মোদী-পুটিনৰ মিত্ৰতা দেখি আমেৰিকাৰ ৰাষ্ট্ৰপতি ড’নাল্ড ট্ৰাম্পৰ হাহাকাৰ

বৰ্তমানৰ আমেৰিকাৰ ৰাষ্ট্ৰপতি ড’নাল্ড ট্ৰাম্পে ভাৰতক একপক্ষীয় বাণিজ্যিক সম্পৰ্কৰ অভিযোগ উত্থাপন কৰিছে । তেওঁ কয় যে ভাৰতে দীৰ্ঘদিন ধৰি আমেৰিকাক নিজৰ অন্যতম বৃহৎ গ্ৰাহক হিচাপে গণ্য কৰি আহিছে যদিও বিনিময়ত আমেৰিকাই তাত ব্যৱসায় কৰাৰ সুযোগ অতি কম । ট্ৰাম্পে কয় যে এই সম্পৰ্ক দশক দশক ধৰি ভাৰসাম্যহীন হৈ আছে আৰু এতিয়া ভাৰতে শুল্ক হ্ৰাস কৰাৰ প্ৰস্তাৱ দিছে যদিও বহু দেৰি হৈছে ।

আমেৰিকাৰ ৰাষ্ট্ৰপতি ট্ৰাম্পে কয় যে ভাৰতে আমেৰিকাক বিপুল পৰিমাণৰ সামগ্ৰী বিক্ৰী কৰে, আনহাতে আমেৰিকাৰ কোম্পানীসমূহে ভাৰতত অতি কম সামগ্ৰী বিক্ৰী কৰিবলৈ সক্ষম হয় । ইয়াৰ বাবে তেওঁ ভাৰতৰ উচ্চ শুল্ক হাৰক জগৰীয়া কৰে । ট্ৰাম্পৰ মতে, বিশ্বৰ ভিতৰতে সৰ্বাধিক শুল্ক আৰোপ কৰা দেশসমূহৰ ভিতৰত ভাৰত অন্যতম আৰু ইয়াৰ বাবেই আমেৰিকাৰ সামগ্ৰীয়ে ভাৰতীয় বজাৰত প্ৰৱেশ কৰিব নোৱাৰে । তেওঁ ইয়াক ‘সম্পূৰ্ণ একপক্ষীয় দুৰ্যোগ’ অৰ্থাৎ সম্পূৰ্ণ একপক্ষীয় আৰু ক্ষতিকাৰক পৰিস্থিতি বুলি অভিহিত কৰে ।

তেল আৰু প্ৰতিৰক্ষা চুক্তিক লক্ষ্য-

ট্ৰাম্পে লগতে কয় যে ভাৰতে ৰাছিয়াৰ পৰা তেল আৰু সামৰিক প্ৰয়োজনীয়তাৰ অধিকাংশই পূৰণ কৰে আৰু আমেৰিকাৰ পৰা অতি কম ক্ৰয় কৰে । তেওঁ কয় যে এই পৰিস্থিতিয়ে বাণিজ্যিক ভাৰসাম্যহীনতাও গভীৰ কৰি তোলে । আমেৰিকাৰ ৰাষ্ট্ৰপতি ট্ৰাম্পৰ মতে ভাৰতে নিজৰ বাণিজ্যিক মনোভাৱ সলনি কৰাৰ প্ৰয়োজন আছিল যদিও সেয়া বহু পলমকৈ কৰিলে । তেওঁৰ মতে আমেৰিকাই দীৰ্ঘদিন ধৰি লোকচানৰ সন্মুখীন হৈ আহিছে ।

এতিয়া অফাৰ, কিন্তু দেৰিকৈ-

ট্ৰাম্পে কয় যে এতিয়া ভাৰতে নিজৰ শুল্ক শূন্যলৈ হ্ৰাস কৰাৰ প্ৰস্তাৱ দিছে । কিন্তু তেওঁ লগতে কয় যে এই পদক্ষেপ বহু আগতেই লোৱা উচিত আছিল । ৰাষ্ট্ৰপতিগৰাকীৰ মতে, এতিয়া এয়া এক ‘পলমকৈ’ লোৱা পদক্ষেপ । আমেৰিকাৰ জনসাধাৰণক সম্বোধন কৰি তেওঁ কয় যে এইবোৰ কিছুমান সহজ তথ্য যিবোৰ মানুহে বিবেচনা কৰা উচিত ।

ভাৰত-আমেৰিকাৰ সম্পৰ্কত প্ৰভাৱ-

ট্ৰাম্পৰ এই বক্তব্যই ইংগিত দিছে যে আগন্তুক সময়ত ভাৰত আৰু আমেৰিকাৰ মাজত বাণিজ্যিক সম্পৰ্ক কঠিন হ’ব পাৰে । ভাৰতক দীৰ্ঘদিন ধৰি আমেৰিকাৰ গুৰুত্বপূৰ্ণ অংশীদাৰ হিচাপে গণ্য কৰা হৈছিল যদিও বৰ্তমানৰ ৰাষ্ট্ৰপতিগৰাকীয়ে অহৰহ বাণিজ্যিক ঘাটিৰ ওপৰত কঠোৰ স্থিতি গ্ৰহণ কৰি আহিছে । বিশেষজ্ঞসকলৰ মতে শুল্ক সন্দৰ্ভত যদি কোনো সমাধান পোৱা নাযায়, তেন্তে এই বিবাদে দুয়োখন দেশৰ সম্পৰ্কত উত্তেজনাৰ সৃষ্টি কৰিব পাৰে ।

লগতে পঢ়ক : পুটিনৰ সৈতে হাঁহি হাঁহি আগবাঢ়িল প্ৰধানমন্ত্ৰী মোদী… থৰ হৈ চাই থাকিল শ্বাহবাজ শ্বৰীফে

ড্ৰেগনৰ দেশত ৰঙা দলিচাৰে আদৰণি প্ৰধানমন্ত্ৰী মোদীক

ছাংহাই সহযোগিতা সংগঠন (এছ চি অ’)শীৰ্ষ সন্মিলত অংশগ্ৰহণ কৰিবলৈ শনিবাৰে চীনত উপস্থিত হয় প্ৰধানমন্ত্ৰী মোদী । জাপান ভ্ৰমণ সামৰি দুদিনীয়া ভ্ৰমণসূচীৰে চীনৰ তিয়াঞ্জিনত উপস্থিত হয় প্ৰধানমন্ত্ৰীগাৰাকী । ৭ বছৰৰ পাছত এয়া প্ৰধানমন্ত্ৰী মোদীৰ প্ৰথমটো চীন ভ্ৰমণ । বিমানবন্দৰত প্ৰধানমন্ত্ৰীগৰাকীক ৰঙা দলিচা পাৰি আদৰণি জনোৱা হয় । ৩১ আগষ্ট আৰু ১ ছেপ্টেম্বৰত তিয়াঞ্জিনত অনুষ্ঠিত হ’বলগীয়া এই বাৰ্ষিক সন্মিলনত ১০ খন সদস্য দেশৰ নেতাসকলে অংশগ্ৰহণ কৰিব ।

দেওবাৰে চীনৰ ৰাষ্ট্ৰপতি ছি জিনপিঙৰ সৈতে দ্বিপাক্ষিক বৈঠক অনুষ্ঠিত হ’ব প্ৰধানমন্ত্ৰী মোদীৰ । ভাৰত-চীন সম্পৰ্কৰ শেহতীয়া সংস্কাৰৰ প্ৰতি লক্ষ্য ৰাখি এই বৈঠক গুৰুত্বপূৰ্ণ বুলি বিবেচিত হৈছে । ইয়াৰ উপৰিও ১ ছেপ্টেম্বৰত ৰাছিয়াৰ ৰাষ্ট্ৰপতি ভ্লাদিমিৰ পুটিনৰ সৈতেও দ্বিপাক্ষিক বৈঠকত মিলিত হ’ব । উল্লেখ্য যে, ৰাষ্ট্ৰপতি ট্ৰাম্পৰ শুল্ক নীতিক লৈ ভাৰত-আমেৰিকাৰ মাজত উদ্ভৱ হোৱা ব্যৱসায়িক উত্তেজনাৰ মাজতে চীন ভ্ৰমণলৈ গৈছে প্ৰধানমন্ত্ৰী মোদী ।

ট্ৰাম্প প্ৰশাসনে ভাৰতীয় ৰপ্তানিৰ ওপৰত ২৫% শুল্ক আৰোপ কৰিছে আৰু ৰাছিয়াৰ পৰা তেল ক্ৰয় কৰাৰ বাবে অতিৰিক্ত ২৫% শুল্ক আৰোপ কৰিছে । আমেৰিকাৰ সৈতে ভাৰতৰ কৌশলগত সম্পৰ্ক গুৰুত্বপূৰ্ণ, কিন্তু নতুন দিল্লীয়ে বেইজিঙৰ সৈতে আলোচনা বজাই ৰাখি নিজৰ বিকল্পৰ বৈচিত্ৰ্যতা বৃদ্ধি কৰাৰ চেষ্টা কৰিছে । ইয়াৰ মাজতে প্ৰধানমন্ত্ৰী মোদীৰ এই ভ্ৰমণে ভাৰত-চীনৰ সম্পৰ্কত এক সম্ভাৱ্য নতুন আৰম্ভণিৰ ইংগিত দিছে । ভাৰতৰ প্ৰধানমন্ত্ৰীৰ এই চীন ভ্ৰমণক সমগ্ৰ বিশ্বই চকু ৰাখিছে ।

উল্লেখ্য যে, ২০২০ চনৰ গালৱান উপত্যকাৰ সংঘৰ্ষৰ পিছত দুয়োখন দেশৰ মাজৰ সম্পৰ্ক ষথেষ্ঠ অৱনমিত হৈছিল যদিও শেহতীয়াকৈ কূটনৈতিক প্ৰচেষ্টাত আস্থা ঘূৰাই অনাৰ বাবে সতৰ্ক প্ৰচেষ্টা দেখা গৈছিল । উত্তেজনাময় সম্পৰ্ক থকাৰ পিছতো চীন এতিয়াও ভাৰতৰ দ্বিতীয় বৃহত্তম বাণিজ্যিক অংশীদাৰ হৈয়েই আছে । একে সময়তে ভাৰতৰ মেনুফেকচাৰিং শক্তি হোৱাৰ উচ্চাকাংক্ষা চীনা কেঁচামালৰ ওপৰত নিৰ্ভৰশীল । ইফালে চাংহাই সহযোগিতা সংস্থাৰ শীৰ্ষ সন্মিলনৰ বিশ্বব্যাপী তাৎপৰ্য্যও আছে ।

সন্ত্ৰাসবাদ, বিচ্ছিন্নতাবাদ আৰু উগ্ৰবাদৰ সৈতে মোকাবিলা কৰিবলৈ প্ৰতিষ্ঠিত, ১০ খন সদস্য ৰাষ্ট্ৰে গঠিত সংস্থাটো এতিয়া পশ্চিমীয়া দেশ আৰু সংগঠনৰ বিকল্প হিচাপে আত্মপ্ৰকাশ কৰিছে । এই শীৰ্ষ সন্মিলনত ভাৰতৰ অংশগ্ৰহণে দেশখনে যে কোনো এক মিত্ৰতাৰ ওপৰত অত্যন্ত নিৰ্ভৰশীল নহৈ বহু মঞ্চৰ ওপৰত নিজৰ প্ৰাসংগিকতা বজাই ৰাখিব বিচৰে তাকেই প্ৰকাশ কৰিছে ।

চীনৰ পাকিস্তানৰ সৈতে ঘনিষ্ঠ সামৰিক সম্পৰ্ক আৰু ভাৰত মহাসাগৰত ইয়াৰ ক্ৰমবৰ্ধমান উপস্থিতিৰ ওপৰত ভাৰতত দীৰ্ঘদিনীয়া সন্দেহৰ সৃষ্টি হৈছে । চীনৰ বাবে ভাৰতৰ সৈতে উন্নত সম্পৰ্কই আমেৰিকাৰ নেতৃত্বত সংঘটিত হোৱা ঘেৰাও প্ৰচেষ্টাসমূহ দুৰ্বল কৰিব পাৰে, আনহাতে ভাৰতৰ বাবে পশ্চিম আৰু বেইজিং দুয়োখনৰ সৈতে অংশীদাৰিত্বৰ ভাৰসাম্য ৰক্ষা কৰি ক্ৰমাৎ বৃদ্ধি পোৱা মেৰুকৃত বিশ্বত নিজৰ নন-এলাইনমেণ্ট নীতি প্ৰতিফলিত কৰে ।

লগতে পঢ়ক : ঐতিহাসিক পৰিগণিত হ’ল প্ৰধানমন্ত্ৰী মোদীৰ জাপান ভ্ৰমণ… ক’লে- দুয়োখন দেশে প্ৰযুক্তি আৰু প্ৰতিভাৰ নেতৃত্ব দিব পাৰে