কম্পিউটাৰ বিজ্ঞানত স্নাতকোত্তৰ,ভিডিঅ’ গেম ডেভেলপাৰ; কোন হয় ট্ৰাম্পক লক্ষ্য কৰি লোৱা যুৱক
হোয়াইট হাউছৰ সংবাদদাতা ডিনাৰত সংঘটিত হোৱা গুলীচালনাৰ সৈতে জড়িত সন্দেহজনক লোকজনক চিনাক্ত কৰা হৈছে। ট্ৰাম্পক লক্ষ্য কৰি লোৱা অভিযুক্ত কেলিফৰ্ণিয়াৰ টৰেন্সৰ বাসিন্দা ৩১ বছৰীয়া ক’ল এলেন।
হোয়াইট হাউছৰ সংবাদদাতা ডিনাৰত সংঘটিত হোৱা গুলীচালনা ঘটনাৰ সৈতে জড়িত কেলিফৰ্ণিয়াৰ টৰেন্সৰ নিবাসী ৩১ বছৰীয়া এজন যুৱকক গ্ৰেপ্তাৰ কৰা হৈছে। ড’নাল্ড ট্ৰাম্পৰ মতে সন্দেহযুক্ত আক্ৰমণকাৰী গৰাকী অকলে আছিলে। বিষয়াসকলে জনোৱা মতে, সন্দেহজনক লোকজনক জিম্মাত ৰখা হৈছে আৰু তেওঁক চিকিৎসালয়ত ভৰ্তি কৰা হৈছে।
তেওঁক টৰেন্সৰ বাসিন্দা ৩১ বছৰীয়া ক’ল এলেন বুলি চিনাক্ত কৰা হৈছে। তদন্তৰ সৈতে জড়িত দুটা সূত্ৰৰ মতে, তেওঁৰ হাতত এটা শ্বটগান আৰু এটা হেণ্ডগান আছিল। সন্দেহযুক্ত লোকজনে ২০১৭ চনত কেলিফৰ্ণিয়া ইনষ্টিটিউট অৱ টেকন’লজি (কেলটেক)ৰ পৰা অভিযান্ত্ৰিক শাখাত স্নাতক ডিগ্ৰী আৰু ২০২৫ চনত কম্পিউটাৰ বিজ্ঞানত স্নাতকোত্তৰ ডিগ্ৰী লাভ কৰে।তেওঁ ভিডিঅ’ গেম ডেভেলপাৰ হিচাপে কাম কৰে।
শনিবাৰে ৰাষ্ট্ৰপতি ড’নাল্ড ট্ৰাম্পে কয় হোয়াইট হাউছৰ সংবাদদাতা ডিনাৰত আক্ৰমণ চলোৱা সন্দেহযুক্ত আক্ৰমণকাৰী অকলে আছিল।এই আক্ৰমণ ইৰাণৰ সৈতে হোৱা যুদ্ধৰ লগত কোনো সম্পৰ্ক আছে বুলি বিশ্বাস কৰাৰ কোনো কাৰণ নাই। শনিবাৰে হোৱাইট হাউছৰ সংবাদদাতাসকলৰ ৰাতিৰ আহাৰ গ্ৰহণ কৰা ৱাশ্বিংটন হোটেলখন বিশেষ নিৰাপদ নাছিল।
লগতে পঢ়ক:“ছিক্ৰেট চাৰ্ভিছে সাহসেৰে কাম কৰিলে,মই সুৰক্ষিত আছো”; গুলীচালনাৰ পিছত ট্ৰাম্পৰ প্ৰথম প্ৰতিক্ৰিয়া