চেম্পিয়নছ ট্ৰফী ২০২৫ৰ সম্পূৰ্ণ সূচী প্ৰকাশ কৰা হৈছে । বৰদিনৰ মাত্ৰ এদিন পূৰ্বে মঙলবাৰে (২৪ ডিচেম্বৰ) এই সূচী ঘোষণা কৰিছে আন্তঃৰাষ্ট্ৰীয় ক্ৰিকেট পৰিষদে অথভা আই চি চিয়ে ।

ভাৰতীয় ক্ৰিকেট নিয়ন্ত্ৰণ ব’ৰ্ডে ইতিমধ্যে স্পষ্ট কৰি দিছিল যে ভাৰতীয় দলটোৱে এই ট্ৰফীৰ বাবে পাকিস্তান ভ্ৰমণ নকৰে । এনে পৰিস্থিতিত এই প্ৰতিযোগিতাখন হাইব্ৰিড মডেলৰ অধীনত অনুষ্ঠিত হ’ব । প্ৰতিযোগিতাখনৰ বাবে ৪টা স্থান নিৰ্ধাৰণ কৰিছে আই চি চিয়ে । ইয়াৰ অন্যতম স্থান হৈছে ইউ এ ইৰ ডুবাই আন্তঃৰাষ্ট্ৰীয় ষ্টেডিয়াম, য’ত ভাৰতীয় দলটোৱে নিজৰ সকলো খেল খেলিব ।

ভাৰতীয় দলৰ দ্বিতীয়খন মেচ হ’ব পাকিস্তানৰ বিৰুদ্ধে-

১৯ ফেব্ৰুৱাৰীৰ পৰা আৰম্ভ হ’ব চেম্পিয়নছ ট্ৰফী, আনহাতে ৯ মাৰ্চত খিতাপৰ মেচ অনুষ্ঠিত হ’ব । ১৯ ফেব্ৰুৱাৰীত কৰাচীত আয়োজক পাকিস্তান আৰু নিউজীলেণ্ডৰ মাজত অনুষ্ঠিত হ’ব উদ্বোধনী মেচ । ভাৰতীয় দলটোৱে ২০ ফেব্ৰুৱাৰীত বাংলাদেশৰ বিৰুদ্ধে প্ৰথমখন মেচ খেলিব ।

আনহাতে ভাৰতীয় দলটোৱে দ্বিতীয়খন মেচ পাকিস্তানৰ বিৰুদ্ধে খেলিব । এই উত্তেজনাপূৰ্ণ খেলখন ২৩ ফেব্ৰুৱাৰীত ইউ এ ইৰ ডুবাই আন্তঃৰাষ্ট্ৰীয় ষ্টেডিয়ামত অনুষ্ঠিত হ’ব । ক্ৰিকেট অনুৰাগীসকলে আগ্ৰহেৰে অপেক্ষা কৰি আছে এই মেচখনৰ বাবে । গ্ৰুপ পৰ্যায়ত ভাৰতীয় দলটোৱে ৩ মাৰ্চত ডুবাইত নিউজীলেণ্ডৰ বিৰুদ্ধে তৃতীয়খন মেচ খেলিব ।

একেটা গ্ৰুপত ভাৰত আৰু পাকিস্তান-

চেম্পিয়নছ ট্ৰফী ২০২৫ত ৮টা দলৰ মাজত মুঠ ১৫খন খেল অনুষ্ঠিত হ’ব । সকলো দলকে ২টা গ্ৰুপত ভাগ কৰা হৈছে । ভাৰত আৰু পাকিস্তান একেটা গ্ৰুপ-এত আছে । তেওঁলোকৰ লগত থকা আন দুটা দল হ’ল নিউজীলেণ্ড আৰু বাংলাদেশ । আনহাতে দক্ষিণ আফ্ৰিকা, অষ্ট্ৰেলিয়া, আফগানিস্তান আৰু ইংলেণ্ডক গ্ৰুপ বিত স্থান দিয়া হৈছে ।

প্ৰতিটো গ্ৰুপত দলসমূহে কিমানখন মেচ খেলিব ?

৮ টা দলে নিজ নিজ গ্ৰুপত ৩-৩ খন খেল খেলিব । ইয়াৰ পিছত প্ৰতিটো গ্ৰুপৰ শীৰ্ষ ২ টা দলে ছেমি ফাইনেলৰ বাবে যোগ্যতা অৰ্জন কৰিব । প্ৰথমখন ছেমি ফাইনেল ডুবাইত অনুষ্ঠিত হোৱাৰ বিপৰীতে দ্বিতীয়খন লাহোৰত অনুষ্ঠিত হ’ব । ইয়াৰ পিছত চূড়ান্ত মেচ অনুষ্ঠিত হ’ব । এনে পৰিস্থিতিত যদি কোনো দলে ফাইনেলত প্ৰৱেশ কৰে তেন্তে প্ৰতিযোগিতাখনত মুঠ ৫ খন মেচ খেলা যাব ।

প্ৰতিযোগিতাখনত তলত দিয়া ধৰণে ২টা গ্ৰুপ অনুষ্ঠিত হ’ব

গ্ৰুপ এ(A)- পাকিস্তান, ভাৰত, নিউজীলেণ্ড, বাংলাদেশ

গ্ৰুপ বি (B) – দক্ষিণ আফ্ৰিকা, অষ্ট্ৰেলিয়া, আফগানিস্তান, ইংলেণ্ড

পাকিস্তানৰ ৩টা স্থানত ১০খন খেল অনুষ্ঠিত হ’ব-

চেম্পিয়নছ ট্ৰফীৰ এই ১৫ খন মেচ আটাইকেইখন ৪ টা স্থানত অনুষ্ঠিত হ’ব । পাকিস্তানত ৩ টা ভেন্যু হ’ব । আনহাতে এটা স্থান হ’ব ডুবাই । ভাৰতীয় দলটোৱে নিজৰ সকলো মেচ কেৱল ডুবাইতহে খেলিব । ভাৰতীয় দলটোৱে যদি যোগ্যতা অৰ্জন কৰে তেন্তে ডুবাইতো অনুষ্ঠিত হ’ব ফাইনেল । অন্যথা ৯ মাৰ্চত লাহোৰত অনুষ্ঠিত হ’ব খিতাপৰ মেচ ।

ফাইনেলৰ বাবেও এটা ৰিজাৰ্ভ ডে’ ৰখা হৈছে । কোৱা হৈছে যে অহা ৪ আৰু ৫ মাৰ্চত দুয়োখন ছেমি ফাইনেল অনুষ্ঠিত হ’ব । ডুবাইত অনুষ্ঠিত হ’ব প্ৰথমখন ছেমি ফাইনেল । আনহাতে দ্বিতীয়খন ছেমি ফাইনেল লাহোৰত অনুষ্ঠিত হ’ব । পাকিস্তানৰ ৩টা স্থানত এখন ছেমি ফাইনেলকে ধৰি ১০খন খেল অনুষ্ঠিত হ’ব । এই তিনিটা স্থান হ’ল লাহোৰ, কৰাচী আৰু ৰাৱালপিণ্ডি ।

চেম্পিয়নছ ট্ৰফীৰ সম্পূৰ্ণ সূচী…

১৯ ফেব্ৰুৱাৰী – পাকিস্তান বনাম নিউজীলেণ্ড, কৰাচী

২০ ফেব্ৰুৱাৰী – বাংলাদেশ বনাম ভাৰত, ডুবাই

২১ ফেব্ৰুৱাৰী – আফগানিস্তান বনাম দক্ষিণ আফ্ৰিকা, কৰাচী

২২ ফেব্ৰুৱাৰী – অষ্ট্ৰেলিয়া বনাম ইংলেণ্ড, লাহোৰ

২৩ ফেব্ৰুৱাৰী – পাকিস্তান বনাম ভাৰত, ডুবাই

২৪ ফেব্ৰুৱাৰী – বাংলাদেশ বনাম নিউজীলেণ্ড, ৰাৱালপিণ্ডি

২৫ ফেব্ৰুৱাৰী – অষ্ট্ৰেলিয়া বনাম দক্ষিণ আফ্ৰিকা, ৰাৱালপিণ্ডি

২৬ ফেব্ৰুৱাৰী – আফগানিস্তান বনাম ইংলেণ্ড, লাহোৰ

২৭ ফেব্ৰুৱাৰী – পাকিস্তান বনাম বাংলাদেশ, ৰাৱালপিণ্ডি

২৮ ফেব্ৰুৱাৰী – আফগানিস্তান বনাম অষ্ট্ৰেলিয়া, লাহোৰ

১ মাৰ্চ – দক্ষিণ আফ্ৰিকা বনাম ইংলেণ্ড, কৰাচী

২ মাৰ্চ – নিউজিলেণ্ড বনাম ভাৰত, ডুবাই

৪ মাৰ্চ – ছেমি ফাইনেল ১, ডুবাই

৫ মাৰ্চ – ছেমি ফাইনেল ২, লাহোৰ

৯ মাৰ্চ, ফাইনেল, লাহোৰ (ভাৰত ফাইনেলত প্ৰৱেশ কৰিলে ডুবাইত খেলিব)

১০ মাৰ্চ – সংৰক্ষিত দিন

চেম্পিয়নছ ট্ৰফী ২০২৫ সন্দৰ্ভত লাহে লাহে সমগ্ৰ বিষয়বোৰ স্পষ্ট হৈ পৰিছে । ইয়াৰ পূৰ্বে আই চি চিয়ে আনুষ্ঠানিকভাৱে স্পষ্ট কৰি দিছিল যে প্ৰতিযোগিতাখনত ভাৰতৰ মেচসমূহ নিৰপেক্ষ স্থানত অনুষ্ঠিত হ’ব । আয়োজক পাকিস্তান ক্ৰিকেট ব’ৰ্ডক আই চি চিয়ে নিৰপেক্ষ স্থান বাছি ল’ব পাৰে বুলি জনাইছিল । এতিয়া পি চি বিয়ে স্পষ্ট কৰি দিছে যে চেম্পিয়নছ ট্ৰফীত ডুবাই হ’ব ভাৰতৰ নিৰপেক্ষ স্থান ।

পি চি বিৰ অধ্যক্ষ মহছিন নাকভিয়ে ২১ ডিচেম্বৰত পাকিস্তানত এমিৰেটছ ক্ৰিকেট ব’ৰ্ডৰ মুৰব্বী শ্বেইখ নাহিয়ান বিন মুবাৰক আল নাহিয়ানৰ সৈতে আই চি চি চেম্পিয়নছ ট্ৰফীৰ সূচী সন্দৰ্ভত বৈঠকত মিলিত হয় আৰু তেওঁলোকে একমতত উপনীত হোৱা বুলি বাতৰি প্ৰকাশ পাইছে ।

পি চি বিৰ মুখপাত্ৰ আমিৰ মিৰে এক বিবৃতিত কয় যে পাকিস্তানত দেওবাৰে পি চি বিৰ মুৰব্বী মহছিন নাকভি আৰু এমিৰেটছ ক্ৰিকেট ব’ৰ্ডৰ অধ্যক্ষ শ্বেখ মুবাৰক আল নাহিয়ানৰ মাজত হোৱা বৈঠকৰ পিছত আমি আই চি চিক জনাইছো যে ডুবাই নিৰপেক্ষ স্থান হ’ব ।

উল্লেখ্য যে ভাৰতৰ গ্ৰুপ ষ্টেজৰ তিনিওখন মেচ ডুবাইত অনুষ্ঠিত হ’ব । যদি টিম ইণ্ডিয়াই চেম্পিয়নছ ট্ৰফীৰ ছেমি ফাইনেল আৰু ফাইনেলত প্ৰৱেশ কৰে তেন্তে সেই মেচবোৰো ডুবাইত অনুষ্ঠিত হ’ব । ইফালে চেম্পিয়নছ ট্ৰফীৰ সূচী এতিয়াও আই চি চিয়ে প্ৰকাশ কৰা নাই ।

কিয় লোৱা হ’ল নিৰপেক্ষ স্থানৰ সিদ্ধান্ত ?

বি চি চি আইয়ে স্পষ্টভাৱে অস্বীকাৰ কৰিছিল যে টিম ইণ্ডিয়াই চেম্পিয়নছ ট্ৰফীৰ বাবে পাকিস্তান ভ্ৰমণ নকৰে । তেতিয়াৰ পৰাই নিৰপেক্ষ স্থান সন্দৰ্ভত আলোচনা তীব্ৰতৰ হৈ পৰিছিল আৰু তাৰ পিছত অৱশেষত আই চি চিয়ে সিদ্ধান্ত লয় যে মেন ইন ব্লু দলে প্ৰতিযোগিতাখনত নিজৰ মেচসমূহ নিৰপেক্ষ স্থানত খেলিব । এইবাৰ পাকিস্তানে আয়োজন কৰিছে চেম্পিয়নছ ট্ৰফী ।