বিহাৰ নিৰ্বাচনৰ পূৰ্বে লালু পৰিয়ালৰ বাবে বৃহৎ বিপৰ্যয়

বিহাৰ নিৰ্বাচনৰ দিন ঘোষণা কৰা হৈছে।ইফালে আৰজেডিৰ মুৰব্বী লালু প্ৰসাদ যাদৱ, পত্নী ৰাবৰি দেৱী আৰু পুত্ৰ তেজস্বী যাদৱৰ বিপদ বৃদ্ধি পাইছে।

আজি আদালতত লালু যাদৱ, ৰাবৰি যাদৱ আৰু তেজস্বী যাদৱৰ বিৰুদ্ধে দুটা গোচৰত অভিযোগ ফ্ৰেমৱৰ্ক কৰাৰ সন্দৰ্ভত শুনানি চলি আছে।

IRCTC আৰু লেণ্ড ফৰ জব গোচৰত আজি আদালতত হাজিৰ হয় লালু, ৰাব্ৰি আৰু তেজস্বী।বৰ্তমান আদালতে আই আৰ চি টি চিৰ দুৰ্নীতিৰ অভিযোগত লালু, ৰাব্ৰি, তেজস্বীকে ধৰি ১৪ জন অভিযুক্তৰ বিৰুদ্ধে অভিযোগ ফ্ৰেমৱৰ্ক কৰিছে।

দৰাচলতে আই আৰ চি টি চি কেলেংকাৰীৰ গোচৰত আৰ জে ডিৰ অধ্যক্ষ লালু প্ৰসাদ যাদৱ, ৰাব্ৰি যাদৱ, তেজস্বী যাদৱ আদিৰ বিৰুদ্ধে অভিযোগ ফ্ৰেমৱৰ্ক কৰাৰ সন্দৰ্ভত এভিনিউ আদালতে আজি আদেশ দিছে।

আদালতৰ নিৰ্দেশ অনুসৰি আদালতত হাজিৰ হয় লালু প্ৰসাদ যাদৱ, ৰাবৰি যাদৱ আৰু তেজস্বী যাদৱ।এই গোচৰটো লালু প্ৰসাদ যাদৱ ৰে’ল মন্ত্ৰী হিচাপে থকা সময়ছোৱাত আই আৰ চি টি চিৰ দুখন হোটেলৰ ৰক্ষণাবেক্ষণৰ ঠিকা এটা প্ৰতিষ্ঠানক দিয়াত হোৱা অনিয়মৰ সৈতে জড়িত।

এই গোচৰত চিবিআইয়ে লালু যাদৱ, ৰাবৰি দেৱী আৰু তেজস্বী যাদৱৰ বিৰুদ্ধে জালিয়াতি, অপৰাধমূলক ষড়যন্ত্ৰ আৰু দুৰ্নীতিৰ অভিযোগ উত্থাপন কৰিছিল।

আনহাতে তিনিওজনৰ হৈ যুক্তি দিয়া হৈছিল যে চিবিআইৰ হাতত এই গোচৰৰ গোচৰ চলাব পৰাকৈ প্ৰমাণ নাই।এই গোচৰৰ মুঠ ১৪ জন অভিযুক্তৰ বিৰুদ্ধে অভিযোগ উত্থাপন কৰা হৈছে।

লগতে পঢ়ক: ‘শেষ উশাহলৈকে মোদীজীৰ লগত থাকিম’; আসন ভাগ-বতৰাকলৈ জীতনৰাম মাঞ্জীৰ গুৰুত্বপূৰ্ণ মন্তব্য

দেশৰ প্ৰাক্তন ৰে’ল মন্ত্ৰী তথা ৰাষ্ট্ৰীয় জনতা দলৰ মুৰব্বী লালু প্ৰসাদে কুম্ভ সন্দৰ্ভত এক বিতৰ্কিত মন্তব্য কৰিছে। নতুন দিল্লী ৰে’ল ষ্টেচনত সংঘটিত পদপৃষ্ট ঘটনাত দুখ প্ৰকাশ কৰি তেওঁ কুম্ভক অপ্ৰয়োজনীয় বুলি অভিহিত কৰিছে। তেওঁ কৈছিল যে,” কুম্ভৰ অৰ্থ কি? কুম্ভ ফাল্টু।ইয়াৰ কোনো অৰ্থ নাই “।

লালু প্ৰসাদ যাদৱে পদপৃষ্ট ঘটনাটো অতি দুৰ্ভাগ্যজনক বুলি বৰ্ণনা কৰিছিল আৰু কৈছিল যে তেওঁ পীড়িতসকলৰ প্ৰতি সমবেদনা জ্ঞাপন কৰিছে।

তেওঁ এই ঘটনাৰ বাবে ৰে’লৱেক সম্পূৰ্ণৰূপে দোষাৰোপ কৰিছিল আৰু কৈছিল যে ৰে’লৱেৰ অব্যৱস্থাৰ বাবেই বহুতো লোকে প্ৰাণ হেৰুৱাইছে।ইয়াৰ বাবে ৰে’ল মন্ত্ৰীয়ে দায়িত্ব লোৱা উচিত।

উল্লেখ্য যে দিল্লী ৰে’ল ষ্টেচনত শনিবাৰে নিশা সংঘটিত হোৱা পদপৃষ্টত ১৪ গৰাকী মহিলাসহ ১৮ জন লোকৰ মৃত্যু হয় আৰু ১২ জনৰো অধিক লোক আহত হয়।

মৃতসকলৰ ভিতৰত, ১৪ আৰু ১৫ নম্বৰৰ প্লেটফৰ্মত প্ৰয়াগৰাজলৈ যোৱা ৰে’লখনত উঠিবলৈ যাত্ৰীৰ ভিৰ হৈছিল, যাৰ ফলত হাহাকাৰ পৰিৱেশৰ সৃষ্টি হৈছিল।