প্ৰধানমন্ত্ৰী মোদীক ফোন ৰাছিয়াৰ ৰাষ্ট্ৰপতি পুটিনৰ

সোমবাৰে ৰাছিয়াৰ ৰাষ্ট্ৰপতি ভ্লাদিমিৰ পুটিনে প্ৰধানমন্ত্ৰী নৰেন্দ্ৰ মোদীৰ সৈতে ফোনযোগে বাৰ্তালাপ কৰে । ফোনত পুটিনে আলাস্কাত ট্ৰাম্পৰ সৈতে হোৱা বৈঠকৰ বিষয়ে প্ৰধানমন্ত্ৰী মোদীক অৱগত কৰে । প্ৰধানমন্ত্ৰী মোদীয়ে টুইটাৰত এটা পোষ্ট যোগে পুটিনৰ সৈতে হোৱা কথা-বতৰাৰ তথ্য শ্বেয়াৰ কৰে ।

প্ৰধানমন্ত্ৰী মোদীয়ে টুইটাৰত লিখিছে- মোৰ বন্ধু ৰাষ্ট্ৰপতি পুটিনক তেওঁৰ ফোন কল আৰু শেহতীয়াকৈ আলাস্কাত ৰাষ্ট্ৰপতি ট্ৰাম্পৰ সৈতে হোৱা সাক্ষাৎকাৰৰ তথ্য শ্বেয়াৰ কৰাৰ বাবে ধন্যবাদ । ভাৰতে ধাৰাবাহিকভাৱে ইউক্ৰেইন বিবাদৰ শান্তিপূৰ্ণ সমাধানৰ আহ্বান জনাই আহিছে । এই ক্ষেত্ৰত ভাৰতে সকলো প্ৰচেষ্টাক সমৰ্থন কৰে । আগন্তুক দিনবোৰতো আমাৰ অবিৰত আদান-প্ৰদানৰ বাবে আগ্ৰহী ।

ৰাছিয়াৰ ৰাষ্ট্ৰপতি ভ্লাদিমিৰ পুটিনে ১৫ আগষ্টত আলাস্কাত আমেৰিকাৰ ৰাষ্ট্ৰপতি ড’নাল্ড ট্ৰাম্পৰ সৈতে বৈঠকত মিলিত হয় । এই বৈঠকত ইউক্ৰেইন যুদ্ধৰ যুদ্ধবিৰতিৰ বিষয়ে আলোচনা কৰা হয় । কিন্তু ৰাছিয়া আৰু ইউক্ৰেইনৰ মাজত চলি থকা যুদ্ধত যুদ্ধবিৰতি কাৰ্যকৰী কৰাৰ ক্ষেত্ৰত কোনো চুক্তি হোৱা নাছিল । এই বৈঠক এনে সময়ত অনুষ্ঠিত হয় যেতিয়া আমেৰিকাৰ ৰাষ্ট্ৰপতি ট্ৰাম্পে ৰাছিয়াৰ পৰা তেল ক্ৰয় কৰাৰ বাবে ভাৰতৰ ওপৰত ৫০ শতাংশ শুল্ক আৰোপ কৰিছে । ভাৰতে এই বিষয়ত তীব্ৰ আপত্তি জনাই আমেৰিকাৰ এই পদক্ষেপক অন্যায় আৰু অৰ্থহীন বুলি অভিহিত কৰিছিল । ভাৰতীয় বৈদেশিক মন্ত্ৰালয়ে কয় যে আমি আমাৰ ৰাষ্ট্ৰীয় স্বাৰ্থ ৰক্ষাৰ বাবে সম্ভৱপৰ সকলো পদক্ষেপ গ্ৰহণ কৰিম । এতিয়া ৰাছিয়াৰ ৰাষ্ট্ৰপতি আৰু প্ৰধানমন্ত্ৰী মোদীৰ মাজত হোৱা কথা-বতৰাৰ পৰা স্পষ্ট হৈ পৰিছে যে ৰাছিয়াই আমেৰিকাৰ শুল্কৰ বিৰুদ্ধে ভাৰতৰ সৈতে থিয় দিছে ।

পুটিন-ট্ৰাম্পৰ বৈঠক নিৰ্ণায়ক নোহোৱাৰ বাবে ভাৰতত প্ৰভাৱ-

আমেৰিকাৰ ৰাষ্ট্ৰপতি ড’নাল্ড ট্ৰাম্পে কেইবাবাৰো কৈছে যে ৰাছিয়াৰ পৰা তেল ক্ৰয় কৰাৰ বাবে ভাৰতৰ ওপৰত ২৫% অতিৰিক্ত শুল্ক আৰোপ কৰাটোৱে প্ৰভাৱ পেলাইছে আৰু এই কাৰণেই পুটিনে তেওঁৰ সৈতে সাক্ষাৎ কৰিবলৈ সন্মত হৈছে । ট্ৰাম্পৰ বিত্তমন্ত্ৰী স্কট বেছাণ্টে এক সাক্ষাৎকাৰত সকীয়াই দিছে যে যদি পুটিন আৰু ট্ৰাম্পৰ মাজত হোৱা আলোচনাৰ কোনো ফল পোৱা নাযায়, তেন্তে ভাৰত অধিক শুল্কৰ বাবে সাজু হোৱা উচিত । এনে পৰিস্থিতিত আলাস্কাৰ বৈঠকৰ পাছত ভাৰতৰ সৰ্ববৃহৎ ৰপ্তানি কেন্দ্ৰ (আমেৰিকা)ৰ সৈতে বাণিজ্যিক সংঘাত আৰু অধিক অব্যাহত থাকিব পাৰে । অৱশ্যে শেহতীয়াকৈ ড’নাল্ড ট্ৰাম্পে এটা প্ৰশ্নৰ উত্তৰত কৈছিল যে যদি মই ভাৰতৰ ওপৰত অধিক শুল্ক আৰোপ কৰিবলগীয়া হয় তেন্তে মই নিশ্চিতভাৱে কৰিম, কিন্তু সম্ভৱ যে মোৰ তেনে কৰাৰ প্ৰয়োজন নহ’বও পাৰে ।

লগতে পঢ়ক : প্ৰধানমন্ত্ৰী মোদীক সাক্ষাৎ এন ডি এৰ উপ-ৰাষ্ট্ৰপতি পদৰ প্ৰাৰ্থী চিপি ৰাধাকৃষ্ণনৰ…

আজি দেশৰ ৭৯ সংখ্যক স্বাধীনতা দিৱস

আজি দেশে ৭৯ সংখ্যক স্বাধীনতা দিৱস উদযাপন কৰিছে।ভাৰতে ব্ৰিটিছৰ ২০০ বছৰীয়া দমন নীতিৰ পৰা স্বাধীনতা লাভ কৰাৰ আজি ৭৯ বছৰ হ’ল ৷

১৯৪৭ চনৰ ১৫ আগষ্টত দেশখনে ব্ৰিটিছ শাসনৰ পৰা স্বাধীনতা লাভ কৰে।স্বাধীনতা সংগ্ৰামৰ ত্যাগ, দেশৰ প্ৰগতি আৰু ঐক্যৰ প্ৰতীক এই দিৱস। সমগ্ৰ দেশতে আজি গৌৰৱেৰে উৰি আছে ত্ৰিৰংগা।

বহু লোকে স্বাধীন ভাৰতৰ সপোন দেখি সৰ্বস্ব ত্যাগ কৰিছিল। সেয়ে আজি স্বাধীনতা দিৱস উপলক্ষে আমি জাতিৰ পিতা মহা মানৱ মহাত্মা গান্ধীৰ লগতে সেইসকল মনষীক সোঁৱৰিছো যাৰ চৰম ত্যাগ আৰু কষ্টৰ অমৃত ফল হিচাপে আমি আজি এখন স্বাধীন দেশৰ নাগৰিক হিচাপে জীয়াই থকাৰ অধিকাৰ পাইছো।

আজি দেশবাসীক শুভেচ্ছা জনাইছে প্ৰধানমন্ত্ৰী নৰেন্দ্ৰ মোদীয়ে। প্ৰধানমন্ত্ৰী মোদীয়ে এক্সত এটা পোষ্ট শ্বেয়াৰ কৰি কয়, ‘স্বাধীনতা দিৱসৰ দিনা আপোনালোক সকলোলৈ আন্তৰিক শুভেচ্ছা। এই শুভ অনুষ্ঠানটোৱে সকলো দেশবাসীৰ জীৱনলৈ নতুন উদ্যম আৰু নতুন উজ্জ্বলতা কঢ়িয়াই আনক, যাতে এখন উন্নত ভাৰতৰ নিৰ্মাণে নতুন গতি লাভ কৰে, তাৰ কামনা কৰিলোঁ। জয় হিন্দ!’

স্বাধীনতা দিৱস উপলক্ষে শুকুৰবাৰে দেশৰ প্ৰধানমন্ত্ৰী নৰেন্দ্ৰ মোডীয়ে দিল্লীৰ ৰাজঘাটত উপস্থিত হৈ মহাত্মা গান্ধীক শ্ৰদ্ধাঞ্জলি জ্ঞাপন কৰে।

লগতে লালকিল্লাত উপস্থিত হৈ কীৰ্তিচিহ্নৰ প্ৰাচীৰৰ পৰা ১২ সংখ্যক বাৰৰ বাবে ৰাষ্ট্ৰীয় পতাকা উত্তোলন কৰি দেশবাসীক উদ্দেশ্যি ভাষণ প্ৰদান কৰে প্ৰধানমন্ত্ৰী গৰাকীয়ে।

লগতে পঢ়ক: ‘১৪০ কোটি দেশবাসীৰ বাবে সংকল্পৰ উৎসৱ’; দ্বাদশবাৰৰ বাবে লালকিল্লাত পতাকা উত্তোলন প্ৰধানমন্ত্ৰী মোদীৰ