একেৰাহে ষষ্ঠবাৰৰ বাবে পৰাজয়ৰ পিছত হতাশাত প্ৰীতি জিন্টা
আৰচিবিৰ বিৰুদ্ধে পৰাজয়ৰ পিছত পঞ্জাৱ কিংছৰ প্লে অফৰ আশা শেষ হৈ গৈছে। একেৰাহে ষষ্ঠবাৰৰ বাবে পৰাজয়ৰ ফলত হতাশ হৈ পৰিছে প্ৰীতি জিন্টা।
২০২৬ চনৰ আই পি এলত উজ্জ্বল আৰম্ভণি কৰা পঞ্জাৱ কিংছ এতিয়া প্লে অফৰ দৌৰৰ বাহিৰত থকা যেন লাগে।ছিজনটোৰ প্ৰথমাৰ্ধত একেৰাহে জয় পঞ্জীয়ন কৰি পইণ্ট তালিকাৰ শীৰ্ষস্থান দখল কৰা দলটোৱে এতিয়া একেৰাহে পৰাজয়ৰ সন্মুখিন হৈছে।ৰয়েল চেলেঞ্জাৰছ বেংগালুৰুৰ বিৰুদ্ধে পৰাজয়ৰ পিছত পঞ্জাৱ কিংছৰ সহ-মালিক প্ৰীতি জিণ্টাৰ হতাশগ্ৰস্ত মুখখন ছ’চিয়েল মিডিয়াত চৰ্চাৰ বিষয় হৈ পৰিছে।
মেচ শেষ হোৱাৰ পিছত প্ৰীতি জিণ্টাই অধিনায়ক শ্ৰেয়াছ আয়াৰৰ সৈতে দীঘলীয়া কথা-বতৰাত লিপ্ত হোৱা দেখা গৈছিল।অধিনায়ক শ্ৰেয়াছ আয়াৰৰ মুখটো হতাশা স্পষ্টকৈ দেখা গৈছিল।এই মুহূৰ্তটো প্ৰত্যক্ষ কৰি অনুৰাগীসকলো আৱেগিক হৈ পৰিছিল।
শ্ৰেয়াছ আয়াৰৰ অধিনায়কত্বত পঞ্জাৱ কিংছে এই ছিজনটো দৰ্শনীয় ধৰণেৰে আৰম্ভ কৰিছিল।একেৰাহে ছখন মেচত জয়লাভ কৰি দলটোৱে খিতাপৰ শক্তিশালী প্ৰতিদ্বন্দ্বী হিচাপে নিজকে প্ৰতিষ্ঠা কৰিছিল। বেটিং আৰু বলিং দুয়োটা বিভাগতে দলটোৱে ভাৰসাম্য ৰক্ষা কৰিছিল।
অৱশ্যে প্ৰতিযোগিতাখনৰ দ্বিতীয়াৰ্ধত পঞ্জাৱৰ গতিবেগ সম্পূৰ্ণৰূপে স্তব্ধ হৈ পৰে।প্ৰথমটো পৰাজয়ৰ পিছত দলটো ক্ৰমাৎ হেঁচাত পৰিল আৰু বৰ্তমানৰ পৰিস্থিতি এনে এটা পৰ্যায় পাইছেগৈ যে একেৰাহে ছখন মেচত পৰাস্ত হোৱাৰ পিছত প্লে অফৰ আশাও শেষ হৈ গৈছে।এতিয়া পঞ্জাব কিংছৰ ১৩খন মেচৰ পৰা ১৩ পইণ্টত আছে, আৰু দলটোৰ মাজত মাত্ৰ এখন মেচ বাকী আছে।
লগতে পঢ়ক: অন্তিমবাৰৰ বাবে আই পি এলত খেলিব নেকি মহেন্দ্ৰ সিং ধোনীয়ে? তীব্ৰতৰ হৈ পৰিছে অৱসৰৰ জল্পনা-কল্পনা