট

ফিফা বিশ্বকাপৰ ক্ৰমাগত অষ্টমখন খেলত গ’ল দি নতুন অভিলেখ গঢ়িলে লিয়’নেল মেছিয়ে।কেপ ভাৰ্ডেৰ বিৰুদ্ধে ৩-২ গ’লত ৰোমাঞ্চকৰ জয়ত মেছিয়ে প্ৰতিযোগিতাখনৰ সপ্তমটো গ’ল আৰু বিশ্বকাপ কেৰিয়াৰৰ ২০তম গ’লটো দিয়ে।

লিয়’নেল মেছিৰ ৰেকৰ্ড ভংগৰ ধাৰা থমকি ৰোৱাৰ নাম লোৱা নাই। আৰ্জেণ্টিনাৰ অধিনায়কগৰাকীয়ে ফিফা বিশ্বকাপৰ একেৰাহে অষ্টমখন মেচত গ’ল দি নিজৰ ৰেকৰ্ড অধিক শক্তিশালী কৰিলে।ফিফা বিশ্বকাপৰ একেৰাহে আঠখন খেলত গ’ল দিয়া বিশ্বৰ প্ৰথমজন খেলুৱৈ হিচাপে পৰিগণিত হয় লিয়’নেল মেছি। কেপ ভাৰ্ডেৰ বিৰুদ্ধে শনিবাৰে খেলা অতি ৰোমাঞ্চকৰ মেচখনত অতিৰিক্ত সময়ত আৰ্জেণ্টিনাই ৩-২ গ’লত জয়লাভ কৰি ৰাউণ্ড অব-১৬ ত স্থান নিশ্চিত কৰে।

খেলখনৰ ২৯ নং মিনিটত মেছিয়ে এক সুন্দৰ গ’ল দিয়ে। ডিফেণ্ডাৰ লিছান্দ্ৰ’ মাৰ্টিনেজে বক্সৰ ভিতৰলৈ এটা দীঘলীয়া আৰু সঠিক পাছ পঠিয়াইছিল, য’ত মেছিয়ে উৎকৃষ্ট টাইমিঙৰ সৈতে দৌৰি গৈছিল। তেওঁ প্ৰথম টাচটো বৰ সুন্দৰকৈ ল’লে আৰু তাৰ পিছত গ’লৰক্ষক ভ’জিনহাৰ ওপৰেৰে বলটো নেটৰ ওপৰৰ অংশলৈ পঠিয়াই আৰ্জেণ্টিনাক ১-০ ব্যৱধানত আগুৱাই লৈ যায়।

এয়া মেছিৰ বিশ্বকাপ কেৰিয়াৰৰ ২০ সংখ্যক গ’ল আছিল।ইয়াৰ সৈতে তেওঁ এই তালিকাত দ্বিতীয় স্থানত থকা ফ্ৰান্সৰ কিলিয়ান এমবাপ্পেতকৈ দুটা গ’লৰ অগ্ৰগতি লাভ কৰে।মেছি এতিয়া বিশ্বকাপ ইতিহাসৰ আটাইতকৈ বেছি গ’ল কৰা খেলুৱৈ হৈ পৰিছে। চলিত বিশ্বকাপত এয়া মেছিৰ সপ্তমটো গ’ল আছিল। ইয়াৰ সৈতে তেওঁ ‘গ’ল্ডেন বুট’ৰ দৌৰত এমবাপ্পেক পিছ পেলাই। এমবাপ্পেৰ নামত বৰ্তমান ছয়টা গ’ল থকাৰ বিপৰীতে মেছি সাতটা গ’লেৰে আটাইতকৈ আগত আছে। একেৰাহে আঠখন বিশ্বকাপ মেচত গ’ল কৰা মেছিয়ে এই সময়ছোৱাত ১২ টা গ’ল দিছে। এই ধাৰাবাহিকতাই তেওঁৰ দুৰ্দান্ত ফৰ্মৰ প্ৰমাণ দিয়ে।

মেচৰ আৰম্ভণিৰে পৰাই মেছিক আক্ৰমণাত্মক ৰূপত দেখা গৈছিল। ১৫ সংখ্যক মিনিটত তেওঁৰ বাওঁ ভৰিৰ শ্বটটো সামান্য ব্যৱধানত পোষ্টৰ বাহিৰলৈ গুচি যায়। ইয়াৰ তিনি মিনিট পিছত তেওঁ প্ৰায় ২৫ গজ দূৰৰ পৰা এটা ফ্ৰী-কিক লাভ কৰে, কিন্তু কেপ ভাৰ্ডেৰ অভিজ্ঞ গ’লৰক্ষক ভ’জিনহাই তাক সহজেই ৰক্ষা কৰে।

অৱশ্যে ইয়াৰ পিছত মেছিয়ে ২৯ সংখ্যক মিনিটত এক সুন্দৰ ফিনিচিং কৰি আৰ্জেণ্টিনাক অগ্ৰগতি প্ৰদান কৰে। গ’ল কৰাৰ পিছত তেওঁ হাত মেলি লিছান্দ্ৰ’ মাৰ্টিনেজৰ ফালে ইংগিত কৰে আৰু তেওঁৰ পাছটোক প্ৰশংসা কৰে। ইয়াৰ পিছত সমগ্ৰ দলে তেওঁক সাৱটি ধৰি আনন্দ উদযাপন কৰে।

এয়া মেছিৰ আন্তৰ্জাতিক কেৰিয়াৰৰ ১২৪ সংখ্যক গ’ল আছিল। আন্তৰ্জাতিক ফুটবলত তেওঁতকৈ আগত কেৱল পৰ্তুগালৰ ক্ৰিষ্টিয়ানো ৰোনাল্ডো আছে, যাৰ নামত ১৪৬ টা গ’ল নথিভুক্ত হৈ আছে।

মেচৰ শেষত আৰ্জেণ্টিনাৰ মিডফিল্ডাৰ ৰড্ৰিগো ডি পলে মেছিৰ প্ৰশংসা কৰি কয়:”মোৰ বাবে তেওঁৰ সৈতে থকা বন্ধুত্বৰ মূল্য বহুত বেছি। বন্ধুত্ব জীৱনৰ আটাইতকৈ ডাঙৰ উপহাৰসমূহৰ ভিতৰত অন্যতম আৰু মই নিজকে ভাগ্যৱান বুলি ভাবো যে তেওঁৰ সৈতে মই এই মুহূৰ্তবোৰ কটাইছোঁ।”

যদিও কেপ ভাৰ্ডেই বৰ্তমানৰ বিশ্ব চেম্পিয়ন আৰ্জেণ্টিনাক তীব্ৰ প্ৰত্যাহ্বান জনাইছিল আৰু খেলখন অতিৰিক্ত সময়লৈকে টানি লৈ গৈছিল, তথাপিও অৱশেষত আৰ্জেণ্টিনাই ৩-২ ব্যৱধানত জয়লাভ কৰি শেষ-১৬ ৰ স্থান দখল কৰে।

লগতে পঢ়ক: ফিফা বিশ্বকাপত ইজিপ্তৰ ইতিহাস; পেনাল্টী শ্বুটআউটত অষ্ট্ৰেলিয়াক পৰাস্ত