নিশ্চিত হ’ল বিগ বছ হাউছৰ অতিথিসকলৰ নাম

বিগ বছ দেশৰ ভিতৰতে আটাইতকৈ জনপ্ৰিয় শ্ব’ । শীঘ্ৰেই এই শ্ব’টোৱে টিভি আৰু অ’টিটি প্লেটফৰ্মতো টোকৰ মাৰিব । ছলমান খানক হোষ্ট হিচাপে দেখা যাব যদিও শ্ব’টোত অংশগ্ৰহণ কৰা প্ৰতিযোগীসকলক লৈ অনুৰাগীৰ মাজত যথেষ্ট উৎকণ্ঠা দেখা গৈছে । ইফালে, শ্ব’টোৰ নিৰ্মাতাসকলে প্ৰায় ৪ জন প্ৰতিযোগীক নিশ্চিত কৰিছে । আচলতে ছ’চিয়েল মিডিয়াত মেকাৰসকলে ২টা প্ৰমো মুকলি কৰিছে, য’ত ৪জন প্ৰতিযোগীৰ নাম প্ৰকাশ পাইছে ।

২৪ আগষ্টত প্ৰিমিয়াৰ হ’ব বিগ বছৰ । এই শ্ব’টোৰ বাবে অনুৰাগীয়ে বহুদিনৰ পৰা অপেক্ষা কৰি আছে । শ্ব’ আৰম্ভ হোৱাৰ আগতেই অনুৰাগীয়ে বিগ বছ হাউচৰ অতিথিসকলৰ নাম অনুমান কৰিবলৈ আৰম্ভ কৰিছিল । কিন্তু, কোনো নাম প্ৰকাশ কৰা নাছিল নিৰ্মাতাসকলে । অৱশ্যে এতিয়া শ্ব’টোৰ তিনিটা প্ৰমো মুকলি হৈছে, য’ত আৱাজ দৰবাৰ, নাগমা মিৰাজকাৰ, অমল মালিক, গৌৰৱ খান্নাৰ দৰে শিল্পীৰ নাম ওলাইছে ।

যদিও মেকাৰসকলে প্ৰমোটোত কাৰো মুখ প্ৰকাশ কৰা নাই, কিন্তু চেহেৰাৰ বাবে এই নামবোৰ অনুমান কৰাটো একেবাৰেই কঠিন নাছিল ।

প্ৰমোটোত প্ৰথম নাম আহে আৱাজ দৰবাৰ আৰু নাগমা মিৰাজকাৰৰ । দুয়োজনে ছ’চিয়েল মিডিয়াত নিজৰ এক ডাঙৰ পৰিচয় গঢ়ি তুলিছে, অনুৰাগীয়ে তেওঁলোকৰ কেমিষ্ট্ৰী বহুত ভাল পাইছে । অৱশ্যে দুয়োৰে সম্পৰ্কত থকাৰ খবৰ ওলাই আছে, এতিয়া এই গোপন কথাও শ্ব’টোত প্ৰকাশ পাব ।

শ্ব’টোৰ দ্বিতীয় আৰু তৃতীয় প্ৰমোত টিভিৰ বিখ্যাত ব্যক্তিত্ব গৌৰৱ খান্নাৰ নাম আহে । ইয়াৰ পিছতে বিখ্যাত গায়ক তথা সংগীত জগতৰ সুৰকাৰ অমল মালিকৰ নাম প্ৰকাশ পাই ।

এতিয়ালৈকে শ্ব’টোৰ প্ৰমোত অংশগ্ৰহণ কৰা প্ৰতিযোগীসকলৰ মুখ ব্লাৰ কৰি দিয়া হৈছে । টিভিৰ কালাৰছ চেনেলত নিশা ১০.৩০ বজাত আৰু অ’টিটি প্লেটফৰ্ম জিঅ’ হটষ্টাৰত নিশা ৯ বজাত বিগ বছৰ প্ৰিমিয়াৰ চাব পাৰিব ।

লগতে পঢ়ক : ছলমান খানৰ অনুষ্ঠানত এন্ট্ৰি মাৰিব নেকি বক্সিং কিংবদন্তি মাইক টাইছন আৰু WWE ষ্টাৰ আণ্ডাৰটেকাৰে…?

বন্ধ হ’ল বিগ বছ ১৯ৰ শ্বুটিং

মুম্বাইত বৰষুণে বিধ্বংসী ৰূপ ধাৰণ কৰিছে । প্ৰৱল বৰষুণে জনজীৱনত প্ৰভাৱ পেলোৱাৰ লগতে বিভিন্ন গুৰুত্বপূৰ্ণ কামো বন্ধ হৈ পৰিছে । এই অবিৰত বৰষুণৰ ফলত কেতিয়াও ৰৈ নোযোৱা মহানগৰীৰ গতিও স্তব্ধ হৈ পৰিছে । ইয়াৰ প্ৰত্যক্ষ প্ৰভাৱো বলিউডৰ শ্বুটিঙৰ ওপৰত পৰিছে । বহু প্ৰত্যাশিত ৰিয়েলিটি শ্ব’ বিগ বছ ১৯ৰ শ্বুটিং বন্ধ হৈ পৰিছে ।

বিবৃতি প্ৰকাশ টীমৰ-

পূৰ্বে প্ৰকাশ পোৱা খবৰ অনুসৰি মঙলবাৰে বিগ বছ হাউচ সংবাদ মাধ্যমৰ বাবে মুকলি হোৱা কথা আছিল । কিন্তু মহানগৰীৰ বহু অঞ্চলত বৰষুণ আৰু পানী জমা হোৱাৰ বাবে মঙলবাৰে পুৱা জিঅ’ হটষ্টাৰৰ দলে এই অনুষ্ঠান বাতিল কৰে ।

দলটোৱে কয় যে, “মহানগৰত হোৱা প্ৰচণ্ড বৰষুণ আৰু পানী জমা হোৱাৰ বাবে বিগ বছ হাউচ ভ্ৰমণ আৰু আনুষংগিক সকলো কাম এতিয়াৰ বাবে বন্ধ কৰি দিয়া হৈছে । আপোনালোকৰ অসুবিধাৰ বাবে আমি ক্ষমা বিচাৰিছো । বৰষুণৰ পৰিস্থিতি অনুসৰি আমি আপোনালোকক অধিক তথ্য দিম ।”

ঘূৰাই পঠিওৱা হ’ল সংবাদ মাধ্যমৰ ব্যক্তিক-

জানিব পৰা মতে, দিল্লীৰ পৰা অহা সাংবাদিকসকলক সময়মতে নমোৱা হৈছিল যাতে তেওঁলোকে যাত্ৰাত কোনো সমস্যাৰ সন্মুখীন নহয় । ইতিমধ্যে মুম্বাইত উপস্থিত হোৱা সাংবাদিকসকলক উভতাই পঠোৱা হৈছিল যাতে তেওঁলোক ইয়াত আবদ্ধ হৈ নাথাকে, কিয়নো বহু বিমান পলম হৈছিল বা বাতিল হৈছিল । এতিয়া দলটোৱে নতুন তাৰিখ নিৰ্ধাৰণৰ কাম কৰি আছে যাতে দৰ্শকে প্ৰতি বছৰে ৰাইজৰ মাজত উত্তেজনা আৰু কৌতুহল জগাই তোলা বিগ বছৰ ঘৰটোৰ আভাস পাব পাৰে ।

প্ৰচণ্ড বৰষুণত শ্বুটিং-

বিগ বছ ১৯ৰ মিডিয়া ইভেণ্টৰ বাহিৰে মুম্বাইৰ আন আন শ্বুটিং স্থলীৰ ওপৰত বিশেষ প্ৰভাৱ পৰা নাই । জানিব পৰা মতে প্ৰায় সকলো শ্বুটিং চলি আছে, কেৱল সকলোৱে অধিক সতৰ্ক হৈ আছে । ফিল্ম চিটিৰ গলিসমূহো পানীত বুৰ গৈছে যদিও অভিনেতা আৰু দলৰ সদস্যসকলে পানীত খোজ কাঢ়ি নিজৰ কামত লাগিছে ।

শীঘ্ৰে আৰম্ভ হ’ব বিগ বছ-

জনা গৈছে যে ২৪ আগষ্টৰ পৰা প্ৰিমিয়াৰ হ’ব বিগ বছ ১৯ । এইবাৰ দৰ্শকক আশা কৰাতকৈ অধিক ৰাজনৈতিক পৰিৱেশৰ প্ৰতিশ্ৰুতি দিয়া হৈছে । ইতিমধ্যে ৰাজনৈতিক চেটআপত নিজৰ পৰিচয় দিছে ছলমান খানে । নতুন ঘৰটোৰ আভাসো দেখুৱাবলৈ গৈ আছিল যদিও এতিয়া বৰষুণৰ বাবে অনুৰাগীসকলে অলপ বেছি সময় অপেক্ষা কৰিব লাগিব ।

লগতে পঢ়ক : স্বাধীনতা দিৱসৰ দিনাই ঘোষণা কৰা হ’ল ছানী দেউলৰ ‘বৰ্ডাৰ ২’ ৰ মুক্তিৰ তাৰিখ

ছলমান খানৰ আবেদনৰ শুনানি গ্ৰহণ কৰিব উচ্চ ন্যায়ালয়ে

সোমবাৰে ৰাজস্থান উচ্চ ন্যায়ালয়ে ব্লেকবাক তথা কৃষ্ণ হৰিণ চিকাৰৰ গোচৰৰ শুনানিৰ বাবে নতুন তাৰিখ নিৰ্ধাৰণ কৰিছে । কৃষ্ণ হৰিণ চিকাৰৰ গোচৰত দোষী সাব্যস্ত হোৱাৰ বিৰুদ্ধে দাখিল কৰা ছলমান খানৰ আবেদনৰ শুনানিৰ বাবে এই তাৰিখ দিয়া হৈছে । এতিয়া ২২ ছেপ্টেম্বৰত এই আবেদনৰ শুনানি গ্ৰহণ কৰিব ৰাজস্থান উচ্চ ন্যায়ালয়ে ।

ছলমানৰ আবেদনৰ শুনানি-

প্ৰকাশিত এক তথ্য অনুসৰি ছলমান খানৰ আবেদনৰ শুনানি গ্ৰহণ কৰিব ন্যায়াধীশ মনোজ কুমাৰ গাৰ্গে । ছেইফ আলী খান, টাবু, সোণালী বেন্দ্ৰে, নীলম আৰু এজন স্থানীয় বাসিন্দা দূষ্যন্ত সিংকে ধৰি সহ-অভিযুক্তক দোষমুক্ত কৰাৰ বিৰুদ্ধে ৰাজ্য চৰকাৰৰ অনুমতিৰ বিৰুদ্ধে তেওঁ শুনানি গ্ৰহণ কৰিব । বিচাৰ আদালতে ২০১৮ চনৰ ৫ এপ্ৰিলত ছলমানক কৃষ্ণ হৰিণ চিকাৰৰ গোচৰত দোষী সাব্যস্ত কৰাৰ লগতে পাঁচ বছৰৰ কাৰাদণ্ডও প্ৰদান কৰে ।

ছেইফ আলী খান আৰু অন্যান্য অভিনেতাক দোষমুক্ত-

১৯৯৮ চনত ‘হাম সাথ সাথ হেই’ ছবিৰ শ্বুটিংৰ সময়ত ছলমান খানৰ বিৰুদ্ধে যোধপুৰ জিলাৰ কংকনী গাঁৱত দুটা কৃষ্ণ হৰিণ চিকাৰৰ অভিযোগ উত্থাপন হৈছিল । এই গোচৰত ছালমান খানক দোষী সাব্যস্ত কৰা হৈছিল । আনহাতে ছেইফ আলী খান, সোণালী বেন্দ্ৰে, টাবু, নীলমক দোষমুক্ত কৰা হয় । নিজকে নিৰ্দোষী বুলি প্ৰমাণ কৰিবলৈ ছলমান খানে আবেদন দাখিল কৰে । আনহাতে ৰাজ্য চৰকাৰে বাকী অভিনেতাসকলক দোষমুক্ত কৰাৰ বিৰুদ্ধে আবেদনৰ অনুমতি বিচাৰি আবেদন দাখিল কৰিছে ।

লগতে পঢ়ক : ‘উদয়পুৰ ফাইলছ’ৰ মুক্তি স্থগিত ৰাখিবলৈ অস্বীকাৰ উচ্চতম ন্যায়ালয়ৰ…