‘হাইব্ৰিড মডেল’ৰ অধীনত পাকিস্তানৰ তিনিখন চহৰ (ৰাৱালপিণ্ডি, কৰাচী আৰু লাহোৰ) আৰু ডুবাইত অনুষ্ঠিত হ’ব আই চি চি চেম্পিয়নছ ট্ৰফী ২০২৫ৰ মেচ । একে সময়তে ১৯ ফেব্ৰুৱাৰীৰ পৰা এই প্ৰতিযোগিতা আৰম্ভ হোৱাৰ কথা । কিন্তু এই প্ৰতিযোগিতা আৰম্ভ হোৱাৰ আগতেই এক নতুন বিতৰ্কৰ সৃষ্টি হৈছে । আচলতে এইবাৰ এই প্ৰতিযোগিতাৰ মূল আয়োজক পাকিস্তানৰ নাম ভাৰতীয় ক্ৰিকেট দলৰ জাৰ্চিত নাথাকিব ।

পাকিস্তান আৰু ডুবাইত অনুষ্ঠিত হ’বলগীয়া আগন্তুক আই চি চি চেম্পিয়নছ ট্ৰফীত নতুন বিতৰ্কৰ সৃষ্টি হৈছে, য’ত টিম ইণ্ডিয়াৰ জাৰ্চিত ছপা ‘পাকিস্তান’ (আয়োজক দেশৰ নাম) শব্দটোৰ বিৰুদ্ধে ভাৰতে আপত্তি কৰা বুলি অভিযোগ উঠিছে । ভাৰতে ডুবাইত চেম্পিয়নছ ট্ৰফী মেচ খেলিব যদিও পাকিস্তান প্ৰতিযোগিতাখনৰ আনুষ্ঠানিক আয়োজক হৈয়ে আছে ।

পি চি বিৰ এজন বিষয়াই এই বিষয়ত এটা সংবাদ সংস্থাৰ আগত যে, টিম ইণ্ডিয়াৰ জাৰ্চিত পাকিস্তানৰ নাম ছপা কৰোৱাক লৈ বি চি চি আইয়ে ‘ক্ৰিকেটত ৰাজনীতি’ কৰি আছে । ইয়াৰ পূৰ্বে ভাৰতীয় ব’ৰ্ডেও চেম্পিয়নছ ট্ৰফীৰ অধিনায়ক সভাত অধিনায়ক ৰোহিত শৰ্মাক পাকিস্তানলৈ পঠিয়াবলৈ অস্বীকাৰ কৰা বুলি জানিব পৰা গৈছে ।

পি চি বিৰ এজন বিষয়াই কয় যে বি চি চি আইয়ে ক্ৰিকেটৰ ৰাজনীতি কৰি আছে, যিটো খেলৰ বাবে একেবাৰে ভাল নহয় । তেওঁলোকে পাকিস্তানলৈ যাবলৈ অস্বীকাৰ কৰিছে । তেওঁলোকে তেওঁলোকৰ অধিনায়কক পাকিস্তানত উদ্বোধনী অনুষ্ঠানৰ বাবে পঠিয়াব নিবিচাৰে, আৰু এতিয়া বাতৰি আহিছে যে তেওঁলোকে তেওঁলোকৰ জাৰ্চীত আয়োজক দেশৰ (পাকিস্তান) নাম প্ৰিণ্ট কৰিব নিবিচাৰে । আমি বিশ্বাস কৰোঁ যে আই চি চিয়ে ইয়াক অনুমতি নিদিব আৰু পাকিস্তানক সমৰ্থন কৰিব ।

ভাৰতীয় ক্ৰিকেট নিয়ন্ত্ৰণ ব’ৰ্ডে নিজৰ দলটো পাকিস্তানলৈ প্ৰেৰণ কৰিবলৈ অস্বীকাৰ কৰাৰ পিছত, পাকিস্তান ক্ৰিকেট ব’ৰ্ড আৰু আন্তঃৰাষ্ট্ৰীয় ক্ৰিকেট পৰিষদে হাইব্ৰিড মডেল গ্ৰহণ কৰে, কিন্তু জাৰ্চীত আয়োজকৰ নামক লৈ এতিয়া এক নতুন বিতৰ্কৰ সৃষ্টি কৰিছে ।

পি চি বিৰ শক্তিশালী জোৰ স্বত্বেও, বি চি চি আইয়ে চেম্পিয়নছ ট্ৰফীৰ বাবে টীম ইণ্ডিয়াক পাকিস্তানলৈ প্ৰেৰণ কৰাৰ ক্ষেত্ৰত নিজৰ স্থিতি সলনি কৰা নাছিল । অৱশেষত, পাকিস্তান বোৰ্ডে ভাৰতৰ চৰ্তাৱলীত সন্মত হ’ব লগা হৈছিল, যদিও নতুন চুক্তিৰ অধীনত, পি চি বিয়ে ভৱিষ্যতে আই চি চি ইভেণ্টৰ বাবে নিজৰ দলটো ভাৰতলৈ প্ৰেৰণ নকৰিব ।

চেম্পিয়নছ ট্ৰফীলৈ এতিয়া প্ৰায় এমাহ বাকী আছে আৰু আকৌ এবাৰ এটা নতুন বিতৰ্ক শিৰোনামলৈ আহিছে । পাকিস্তানে এতিয়ালৈকে চেম্পিয়নছ ট্ৰফীৰ বাবে নিজৰ দল ঘোষণা কৰা নাই, আনহাতে ভাৰতীয় দলটো ইতিমধ্যে ঘোষণা কৰা হৈছে ।

আই চি চি চেম্পিয়নছ ট্ৰফী ২০২৫ আৰম্ভ হ’বলৈ মাত্ৰ কেইটামান দিন বাকী আছে । ইতিমধ্যে সকলো দলে আগন্তুক প্ৰতিযোগিতাখনৰ বাবে কৌশল ৰচনা কৰিবলৈ আৰম্ভ কৰিছে । টিম ইণ্ডিয়াইও এই সন্মানীয় খিতাপ দখল কৰিবলৈ অশেষ কষ্ট কৰিছে । চেম্পিয়নছ ট্ৰফী ২০২৫ৰ বাবে ভাৰতৰ ১৫ জনীয়া দলটোও অতি সোনকালে ঘোষণা কৰা হ’ব বুলি আশা কৰা হৈছে । আগন্তুক টুৰ্ণামেণ্টৰ পূৰ্বে চেম্পিয়নছ ট্ৰফীত এতিয়ালৈকে দেশৰ হৈ সৰ্বাধিক ৰান সংগ্ৰহ কৰা খেলুৱৈসকলৰ কথা জানি লওক-

শিখৰ ধাৱান-

আই চি চি চেম্পিয়নছ ট্ৰফীত ভাৰতৰ হৈ সৰ্বাধিক ৰান সংগ্ৰহৰ বিশেষ অভিলেখ আছে প্ৰাক্তন অ’পেনাৰ শিখৰ ধাৱানৰ নামত । ৩৯ বছৰীয়া প্ৰাক্তন ক্ৰিকেটাৰগৰাকীয়ে ইয়াত টিম ইণ্ডিয়াৰ হৈ মুঠ ১০টা ইনিংছত বেটিং কৰিছে । এই সময়ছোৱাত তেওঁ গড়ে ৭৭.৮৯ ৰান কৰি ৭০১ ৰান সংগ্ৰহ কৰিবলৈ সক্ষম হৈছে । এই সময়ছোৱাত তেওঁৰ বেটৰ পৰা তিনিটা শতক আৰু তিনিটা অৰ্ধশতক আহিছে ।

সৌৰভ গাংগুলী-

আই চি চি চেম্পিয়নছ ট্ৰফীত ভাৰতৰ হৈ দ্বিতীয় সৰ্বাধিক ৰান সংগ্ৰহকাৰী হিচাপে পৰিগণিত হৈছে প্ৰাক্তন অধিনায়ক সৌৰভ গাংগুলী । এই প্ৰতিযোগিতাত দেশৰ হৈ মুঠ ১১টা ইনিংছত বেটিং কৰিছিল গাংগুলীয়ে । এই সময়ছোৱাত তেওঁ গড়ে ৭৩.৮৯ ৰান কৰি ৬৬৫ ৰান কৰিবলৈ সক্ষম হৈছিল । তেওঁৰ বেটৰ পৰা তিনিটা শতক আৰু তিনিটা অৰ্ধশতক দেখা গৈছিল ।

ৰাহুল দ্ৰাবিড়-

চেম্পিয়নছ ট্ৰফীত দেশৰ হৈ তৃতীয় সৰ্বাধিক ৰান সংগ্ৰহকাৰী হিচাপে স্থান লাভ কৰিছে প্ৰাক্তন অধিনায়ক তথা মুখ্য প্ৰশিক্ষক ৰাহুল দ্ৰাবিড়ে । চেম্পিয়নছ ট্ৰফীত টিম ইণ্ডিয়াৰ হৈ দ্ৰাবিড়ে মুঠ ১৫টা ইনিংছত বেটিং কৰিছে ।  প্ৰতিযোগিতাখনত তেওঁ  ৪৮.২৩ গড়ে ৬২৭ ৰান কৰিবলৈ সক্ষম হৈছে । চেম্পিয়নছ ট্ৰফীত ছটা অৰ্ধশতক অৰ্জন কৰিছে দ্ৰাবিড়ে ।

বিৰাট কোহলী-

চেম্পিয়নছ ট্ৰফীত ভাৰতৰ হৈ সৰ্বাধিক ৰান সংগ্ৰহ কৰা চতুৰ্থজন বেটছমেন আন কোনো নহয়, তেওঁ হৈছে বৰ্তমানৰ তাৰকা বিৰাট কোহলী । বৰ্তমান সময়লৈকে কোহলীয়ে চেম্পিয়নছ ট্ৰফীত ১২টা ইনিংছত বেটিং কৰিছে । প্ৰতিযোগিতাখনত তেওঁ ৮৮.১৭ গড়ে ৫২৯ ৰান কৰিবলৈ সক্ষম হৈছে । চেম্পিয়নছ ট্ৰফীত কোহলীয়ে ৫টা অৰ্ধশতক অৰ্জন কৰিছে ।

ৰোহিত শৰ্মা-

বৰ্তমানৰ অধিনায়ক ৰোহিত শৰ্মা চেম্পিয়নছ ট্ৰফীত ভাৰতৰ হৈ সৰ্বাধিক ৰান সংগ্ৰহ কৰা পঞ্চমজন খেলুৱৈ । ‘হিটমেন’ শৰ্মাই ইয়াত ১০খন খেল খেলিছে । প্ৰতিযোগিতাখনত  তেওঁৰ বেটে গড়ে ৫৩.৪৪ ৰান কৰি ১০ ইনিংছত ৪৮১ ৰান সংগ্ৰহ কৰিছে । চেম্পিয়নছ ট্ৰফীত শৰ্মাৰ নামত এটা শতক আৰু চাৰিটা অৰ্ধশতক আছে ।

এইবাৰ পাকিস্তানৰ আতিথ্যত অনুষ্ঠিত হ’ব আই চি চি চেম্পিয়নছ ট্ৰফী ২০২৫ । ১৯ ফেব্ৰুৱাৰীৰ পৰা ৯ মাৰ্চলৈ অনুষ্ঠিত হ’ব এই প্ৰতিযোগিতা । মুঠ ৮টা দলে চেম্পিয়নছ ট্ৰফীত খেলিব, যাৰ অধীনত এতিয়ালৈকে দক্ষিণ আফ্ৰিকা, অষ্ট্ৰেলিয়া, ইংলেণ্ডকে ধৰি ৬খন দেশে নিজৰ দল ঘোষণা কৰিছে । আনহাতে ভাৰতীয় দল আৰু পাকিস্তান দলৰ বাবে এতিয়াও অপেক্ষাৰত অনুৰাগী ।

দক্ষিণ আফ্ৰিকাৰ দলৰ মুখ্য প্ৰশিক্ষক ৰব ৱালটাৰে সোমবাৰে (১৩ জানুৱাৰী) ১৫ জনীয়া দলটো ঘোষণা কৰে । এই প্ৰতিযোগিতাত দক্ষিণ আফ্ৰিকাৰ অধিনায়কত্ব কৰিব টেম্বা বাভুমাই । দক্ষিণ আফ্ৰিকাই ২০২৩ চনৰ এদিনীয়া বিশ্বকাপৰ ছেমি ফাইনেললৈ লৈ যোৱা একেটা মূল দলকে বহুলাংশে ধৰি ৰাখিছে ।

ভাৰতীয় দল আৰু পাকিস্তান দলৰ ঘোষণাৰ বাবে এতিয়াও অপেক্ষাত আছে ক্ৰিকেট অনুৰাগীসকল । জানিব পৰা গৈছে যে অহা ১৮-১৯ জানুৱাৰীত ভাৰতীয় ক্ৰিকেট নিয়ন্ত্ৰণ ব’ৰ্ডৰ বিশেষ বৈঠক অনুষ্ঠিত হ’ব । এই সময়ত দলৰ কথা ঘোষণা কৰাৰ সম্ভাৱনা আছে । এতিয়ালৈকে ঘোষণা কৰা ৬টা স্কোৱাডৰ বিষয়ে জানক…

Check out the full fixtures for the ICC Champions Trophy 2025. pic.twitter.com/oecuikydca

— ICC (@ICC) December 24, 2024

গ্ৰুপ এ-

ভাৰত আৰু পাকিস্তান দল এতিয়াও ঘোষণা কৰা হোৱা নাই…

বাংলাদেশ দল : নাজমুল হুছেইন শান্তো (অধিনায়ক), সৌম্য চৰকাৰ, তাঞ্জিদ হাছান, তৌহিদ হৃদয়, মুছফিকুৰ ৰহিম, মাহমুদুল্লাহ, জাকেৰ আলী অনিক, মেহদি হাছান মিৰাজ, ৰিছাদ হোছেইন, তাস্কিন আহমেদ, মুস্তাফিজুৰ ৰহমান, পাৰভেজ হুছেইন ইমন, নাছুম আহমেদ, তাঞ্জিম হাছান চাকিব, নাহিদ ৰানা ।

নিউজীলেণ্ড দল : মিচেল ছেণ্টনাৰ (অধিনায়ক), মাইকেল ব্ৰেচৱেল, মাৰ্ক চেপমেন, ডেভন কনৱে, লুকি ফাৰ্গুচন, মেট হেনৰী, টম লাথাম, ডেৰিল মিচেল, উইল অ’ৰ’ৰ্ক, গ্লেন ফিলিপছ, ৰাচিন ৰবীন্দ্ৰ, বেন ছিয়াৰ্ছ, নাথান স্মিথ, কেন উইলিয়ামছন , উইল ইয়ং ।

গ্ৰুপ-বি

দক্ষিণ আফ্ৰিকাৰ দল : টেম্বা বাভুমা (অধিনায়ক), টনি ডি জোৰ্জি, মাৰ্কো জান্সেন, হেনৰিক ক্লাচেন, কেশৱ মহাৰাজ, এইডেন মাৰ্ক্ৰাম, ডেভিদ মিলাৰ, উইয়ান মুল্ডাৰ, লুংগি ঙিডি, এনৰিকে নৰ্কিয়া, কাগিছ’ ৰাবাডা, ৰিয়ান ৰিকেলটন, টাব্ৰেজ শ্বামচি, ট্ৰিষ্টান ষ্টাবছ, ৰাছী ভান ডেৰ ডাচেন ।

আফগানিস্তান দল : হাছমাতুল্লাহ শ্বাহিদী (অধিনায়ক), ইব্ৰাহিম জাদ্ৰান, ৰহমানুল্লাহ গুৰবাজ, চেদিকুল্লাহ অটল, ৰহমান শ্বাহ, ইক্ৰাম আলিখিল, গুলবাদিন নাইব, আজমাতুল্লাহ উমৰজাই, মহম্মদ নবী, ৰছিদ খান, এ এম গাজানফৰ, নূৰ আহমেদ, ফজলহাক ফাৰুকী, ফৰিদ মালিক, নবীদ জাদ্ৰান ।

ৰিজাৰ্ভ : দৰৱিশ ৰছুলি, নাংয়াল খাৰোতি, বিলাল ছামি ।

ইংৰাজ দল : জোছ বাটলাৰ (অধিনায়ক), জোফ্ৰা আৰ্চাৰ, গাছ এটকিনছন, জেকব বেথেল, হেৰী ব্ৰুক, ব্ৰাইডন কাৰ্ছ, বেন ডাকেট, জেমী অভাৰটন, জেমী স্মিথ, লিয়াম লিভিংষ্টন, আদিল ৰছিদ, জো ৰুট, ছাকিব মাহমুদ, ফিল ছল্ট, মাৰ্ক উড ।

অষ্ট্ৰেলিয়া দল : পেট কামিন্স (অধিনায়ক), এলেক্স কেৰী, নাথান এলিছ, এৰন হাৰ্ডি, জোছ হেজলউড, ট্ৰেভিছ হেড, জোছ ইংলিছ, মাৰ্নাছ লাবুশ্বেন, মিচেল মাৰ্ছ, গ্লেন মেক্সৱেল, মেথিউ শ্বৰ্ট, ষ্টিভ স্মিথ, মিচেল ষ্টাৰ্ক, মাৰ্কাছ ষ্ট’ইনিছ, আডাম জাম্পা ।

প্ৰতিটো গ্ৰুপত দলসমূহে কিমানখন খেল খেলিব ?

৮ টা দলে নিজ নিজ গ্ৰুপত ৩-৩ খন খেল খেলিব । ইয়াৰ পিছত প্ৰতিটো গ্ৰুপৰ শীৰ্ষ ২ টা দলে ছেমি ফাইনেলৰ বাবে যোগ্যতা অৰ্জন কৰিব । প্ৰথমখন ছেমি ফাইনেল ডুবাইত অনুষ্ঠিত হোৱাৰ বিপৰীতে দ্বিতীয়খন লাহোৰত অনুষ্ঠিত হ’ব । ইয়াৰ পিছত চূড়ান্ত মেচ অনুষ্ঠিত হ’ব । এনে পৰিস্থিতিত যদি কোনো দলে ফাইনেলত প্ৰৱেশ কৰে তেন্তে প্ৰতিযোগিতাখনত মুঠ ৫ খন মেচ খেলিব ।

ভাৰতে ডুবাইত আগন্তুক আই চি চি চেম্পিয়নছ ট্ৰফীৰ সকলোবোৰ লীগ মেচ খেলিব, যাৰ ভিতৰত চিৰ প্ৰতিদ্বন্দী পাকিস্তানৰ বিৰুদ্ধে ২৩ ফেব্ৰুৱাৰীত মুখামুখি হ’ব দলটো । ভাৰত আৰু পাকিস্তানক একেটা গ্ৰুপত ৰখা হৈছে । নিউজীলেণ্ড আৰু বাংলাদেশো এই গ্ৰুপত আছে । গ্ৰুপ বি-ত আছে দক্ষিণ আফ্ৰিকা, অষ্ট্ৰেলিয়া, আফগানিস্তান আৰু ইংলেণ্ড । প্ৰতিযোগিতাখনৰ উদ্বোধনী খেলখন ১৯ ফেব্ৰুৱাৰীত কৰাচীত অনুষ্ঠিত হ’ব । এই খেলখনত, আয়োজক পাকিস্তান নিউজীলেণ্ডৰ মুখামুখি হ’ব । ফাইনেল ৯ মাৰ্চত অনুষ্ঠিত হ’ব । ২০১৭ চনত শেষবাৰৰ বাবে অনুষ্ঠিত হোৱা এই বৃহৎ ৫০ অভাৰৰ ইভেণ্টত এইবাৰ ১৫খন মেচ অনুষ্ঠিত হ’ব । ইয়াৰে কমেও ১০খন মেচ পাকিস্তানত অনুষ্ঠিত হ’ব। পাকিস্তানৰ তিনিটা আয়োজক স্থান- ৰাৱালপিণ্ডি, লাহোৰ আৰু কৰাচী – দ্বিতীয়খন ছেমি ফাইনেল লাহোৰৰ পুনৰ নিৰ্মাণ কৰা গাদ্দাফি ষ্টেডিয়ামত অনুষ্ঠিত হ’ব ।

কেতিয়া ঘোষণা হ’ব টিম ইণ্ডিয়া-

উল্লেখ্য যে চেম্পিয়নছ ট্ৰফীৰ বাবে ভাৰতীয় দল ৯ জানুৱাৰীৰ পৰা ১০ জানুৱাৰীৰ ভিতৰত ঘোষণা কৰা হ’ব পাৰে । এনে পৰিস্থিতিত ভাৰতীয় দলত কোন খেলুৱৈয়ে চেম্পিয়নছ ট্ৰফীৰ বাবে সুযোগ পাব পাৰে সেয়া আকৰ্ষণীয় হ’ব । ভাৰতীয় নিৰ্বাচকসকলে ইংলেণ্ডৰ বিৰুদ্ধে এদিনীয়া শৃংখলাৰ বাবে আৰু চেম্পিয়নছ ট্ৰফীৰ বাবে দল একেলগে ঘোষণা কৰিব পাৰে ।

ইংলেণ্ডৰ বিৰুদ্ধে টি-২০ শৃংখলাৰ পৰা জিৰণি ল’ব পাৰে যশপ্ৰীত বুমৰাহে-

কৰ্মৰ বোজাৰ কথা বিবেচনা কৰিলে ইংলেণ্ডৰ বিৰুদ্ধে ৫খনীয়া মেচৰ টি-২০ শৃংখলাৰ পৰা জিৰণি ল’ব পাৰে যশপ্ৰীত বুমৰাহে । ছিডনী টেষ্টত বুমৰাহ আঘাতপ্ৰাপ্ত হৈছিল । এনে পৰিস্থিতিত আঘাত আৰু কামৰ বোজা বিবেচনা কৰিলে বুমৰাহক ইংলেণ্ডৰ বিৰুদ্ধে টি-২০ শৃংখলাৰ পৰা জিৰণি দিয়া হ’ব পাৰে । একে সময়তে তিনিখনীয়া মেচৰ এদিনীয়া শৃংখলাত বুমৰাহ পুনৰ ঘূৰি আহিব পাৰে ।

ঘূৰি আহিব পাৰে মহম্মদ ছামী আৰু শ্ৰেয়াছ আয়াৰ-

দীৰ্ঘদিন ধৰি টিম ইণ্ডিয়াৰ পৰা আঁতৰি থকা মহম্মদ ছামীয়ে এদিনীয়া শৃংখলা আৰু চেম্পিয়নছ ট্ৰফীত দললৈ ঘূৰি আহিব পাৰে । ২০২৩ চনৰ এদিনীয়া বিশ্বকাপৰ পিছৰে পৰা ছামী দলৰ পৰা আঁতৰি আছে । বৰ্তমান বংগৰ হৈ বিজয় হাজাৰে ট্ৰফীত খেলি আছে ছামীয়ে । ছামীয়ে নিজৰ ফিটনেছ প্ৰমাণ কৰিব লাগিব । এনে পৰিস্থিতিত ছামীয়ে নিজৰ ফিটনেছ প্ৰমাণ কৰিবলৈ সক্ষম হয় নে নহয় সেয়া লক্ষণীয় হ’ব । যদি মহম্মদ ছামী সম্পূৰ্ণ ফিট হয় তেন্তে তেওঁক টিম ইণ্ডিয়াত নিৰ্বাচিত কৰাৰ সম্ভাৱনা আছে ।

শ্ৰেয়াছ আয়াৰৰ উভতি অহাটো নিশ্চিত !

ইয়াৰ উপৰিও শ্ৰেয়াছ আয়াৰো দললৈ ঘূৰি আহিব পাৰে । প্ৰতিবেদন অনুসৰি ইংলেণ্ডৰ বিৰুদ্ধে এদিনীয়া শৃংখলাত আয়াৰক নিৰ্বাচিত কৰা হ’ব পাৰে । শেষবাৰৰ বাবে ২০২৪ চনত শ্ৰীলংকাৰ বিৰুদ্ধে এদিনীয়া শৃংখলাত তেওঁ সুযোগ পাইছিল । টিম ইণ্ডিয়াৰ পৰা বাদ পৰাৰ পিছত আয়াৰে অবিৰতভাৱে ঘৰুৱা ক্ৰিকেট খেলি আছে আৰু বেটিং কৰি বহু ৰান সংগ্ৰহ কৰিছে । এনে পৰিস্থিতিত তেওঁক টিম ইণ্ডিয়াত নিৰ্বাচিত কৰা হ’ব পাৰে ।

১২ জানুৱাৰী সময়সীমা-

চেম্পিয়নছ ট্ৰফীৰ বাবে দল ঘোষণা কৰাৰ বাবে আই চি চিয়ে নিৰ্ধাৰণ কৰা সময়সীমা ১২ জানুৱাৰী, অৰ্থাৎ ১২ জানুৱাৰীৰ ভিতৰত আটাইকেইটা দলে নিজৰ খেলুৱৈৰ তালিকা আই চি চিক জমা দিব লাগিব । একে সময়তে ১৩ ফেব্ৰুৱাৰীলৈকে দলসমূহে নিজৰ খেলুৱৈৰ পৰিৱৰ্তন কৰিব পাৰিব । এনে পৰিস্থিতিত ১০ৰ পৰা ১১ জানুৱাৰীৰ ভিতৰত টিম ইণ্ডিয়া ঘোষণা কৰা হ’ব বুলি আশা কৰা হৈছে ।

ইংলেণ্ড শৃংখলাৰ বাবে সম্ভাৱ্য এদিনীয়া দল আৰু সম্ভাৱ্য চেম্পিয়নছ ট্ৰফী দল : ৰোহিত শৰ্মা (অধিনায়ক), শুভমন গীল, যশস্বী জয়ছোৱাল (ৰিপ্লেচমেণ্ট অ’পেনাৰ), বিৰাট কোহলী, শ্ৰেয়াছ আয়াৰ, কে এল ৰাহুল (উইকেটকীপাৰ), ঋষভ পন্ট (উইকেটকীপাৰ), হাৰ্দিক পাণ্ডিয়া, নীতিশ কুমাৰ ৰেড্ডী, ৰবীন্দ্ৰ জাডেজা, অক্ষৰ পেটেল, কুলদীপ যাদৱ/ৰবি বিষ্ণোই, যশপ্ৰীত বুমৰাহ, মহম্মদ ছামী, অৰ্শদীপ সিং, মহম্মদ চিৰাজ ।

ইংলেণ্ডৰ বিৰুদ্ধে টি-২০ শৃংখলাৰ বাবে ভাৰতীয় দল-

সূৰ্যকুমাৰ যাদৱ (অধিনায়ক), অভিষেক শৰ্মা, সঞ্জু চেমচন (উইকেটকীপাৰ), তিলক বাৰ্মা, ৰিংকু সিং, হাৰ্দিক পাণ্ডিয়া, ৰমনদীপ সিং, অক্ষৰ পেটেল, বৰুণ চক্ৰৱৰ্তী, অৰ্শদীপ সিং আৰু প্ৰসিদ্ধ কৃষ্ণ ।