বহু জল্পনা কল্পানৰ অন্তত নতুন চাৰি মন্ত্ৰীক দিয়া হ’ল দপ্তৰ। প্ৰশান্ত ফুকনক দিয়া হ’ল শক্তি,নিয়োগ-দক্ষতা বিকাশ,মেডিকেল শিক্ষা।

কৃষ্ণেন্দু পালক দিয়া হ’ল পশুপালন,মীন,PWD, ৰূপেশ গোৱালাক শ্ৰমিক কল্যান বিভাগ ,গৃহ (কাৰাগাৰ,হোমগাৰ্ড) আৰু কৌশিক ৰায়ক বৰাক উপত্যকা উন্নয়ণ বিভাগ, খাদ্য আৰু ৰাহুৱা বিতৰণ বিভাগৰ দায়িত্ব দিয়া হৈছে।

আনহাতে  জয়ন্ত মল্ল বৰুৱাৰ পৰিৱৰ্তে ৰঞ্জিত দাসক পৰ্যটনৰ দায়িত্ব , অশোক সিংঘালক স্বাস্থ্য আৰু পৰিয়াল কল্যাণ , ৰঞ্জিত দাসক পঞ্চায়ত আৰু গ্ৰাম্য উন্নয়নৰ দায়িত্ব ,

অতুল বৰাৰ হাততে আছে কৃষি আৰু আবকাৰী বিভাগৰ দায়িত্ব। কেশৱ মহন্ত ৰাজ্যৰ নতুন ৰাজহ আৰু দুৰ্যোগ বিভাগৰ দায়িত্ব দিয়া হৈছে।

আজি মন্ত্ৰী হিচাপে শপত ললে ৪ নতুন মন্ত্ৰীয়ে । শ্ৰীমন্ত শংকৰদেৱ কলাক্ষেত্ৰত শপত গ্ৰহণ কৰিলে বিধায়ক প্ৰশান্ত ফুকন, কৌশিক ৰায়, কৃষ্ণেন্দু পাল আৰু ৰূপেশ গোৱালে । তাৰ পিছতেই নতুন মন্ত্ৰীসভাক লৈ মুখ্যমন্ত্ৰী ড০ হিমন্ত বিশ্ব শৰ্মাৰ ডাঙৰ ঘোষণা।

মুখ্যমন্ত্ৰী গৰাকীয়ে দিয়া মন্তব্য অনুসৰি “পূৰ্বৰ বহু মন্ত্ৰীৰ সলনি হ’ব নিজ নিজ দপ্তৰ। নতুনকৈ শপত লোৱা ৪ মন্ত্ৰীক প্ৰদান কৰা হ’ব দায়িত্ব। নতুন ৪ গৰাকী মন্ত্ৰীয়ে শনিবাৰে শপত গ্ৰহণ কৰে যদিও সোমবাৰে বিতৰণ কৰা হ’ব দপ্তৰ” ।৪ নতুন মন্ত্ৰীৰ আগমনে মন্ত্ৰীসভাক সফল কৰিব বুলি মন্তব্য মুখ্যমন্ত্ৰীৰ ।  

বহু অপেক্ষাৰ অন্তত ঘোষণা কৰা হ’ল অসম চৰকাৰৰ মন্ত্ৰীসভাৰ নতুন মন্ত্ৰীৰ নাম ঘোষণা। ৪গৰাকীকৈ বিধায়কক নতুনকৈ মন্ত্ৰিত্ব প্ৰদান।নতুন মন্ত্ৰীসভাত অন্তৰ্ভুক্ত হল ৰূপেশ গোৱালা, কৃষ্ণেন্দু পাল,  কৌশিক ৰায়, প্ৰশান্ত ফুকন।

দীঘলিয়া সময়ধৰি বিধায়ক হিচাপে থকা প্ৰশান্ত ফুকনে পালে মন্ত্ৰিত্ব।ইফালে প্ৰথমবাৰলৈ বিধায়ক হৈয়ে কৌশিক ৰায়েও পালে মন্ত্ৰিত্ব। ৭ ডিচেম্বৰত শপত লব ৪ গৰাকী নতুন মন্ত্ৰীয়ে।