শনিবাৰে পুৱা ১০:০০ বজাত ‘পৰীক্ষা পে চৰ্চা ২০২৫’ৰ পঞ্চম খণ্ডৰ লাইভ ষ্ট্ৰীমিং কৰা হয় । এই খণ্ডটোত ছাত্ৰ-ছাত্ৰীসকলক ‘মনৰ অলৌকিকতা’ বিষয়টোৰ ওপৰত গুৰুত্বপূৰ্ণ তথ্য দিয়া হয় । প্ৰখ্যাত আধ্যাত্মিক গুৰু সদগুৰুৱে শিক্ষণক আকৰ্ষণীয় কৰি তোলা আৰু সন্তুলিত, শক্তিশালী মন গঢ়ি তোলাৰ ওপৰত তেওঁৰ চিন্তাধাৰা ভাগ-বতৰা কৰে ।

ইয়াৰ উপৰিও পৰীক্ষাৰ সময়ত মানসিক শান্তি বজাই ৰাখিবলৈ আৰু আত্মবিশ্বাস বৃদ্ধিৰ বাবে শিক্ষাৰ্থীসকলক সদগুৰুৱে পৰামৰ্শ প্ৰদান কৰে । এই খণ্ডটোত মাইণ্ডফুলনেছ আৰু আভ্যন্তৰীণ ভাৰসাম্যৰ ওপৰত বিশেষ গুৰুত্ব দিয়া হয়, যাতে ছাত্ৰ-ছাত্ৰীসকলে মানসিক চাপ নিয়ন্ত্ৰণ কৰিব পাৰে আৰু সম্পূৰ্ণ আত্মবিশ্বাসেৰে পৰীক্ষাৰ সন্মুখীন হ’ব পাৰে ।

ছাত্ৰ-ছাত্ৰীৰ সৈতে মত বিনিময় কৰাৰ সময়ত সদগুৰুৱে নিজৰ চিন্তা-চৰ্চা ব্যক্ত কৰে । তেওঁ কয় যে পৰীক্ষাৰ সময়ত ডায়েৰিয়া প্ৰতিৰোধী ঔষধৰ বিক্ৰী বৃদ্ধি পায় । বহু ছাত্ৰ-ছাত্ৰীয়ে অত্যন্ত মানসিক চাপৰ সন্মুখীন হয়, যাৰ ফলত তেওঁলোকৰ স্বাস্থ্যৰ ওপৰত নেতিবাচক প্ৰভাৱ পৰে ।

শিক্ষাৰ প্ৰকৃত উদ্দেশ্য কি ?

সদগুৰুৱে কয় যে শিক্ষা কেৱল পৰীক্ষাত উত্তীৰ্ণ হোৱাত সীমাবদ্ধ থাকিব নালাগে, বৰঞ্চ ই জীৱনক সঠিক দিশত আগুৱাই নিয়াৰ মাধ্যম আৰু ইয়াক গভীৰভাৱে বুজিবলৈ তেওঁ ছাত্ৰ-ছাত্ৰীসকলক প্ৰকৃতিৰ পৰা শিকিবলৈ পৰামৰ্শ দিয়ে । ঘাঁহ আৰু নাৰিকল গছবোৰ ভালদৰে চালে লক্ষ্য কৰিব যে ইহঁত কেনেকৈ বাঢ়ে ।

মোবাইলৰ আসক্তি কেনেকৈ এৰাই চলিব-

মোবাইল ফোনে সৃষ্টি কৰা বিক্ষিপ্ততাৰ বিষয়ে আলোচনা কৰি সদগুৰুৱে ছাত্ৰ-ছাত্ৰীসকলক বুজাই দিলে যে আপুনি ছ’চিয়েল মিডিয়া আৰু মোবাইল ফোন কেনেকৈ ব্যৱহাৰ কৰিব সেইটো সিদ্ধান্ত ল’ব লাগে । এই প্লেটফৰ্মবোৰে আপোনাক ব্যৱহাৰ কৰিবলৈ নিদিব । এই প্ৰযুক্তিয়ে যিদিনা আপোনাক নিয়ন্ত্ৰণ কৰিবলৈ আৰম্ভ কৰিব, সেইদিনা বুজি লওক যে আপোনাৰ পতন আৰম্ভ হৈছে ।

সদগুৰুৱে এই কথাও কয় যে ‘অতি চিন্তা’ বুলি কোনো কথা নাই, কিন্তু আমাৰ মনটো মাথোঁ বিচৰণ কৰে এই কথা তেওঁ যন্ত্ৰৰ উদাহৰণেৰে বুজাই দিলে । ঠিক যেনেকৈ মেচিন এটা সঠিক লুব্ৰিকেচন অবিহনে চলালে সোনকালে ভাঙি যায়, ঠিক সেইদৰে আমাৰ মনটোৱে সঠিক দিশত কাম নকৰিলে সমস্যাৰ সৃষ্টি কৰে ।

পৰীক্ষাৰ ভয় প্ৰতিহত কৰিবলৈ পুনৰ এবাৰ দেশত ‘পৰীক্ষা পে চৰ্চা’ অনুষ্ঠিত হ’বলৈ গৈ আছে । প্ৰধানমন্ত্ৰী মোদীৰ অতি জনপ্ৰিয় অনুষ্ঠান ‘পৰীক্ষা পে চৰ্চা’ আৰম্ভ হৈছে । পৰীক্ষ পে চৰ্চাৰ অষ্টম সংস্কৰণৰ পঞ্জীয়ন প্ৰক্ৰিয়া আৰম্ভ হৈছে । ভাৰতৰ ২৮খন ৰাজ্য আৰু ৮খন কেন্দ্ৰীয় শাসিত অঞ্চলৰ শিশু তথা শিক্ষাৰ্থী, তেওঁলোকৰ পিতৃ-মাতৃ, অভিভাৱক আৰু শিক্ষকে এই অনুষ্ঠানত অংশগ্ৰহণ কৰিব পাৰিব । ইচ্ছুক প্ৰাৰ্থীয়ে অফিচিয়েল ৱেবছাইট mygov.in/ppc-2023 ত গৈ অনলাইন আবেদন কৰিব পাৰিব । এতিয়ালৈকে ইয়াৰ বাবে ২.৯২ লাখতকৈ অধিক ছাত্ৰ-ছাত্ৰীয়ে পঞ্জীয়ন কৰিছে । এই কাৰ্যসূচীত প্ৰধানমন্ত্ৰী নৰেন্দ্ৰ মোদীয়ে আগন্তুক ব’ৰ্ড পৰীক্ষা আৰু আনুষংগিক বিষয়সমূহৰ ওপৰত অভিভাৱক আৰু শিক্ষকৰ সৈতে মত বিনিময় কৰে । এই কাৰ্যসূচীত অংশগ্ৰহণ কৰিবলৈ ছাত্ৰ-ছাত্ৰীসকলে সৰ্বাধিক ৫০০ আখৰত প্ৰধানমন্ত্ৰীলৈ প্ৰশ্ন প্ৰেৰণ কৰিব লাগিব ।

পৰীক্ষা পে চৰ্চাত নৱম শ্ৰেণী, দশম শ্ৰেণী, একাদশ আৰু দ্বাদশ শ্ৰেণীৰ ছাত্ৰ-ছাত্ৰীয়ে অংশগ্ৰহণ কৰিব পাৰিব । ইয়াৰ বাবে অনলাইন সৃষ্টিশীল লেখা প্ৰতিযোগিতাৰ জৰিয়তে ছাত্ৰ-ছাত্ৰীক নিৰ্বাচিত কৰা হয় । পি পি চি ২০২৪ প্ৰতিযোগিতাৰ বিজয়ীসকলে প্ৰধানমন্ত্ৰীৰ সৈতে এই অনুষ্ঠানত অংশগ্ৰহণ কৰাৰ সুযোগ পায় । ইয়াৰ উপৰিও তেওঁলোকে এখন চাৰ্টিফিকেট আৰু ‘পৰীক্ষা পে চৰ্চা’ৰ কিটো লাভ কৰে । প্ৰধানমন্ত্ৰীয়ে ২০১৮ চনৰ পৰা প্ৰতি বছৰে ‘পৰীক্ষা পে চৰ্চা’ কাৰ্যসূচীৰ আয়োজন কৰি আহিছে ।

ক’ত হ’ব পৰীক্ষা পে চৰ্চা-

২০২৫ চনৰ জানুৱাৰী মাহত নতুন দিল্লীৰ ভাৰত মণ্ডপমত পৰীক্ষ পে চৰ্চা কাৰ্যসূচীৰ আয়োজন কৰা হ’ব । অৱশ্যে এই কাৰ্যসূচীৰ তাৰিখ এতিয়াও নিৰ্ণয় হোৱা নাই । ইয়াৰ তাৰিখ অতি সোনকালে কেন্দ্ৰীয় শিক্ষা বিভাগে প্ৰকাশ কৰিব ।

‘পৰীক্ষা পে চৰ্চা’ ২০২৫ত অংশগ্ৰহণ কৰা ছাত্ৰ-ছাত্ৰীৰ বাবে নিৰ্দেশনা-

১.এই প্ৰতিযোগিতা ষষ্ঠ শ্ৰেণীৰ পৰা দ্বাদশ শ্ৰেণীলৈকে বিদ্যালয়ৰ ছাত্ৰ-ছাত্ৰীৰ বাবে ।

২. ছাত্ৰ-ছাত্ৰীসকলে নিজৰ প্ৰশ্ন প্ৰধানমন্ত্ৰীলৈ সৰ্বাধিক ৫০০ আখৰেৰে প্ৰেৰণ কৰিব পাৰিব ।

৩. অভিভাৱক আৰু শিক্ষকসকলেও তেওঁলোকৰ বাবে বিশেষভাৱে ডিজাইন কৰা অনলাইন কাৰ্য্যসূচীত অংশগ্ৰহণ কৰি নিজৰ প্ৰৱেশ পত্ৰ জমা দিব পাৰিব ।

৪. ভুল তথ্য প্ৰদান কৰা যিকোনো অংশগ্ৰহণকাৰীক পি পি চি ২০২৫ত অংশগ্ৰহণ কৰাৰ পৰা অযোগ্য ঘোষণা কৰা হ’ব ।

‘পৰীক্ষা পে চৰ্চা’ ২০২৫ৰ বাবে কেনেদৰে আৱেদন কৰিব-

১. প্ৰথমে অফিচিয়েল ৱেবছাইট https://www.mygov.in লৈ যাওক।

২. হোমপেজত Participate Now লিংকত ক্লিক কৰক।

৩. আকৌ Participate Now ত ক্লিক কৰক।

৪. আপুনি যিটো শ্ৰেণীত পৰে তাত ক্লিক কৰক, অৰ্থাৎ যদি আপুনি ছাত্ৰ তেন্তে ছাত্ৰ লিংকত ক্লিক কৰক, যদি আপুনি অভিভাৱক তেন্তে অভিভাৱক লিংকত ক্লিক কৰক আৰু যদি আপুনি শিক্ষক তেন্তে শিক্ষক লিংকত ক্লিক কৰি সম্পূৰ্ণ কৰক পঞ্জীয়ন প্ৰক্ৰিয়া ।