ভাৰতীয় ক্ৰিকেট নিয়ন্ত্ৰণ ব’ৰ্ড অথবা বি চি চি আই হৈছে বিশ্বৰ ভিতৰতে ধনী ক্ৰিকেট ব’ৰ্ড, যাৰ সম্পত্তিৰ পৰিমাণ ১৮ হাজাৰ কোটিতকৈও অধিক । ভাৰতৰ ক্ৰিকেট নিয়ন্ত্ৰণ ব’ৰ্ডৰ আয়ৰ বহু উৎস আছে । ইণ্ডিয়ান প্ৰিমিয়াৰ লীগ, সংবাদ মাধ্যমৰ অধিকাৰ আৰু টাইটেল স্পনছৰশ্বিপ ইয়াৰ আয়ৰ কিছুমান মূল উৎস । ইয়াত বিশেষকৈ যদি আমি টাইটেল স্পনছৰশ্বিপৰ কথা কওঁ, তেন্তে আমি সকলোৱে যোৱা এবছৰ ধৰি টিম ইণ্ডিয়াৰ জাৰ্চিত ডাঙৰ ডাঙৰ আখৰেৰে লিখা ‘DREAM 11’ দেখি আহিছো । কিন্তু প্ৰশ্ন হয়, জাৰ্চিৰ সন্মুখত নাম লিখাৰ বাবে এটা কোম্পানীয়ে বি চি চি আইক কিমান টকা দিব লাগে ?

ড্ৰিম ১১ (DREAM 11’) হৈছে এটা ফেণ্টাচি স্প’ৰ্টছ ব্ৰেণ্ড, যাৰ নেট ৱৰ্থ কোটি টকা । তেওঁলোকে ৩৫৮ কোটি টকাত টিম ইণ্ডিয়াৰ লিড স্পনছৰশ্বিপ ৰাইট ক্ৰয় কৰিছিল । বি চি চি আইৰ সৈতে ৩৫৮ কোটি টকাৰ এই চুক্তি ২০২৩ চনৰ জুলাইৰ পৰা ২০২৬ চনৰ মাৰ্চলৈকে চলিব । বি চি চি আইয়ে দ্বিপাক্ষিক শৃংখলাত টাইটেল স্পনছৰশ্বিপৰ ভিত্তি মূল্য প্ৰতিখন মেচত ৩ কোটি টকা ৰাখিছিল । পূৰ্বে ভাৰতীয় দলৰ জাৰ্চিত এটা এডুকেচন ব্ৰেণ্ড (Byju’s) লিখা আছিল, য’ত প্ৰতিখন মেচত ৫.৫ কোটি টকাৰ ধন দিয়া হৈছিল । এতিয়া ভাৰতৰ পুৰুষ, মহিলা আৰু ১৯ বছৰ অনুৰ্ধ পৰ্যায়ৰ দলৰ জাৰ্চিত ডাঙৰ ডাঙৰ ইংৰাজী আখৰেৰে লিখা দেখা গৈছে ‘DREAM11’  ।

সংবাদ মাধ্যমৰ অধিকাৰ এতিয়া কাৰ ?

ভাৰতত ভাৰতীয় ক্ৰিকেট দল আৰু ক্ৰিকেটৰ জনপ্ৰিয়তা বিবেচনা কৰিলে সংবাদ মাধ্যমৰ অধিকাৰো প্ৰতিবাৰেই হাজাৰ কোটি টকাত বিক্ৰী হৈছে । টিম ইণ্ডিয়াৰ বৰ্তমানৰ সংবাদ মাধ্যমৰ অধিকাৰ ভায়াকম নেটৱৰ্কৰ হাতত আছে, যিয়ে ২০২৩ চনৰ ছেপ্টেম্বৰৰ পৰা ২০২৮ চনৰ মাৰ্চলৈকে ভাৰতৰ মেচ সম্প্ৰচাৰৰ বাবে ৫,৯৬৩ কোটি টকাৰ ধন দিছে ।

দক্ষিণ আফ্ৰিকা আৰু শ্ৰীলংকাৰ মাজৰ টেষ্ট শৃংখলাৰ দ্বিতীয়খন খেল গকেবাৰহাৰ ছেইণ্ট জৰ্জ পাৰ্কত অনুষ্ঠিত হয় । এই টেষ্টত আয়োজক দল দক্ষিণ আফ্ৰিকাই ১০৯ ৰানত জয়লাভ কৰে । মেচখনত জয়ী হ’বলৈ শ্ৰীলংকাই ৩৪৮ ৰানৰ লক্ষ্য অনুসৰণ কৰিছিল । কিন্তু মেচখনৰ পঞ্চম দিনা (৯ ডিচেম্বৰ) দ্বিতীয় ইনিংছত ২৩৮ ৰানতে দলটোৱে আটাইকেইটা উইকেট হেৰুৱাই । এই জয়েৰে দক্ষিণ আফ্ৰিকাই দুখন মেচৰ টেষ্ট শৃংখলা ২-০ ব্যৱধানত দখল কৰে ।

দক্ষিণ আফ্রিকা এতিয়া শীর্ষত…

শ্ৰীলংকাৰ বিৰুদ্ধে এই জয়ৰ পিছত দক্ষিণ আফ্ৰিকাই বিশ্ব টেষ্ট চেম্পিয়নশ্বিপ (ডব্লিউ টি চি)ত ডাঙৰ অগ্ৰগতি লাভ কৰিছে । আফ্ৰিকান দলটোৱে এতিয়া ডব্লিউ টি চিৰ পইণ্ট তালিকাত প্ৰথম স্থানত উপনীত হৈছে । এতিয়া দক্ষিণ আফ্ৰিকাই ৬খনত জয়, ৩খনত পৰাজয় আৰু এখন ড্ৰ’ৰে ১০খন মেচৰ পৰা ৭৬ পইণ্ট লাভ কৰিছে । দক্ষিণ আফ্ৰিকাৰ ন্মবৰ শতাংশ ৬৩.৩৩, যি অষ্ট্ৰেলিয়াতকৈ বেছি ।

আনহাতে, অষ্ট্ৰেলিয়াৰ দলটো এতিয়া দ্বিতীয় স্থানলৈ অৱনমিত হৈছে । এতিয়ালৈকে অষ্ট্ৰেলিয়াই ১৪খন মেচত ১০২ পইণ্ট লাভ কৰি ৯খনত জয়, ৪খনত পৰাজয় আৰু ১খন ড্ৰ’ কৰিছে । তেওঁলোকৰ নম্বৰৰ শতাংশ ৬০.৭১ । বৰ্তমান তৃতীয় স্থানত থকা ভাৰতে ৯খনত জয়, ৬খনত পৰাজয় আৰু এখন ড্ৰ’ৰে ১৬খন খেলৰ পৰা ১১০ পইণ্ট লাভ কৰিছে । তেওঁলোকৰ নম্বৰৰ শতকৰা হাৰ ৫৭.২৯ । বৰ্তমানৰ চক্ৰত ভাৰতে আৰু ৩ খন মেচ খেলিব লাগিব, যি কেৱল অষ্ট্ৰেলিয়াৰ বিৰুদ্ধে আছে ।

এই পৰাজয়ৰ মাজতো শ্ৰীলংকাৰ দলটো চতুৰ্থ স্থানত আছে যদিও ফাইনেলত প্ৰৱেশৰ সম্ভাৱনা প্ৰায় শেষ হৈছে । শ্ৰীলংকাৰ ৪৫.৪৫ শতাংশ নম্বৰ আছে আৰু সৰ্বোচ্চ ৫৩.৮৫ শতাংশ নম্বৰ লাভ কৰাৰ সম্ভাৱনা আছে । ইংলেণ্ড পঞ্চম আৰু নিউজীলেণ্ড ষষ্ঠ স্থানত আছে । আনহাতে পাকিস্তান সপ্তম, বাংলাদেশ অষ্টম আৰু ৱেষ্ট ইণ্ডিজ নৱম স্থানত আছে । নিউজীলেণ্ড, ইংলেণ্ড, পাকিস্তান, বাংলাদেশ আৰু ৱেষ্ট ইণ্ডিজ ফাইনেলৰ দৌৰৰ পৰা সম্পূৰ্ণৰূপে আঁতৰি আছে ।

এতিয়া ভাৰতৰ বাবে এই সমীকৰণ-

দেখা যায় যে, দক্ষিণ আফ্ৰিকাৰ বাবে এতিয়া ফাইনেলৰ পথ সহজ হৈ পৰিছে । দক্ষিণ আফ্ৰিকাই এতিয়া ঘৰুৱা ক্ষেত্ৰত পাকিস্তানৰ বিৰুদ্ধে দুখন মেচৰ টেষ্ট শৃংখলা খেলিব লাগিব । এই ছিৰিজত যদি আফ্ৰিকান দলটোৱে এখন মেচতো জয়ী হয় তেন্তে ডব্লিউ টি চিৰ ফাইনেলত প্ৰৱেশ কৰিব । আনহাতে ভাৰতীয় দলৰ বাবে সমীকৰণটো অধিক কঠিন হৈ পৰিছে । ফাইনেলত প্ৰৱেশ কৰিবলৈ হ’লে অষ্ট্ৰেলিয়াৰ বিৰুদ্ধে ৪-১ ব্যৱধানত শৃংখলা জয় কৰিব লাগিব ভাৰতে ।

অৰ্থাৎ ফাইনেলত প্ৰৱেশ কৰিবলৈ হ’লে ভাৰতে বাকী তিনিখন টেষ্টত জয়ী হ’ব লাগিব, যাতে ৬৩.১৫ শতাংশ নম্বৰত উপনীত হ’ব পাৰে । কিন্তু ভাৰতীয় দলটোৱে যদি এখন টেষ্টতো পৰাস্ত হয় তেন্তে পইণ্টৰ শতকৰা হাৰ ৫৭.৮৯ লৈ হ্ৰাস পাব । এনে পৰিস্থিতিত ভাৰতীয় দলটোৱে আশা কৰিব লাগিব যে পাকিস্তানে দক্ষিণ আফ্ৰিকাক ২-০ ব্যৱধানত পৰাস্ত কৰিব । আনহাতে শ্ৰীলংকাই ঘৰুৱা ক্ষেত্ৰত অষ্ট্ৰেলিয়াক ২-০ বা ১-০ ব্যৱধানত পৰাস্ত কৰিব লাগিব, অন্যথা দুয়োখন টেষ্ট ড্ৰ’ হ’ব লাগিব ।