এখন ট্ৰাকৰ সৈতে শ্লিপাৰ বাছৰ সংঘৰ্ষৰ ফলত এই ভয়ংকৰ দুৰ্ঘটনা সংঘটিত হয় । ঘটনাত ৯গৰাকী যাত্ৰী জীৱন্তে অগ্নিদগ্ধ হৈ মৃত্যুমুখত পৰে ।

কৰ্ণাটকৰ চিত্ৰদুৰ্গ জিলাত সংঘটিত হৈছে এক ভয়ংকৰ দুৰ্ঘটনা । এই ভয়ংকৰ দুৰ্ঘটনাত এখন বাছ জুইয়ে আগুৰি ধৰাৰ ফলত জীৱন্তে অগ্নিদগ্ধ হৈ ৯জন লোকৰ মৃত্যু হয় । আহত আটাইকেইজনক সংকটজনক অৱস্থাত চিকিৎসালয়ত ভৰ্তি কৰোৱা হৈছে । এখন ট্ৰাক আৰু এখন ব্যক্তিগত শ্লীপাৰ বাছৰ মাজত সংঘৰ্ষ হোৱাৰ ফলতেই এই ভয়ংকৰ দুৰ্ঘটনাৰ সূত্ৰপতা হয় । সংঘৰ্ষ ইমানেই তীব্ৰ আছিল যে, বাছখন লগে লগে জুইয়ে আগুৰি ধৰে ফলত বাছখনত থকা ৯ জন লোকৰ মৃত্যু হয় ।

বুধবাৰে গভীৰ নিশা চিত্ৰদুৰ্গা জিলাৰ ৪৮ নং ৰাষ্ট্ৰীয় ঘাইপথৰ গোৰ্লাথু ক্ৰছিঙৰ সমীপত এখন তীব্ৰবেগী ট্ৰাকে ডিভাইডাৰ পাৰ হৈ সন্মুখৰ পৰা অহা এখন শ্লীপাৰ বাছত খুন্দা মাৰে । লগে লগে পথৰ মাজতে বাছখনত অগ্নিসংযোগ হয় । যাত্ৰীসকলে কি হৈছে বুজি পোৱাৰ আগতেই জুইৰ লেলিহান শিখাই বাছখন আগুৰি ধৰে । ট্ৰাকখন হিৰিয়ুৰৰ পৰা বেংগালুৰুলৈ আৰু বাছখন বেংগালুৰুৰ পৰা গোকৰ্ণালৈ গৈ আছিল বুলি জানিব পৰা গৈছে ।

অগ্নিদগ্ধ হৈ ৯ যাত্ৰীৰ মৃত্যু-

এই দুৰ্ঘটনাত বাছখনৰ ৯ জন যাত্ৰী জীৱন্তে অগ্নিদগ্ধ হৈ মৃত্যুমুখত পৰে । আন কেইবাজনো আহত যাত্ৰীক ওচৰৰ চিকিৎসালয়ত ভৰ্তি কৰোৱা হয় । মৃতকৰ সংখ্যা বৃদ্ধি পোৱাৰ আশংকা কৰা হৈছে । ঘটনা সন্দৰ্ভত তথ্য লাভ কৰাৰ লগে লগে আৰক্ষীৰ জ্যেষ্ঠ বিষয়া ঘটনাস্থলীত উপস্থিত হৈ পৰিদৰ্শন কৰে । হিৰিউৰ গ্ৰাম্য আৰক্ষী থানাত ঘটনা সন্দৰ্ভত গোচৰ ৰুজু কৰি তদন্ত আৰম্ভ কৰা হৈছে । বাছখনত পোন্ধৰগৰাকী মহিলা আৰু ১৪জন পুৰুষে যাত্ৰী আছিল ।

বাছখনত আছিল ২৯ জন যাত্ৰী-

খবৰ অনুসৰি বাছখনত ২৯ জন যাত্ৰী আছিল । দুৰ্ঘটনাৰ সময়ত বাছ চালক, কণ্ডাক্টৰ আৰু একাংশ যাত্ৰীয়ে বাছৰ পৰা জপিয়াই প্ৰাণ ৰক্ষা কৰে । দুৰ্ঘটনাত ট্ৰাক চালকৰো মৃত্যু হয় । এই ঘটনাৰ পিছতে ৪৮ নং ৰাষ্ট্ৰীয় ঘাইপথত ৩০ কিলোমিটাৰ দৈৰ্ঘ্যৰ যান-জঁটৰ সৃষ্টি হয় ।

দুৰ্ঘটনাটোৰ পিছতে ঘাইপথত হাহাকাৰ সৃষ্টি হয় । একাংশ লোকে বাছখনৰ জুই নিৰ্বাপনৰ চেষ্টা চলাইছিল যদিও সফল নহ’ল । লগে লগে আৰক্ষীক খবৰ দিয়া হয় । আৰক্ষী আৰু অগ্নিনিৰ্বাপক বাহিনীৰ দল ঘটনাস্থলীত উপস্থিত হয় আৰু যথেষ্ট প্ৰচেষ্টাৰ অন্তত জুই নিয়ন্ত্ৰণ কৰে । আৰক্ষীয়ে আটাইকেইটা মৃতদেহ জিম্মাত লৈ মৰণোত্তৰ পৰীক্ষাৰ বাবে প্ৰেৰণ কৰিছে । আহতসকলক চিকিৎসালয়ত ভৰ্তি কৰোৱা হৈছে আৰু কিছুসংখ্যকৰ অৱস্থা সংকটজনক বুলি জানিব পৰা গৈছে ।

লগতে পঢ়ক : ওড়িশাত নিহত শীৰ্ষ মাওবাদী গণেশ উইকেসহ ৬ নক্সালবাদী… মূৰৰ দাম আছিল ১ কোটি

ৰাজনৈতিক বিতৰ্কক লৈ কি ক’লে ডি কে শিৱকুমাৰে?

কৰ্ণাটক কংগ্ৰেছত মতানৈক্যৰ খবৰৰ মাজতে মুখ্যমন্ত্ৰী সিদ্ধাৰমাইয়া আৰু উপ মুখ্যমন্ত্ৰী ডি কে শিৱকুমাৰে একত্ৰিত হৈ এক সংবাদমেল সম্বোধন কৰে।

সংবাদ মাধ্যমৰ আগত মুখ্যমন্ত্ৰী সিদ্ধাৰমাইয়াই কয় যে আমাৰ মাজত কোনো পাৰ্থক্য নাই আৰু ভৱিষ্যতেও কোনো পাৰ্থক্য নাথাকিব।আমাৰ এজেণ্ডা ২০২৮ চনৰ বিধানসভা নিৰ্বাচন।

স্থানীয় সংস্থাৰ নিৰ্বাচনো আমাৰ বাবে গুৰুত্বপূৰ্ণ। আমি সেইবোৰৰ বিষয়ে আলোচনা কৰিলোঁ। আমি ২০২৮ চনৰ নিৰ্বাচনত কংগ্ৰেছক ঘূৰাই অনাৰ বিষয়েও আলোচনা কৰিলোঁ।আমি একেলগে নিৰ্বাচনত প্ৰতিদ্বন্দ্বিতা কৰিম। আমাৰ মাজত কোনো বিভ্ৰান্তি নাই, কেতিয়াও নাথাকিব।

মুখ্যমন্ত্ৰী সিদ্ধাৰমাইয়াই কয় আমি সিদ্ধান্ত লৈছো যে হাই কমাণ্ডে যিয়েই ক’ব আমি গ্ৰহণ কৰিম।কাইলৈৰ পৰা কোনো ধৰণৰ খেলিমেলি নাথাকিব। বাৰু, বৰ্তমানেও তেনেকুৱা পৰিস্থিতি নাই।

এই দাবী একাংশ সংবাদ মাধ্যমত প্ৰকাশ পাইছে। বিজেপি আৰু জেডিএছৰ মিছা অভিযোগ উত্থাপন কৰাৰ অভ্যাস।তেওঁ অনাস্থা প্ৰস্তাৱ আনিব বুলি বিবৃতি দিছে।

বিজেপিৰ ৬০ জন আৰু জেডিএছৰ মাত্ৰ ১৮ জন বিধায়ক আছে।আমাৰ সংখ্যাৰ লগত মিলাব নোৱাৰিব। আমাৰ ১৪০ জন বিধায়ক আছে।

ইফালে ডি কে শিৱকুমাৰে কয়,‘আপোনালোক সকলোৰে সহায়ত আমি কংগ্ৰেছ চৰকাৰ আনি আমাৰ প্ৰতিশ্ৰুতি অনুসৰি কাম কৰি আছো।কৰ্ণাটকৰ জনসাধাৰণে পূৰ্ণ সমৰ্থন আগবঢ়াইছে’।

‘আমি তেওঁলোকৰ আশা পূৰণ কৰিব লাগিব আৰু তাৰ দিশত আমি কাম কৰি আছো।হাই কমাণ্ডে যিয়েই ক’ব, আমি অনুসৰণ কৰিম।কৰ্ণাটক কংগ্ৰেছত কোনো দলীয়তা নাই’।

“আমি এতিয়াও একেলগে কাম কৰি আছো।মুখ্যমন্ত্ৰী সিদ্ধাৰমাইয়াই যি কয় মই সমৰ্থন কৰো। আমি দুয়ো একেলগে কাম কৰি আছো।”

তেওঁ লগতে কয় যে, আমি জানো যে দলটোৱে আমাৰ দেশত এক কঠিন পৰ্যায়ৰ মাজেৰে পাৰ হৈ গৈছে।কিন্তু আমাৰ বিশ্বাস যে কৰ্ণাটক ডাঙৰ ভূমিকা পালন কৰিব,আমি ২০২৮ চনত পুনৰ চৰকাৰ গঠন কৰিম।

লগতে পঢ়ক: ‘কেজৰিৱালে মোৰ ফোন ৰিচিভ নকৰে’; কান্দি কান্দি বিজেপিত যোগদান আপৰ ৰাজেশ গুপ্তাৰ