-উমৰাংছু কয়লাখনিত প্ৰাণ হেৰুৱাবলগীয়া শ্ৰমিকক লৈ কেবিনেটত ডাঙৰ সিদ্ধান্ত

 -৩২০ফুট দ’ কুৱেৰিৰ পৰা উদ্ধাৰ ৪ শ্ৰমিকৰ মৃতদেহ

-কুৱেৰীৰ ভিতৰত বৰ্তমান ১১কোটি লিটাৰ পানী আছে

-বৰ্তমানো উদ্ধাৰ কৰিব পৰা নাই আৱদ্ধ আনজন শ্ৰমিকৰ মৃতদেহ

-দীৰ্ঘদিনে আৱদ্ধ হৈ থকা শ্ৰমিকক সুকলমে উদ্ধাৰ কৰাৰ সম্ভাৱনা নাই

-নিহত আৰু সন্ধানহীন শ্ৰমিকৰ পৰিয়ালক দিয়া হ’ব ১০লাখকৈ এককালীন সাহাৰ্য

-ঘটনা সন্দৰ্ভত কুৱেৰিটোত কৰ্মৰত অভিযন্তাই দিব লাগিব লিখিত বিৱৰণ

-উমৰাংছু কয়লাখনিত কৰ্মৰত শ্ৰমিকৰ পৰিয়ালে লাভ কৰিব ন্যায়

-আৰক্ষী সঞ্চালক প্ৰধানক ফৌজাদাৰী অনুসন্ধানৰ বাবে এছ আই টি  গঠনৰ নিৰ্দেশ

-নেতৃত্ব প্ৰদান কৰিব ন্যায়াধীশ অনিমা হাজৰিকাই

-মুখ্যমন্ত্ৰী ড০ হিমন্ত বিশ্ব শৰ্মাই উমৰাংছুৰ ঘটনাক লৈ কৰিলে ডাঙৰ মন্তব্য

-উমৰাংছুৰ উদ্ধাৰ স্থলীৰ পৰা আহিছে শোকাৱহ খৱৰ

-কয়লা খনিৰ ভিতৰৰ পৰা উদ্ধাৰ এজন শ্ৰমিকৰ মৃতদেহ

-বৰ্তমানো আৱদ্ধ আন কেইবাগৰাকীও শ্ৰমিক

-প্ৰায় ৩২০ ফুট গভীৰতাত আৱদ্ধ হৈ আছে শ্ৰমিকসকল

-বিশাখাপট্টনমৰ পৰা অহা বিশেষজ্ঞ ডুবাৰেও উদ্ধাৰ কৰিব পৰা নাই

-ক’ল ইণ্ডিয়াৰ উদ্ধাৰকাৰীয়েও আজি চলাইছে উদ্ধাৰ অভিযান

-ভৰতীয় নৌসেনাৰ ডুবাৰু, SDRF, NDRF হ’ব পৰা নাই সফল

-বতৰেও উদ্ধাৰ অভিযানত দিছে বিধি পঠালি

-ভয়াৱহ ৰূপত খনিত বৃদ্ধি পাইছে পানী

-প্ৰায় ১২০ ফুট পৰ্যন্ত বৃদ্ধি পাইছে খনিৰ ভিতৰৰ পানী

-বৰ্তমানেও আৱদ্ধ হৈ থকা শ্ৰমিকসকল নেপালৰ গংগা বাহাদুৰ শ্বেখ,

-দৰঙৰ হুছেইন আলি, দলগাঁৱৰ জাকিৰ হুছেইন, মোস্তাফা শ্বেখ,

-গোসাইগাঁৱৰ সৰ্পা বৰ্মন, ফকিৰাগ্ৰামৰ সুখীমোহন ৰায়,

-পশ্চিমবংগৰ সঞ্জিত সৰকাৰ, উমৰাংছুৰ লিজন মগৰ আৰু শোনিতপুৰৰ শৰৎ গয়াৰী

উমৰাংছুৰ কয়লাখনিত আৱদ্ধ হৈ থকা শ্ৰমিকক উদ্ধাৰৰ বাবে চলি আছে অভিযান । ইতিমধ্যে খনিটোত আৱদ্ধ হৈ থকা তিনিজন শ্ৰমিকৰ মৃত্যু হোৱা বুলি জানিব পৰা গৈছে । এতিয়াও খনিটোত আৱদ্ধ হৈ আছে আন কেইবাজনো শ্ৰমিক । এই দুৰ্ভাগ্যজনক ঘটনাই কঁপাই গৈছে সমগ্ৰ অসম । ঘটনাক লৈ অসম আৰক্ষীৰ লগতে তৎপৰ হৈ পৰিছে উদ্ধাৰকাৰীৰ দল ।

ইফালে শ্ৰমিক আৱদ্ধ হৈ থকা খনিৰ ভিতৰত হোৰাহোৰে বাঢ়িছে পানী । ১২০ ফুট পৰ্যন্ত বৃদ্ধি পাইছে এই পানী । বিশেষজ্ঞ ডুবাৰুৰ দ্বাৰা চলাই থকা হৈছে অভিযান । মেছিনেৰে সিঁচিও শেষ কৰিব পৰা নাই পানী । বৰ্তমানেও প্ৰায় ১৫ জনতকৈ অধিক শ্ৰমিক আৱদ্ধ হৈ থকাৰ সন্দেহ । ইতিমধ্যে মৃত্যুমুখত পৰিছে ৩জনকৈ শ্ৰমিক । মৃত্যু হোৱা দুৰ্ভগীয়া শ্ৰমিকৰ ঘৰত শোকাকুল পৰিবেশৰ সৃষ্টি হৈছে । ইতিমধ্যে বিশাখাপট্টনমৰ পৰা আহি উপস্থিত হৈছে নৌ-সেনাৰ বিশেষজ্ঞ ডুবাৰু ।

আনহাতে উমৰাংছ’ত চলি থকা খনন অবৈধ আখ্যা মুখ্যমন্ত্ৰীৰ । অবৈধ খনন কাৰ্যৰে জড়িত পুনিছ নুনিছাক গ্ৰেপ্তাৰ কৰিছে আৰক্ষীয়ে । আৱদ্ধ শ্ৰমিকৰ ঘটনা সন্দৰ্ভত উমৰাংছ’ পুলিচ ষ্টেশ্যনত ৰুজু কৰা হৈছিল গোচৰ । পুনিছ নুনিছাক গ্ৰেপ্তাৰৰ কথা সামাজিক মাধ্যমত প্ৰকাশ মুখ্যমন্ত্ৰীৰ । আৰক্ষীয়ে ঘটনাৰ তদন্তৰ বাবে ১৯৫৭ৰ অধীনত ৰুজু কৰে গোচৰ । ৩(৫)/১০৫ বিএনএছ, আৰ/ডব্লিউ ধাৰা ২১(১)ত গোচৰ ৰুজু ।

উল্লেখ্য যে, ডিমা হাছাও জিলাৰ উমৰাংছ’ অঞ্চলত ৬ জানুৱাৰী, সোমবাৰে ৩০০ ফুট দ কয়লা খনিত পানী প্ৰৱেশ কৰাত আৱদ্ধ হৈ পৰে এই শ্ৰমিকসকল । বিষয়াসকলৰ মতে, খনিটোত হঠাৎ পানী প্ৰৱেশ কৰাৰত তেওঁলোকে ওলাই আহিবলৈ সময় নাপায়, ফলত শ্ৰমিকসকল মাটিৰ তলত আবদ্ধ হৈ পৰে ।

সোমবাৰে (০৬ জানুৱাৰী) উমৰাংছুৰ এটা কয়লা খনিত পানী সোমোৱাৰ ফলত প্ৰায় ১৫ জনকৈ শ্ৰমিক আবদ্ধ হৈ পৰে । এই ভয়ংকৰ ঘটনা সংঘটিত হৈছে ডিমা হাচাও জিলাৰ উমৰাংছ’ অঞ্চলত । জানিব পৰা মতে, খনিটোত পানী প্ৰৱেশ কৰে যাৰ বাবে শ্ৰমিকসকল মাটিৰ তলত আবদ্ধ হৈ পৰে ।

ডিমা হাচাওৰ আৰক্ষী অধীক্ষক মায়ংক কুমাৰ ঝাই সংবাদ সংস্থাক কয় যে, “ডিমা হাচাও জিলাৰ উমৰাংছ’ অঞ্চলৰ কয়লা খনিৰ ভিতৰত বহু লোক আবদ্ধ হৈ থকাৰ আশংকা কৰা হৈছে । আমি বৰ্তমান সঠিক সংখ্যা ক’ব নোৱাৰো । ঘটনাৰ বিষয়ে জানিব পৰাৰ লগে লগে উদ্ধাৰ অভিযান আৰম্ভ কৰা হয় আৰু আৱদ্ধ শ্ৰমিকসকলক বাহিৰলৈ উলিয়াই অনাৰ বাবে উদ্ধাৰকাৰী দলসমূহে যৎপৰোনাস্তি চেষ্টা অব্যাহত ৰাখিছে ।”

হঠাতে বাঢ়ি গ’ল পানীৰ স্তৰ-

জানিব পৰা মতে হঠাতে খনিটো পানীৰে বুৰ যায় আৰু ইয়াৰ বাবেই শ্ৰমিকসকল ওলাই আহিবলৈ সময় নোপোৱাত আৱদ্ধ হৈ পৰে । বৰ্তমান খনিটোত কি কাৰণত পানী ভৰি পৰে সেয়া জানিব পৰা হোৱা নাই যদিও প্ৰাৰম্ভিক খবৰ অনুসৰি ভূগৰ্ভস্থ পানীৰ উৎসত ভাঙি যোৱাৰ বাবে হঠাতে পানী ভৰি পৰে । প্ৰত্যক্ষদৰ্শীয়ে জনোৱা মতে, পানীৰ জলপৃষ্ঠ দ্ৰুতগতিত বৃদ্ধি পোৱাৰ বাবে বিশৃংখলতাৰ সৃষ্টি হয় আৰু পলায়নৰ পথো বন্ধ হৈ পৰে ।

ঘটনা সন্দৰ্ভত তথ্য পোৱাৰ লগে লগে স্থানীয় কৰ্তৃপক্ষই ৰাজ্যিক দুৰ্যোগ সঁহাৰি বাহিনী (এছ ডি আৰ এফ) আৰু ৰাষ্ট্ৰীয় দুৰ্যোগ সঁহাৰি বাহিনী (এন ডি আৰ এফ)ৰ দলক মাতি একেলগে উদ্ধাৰ অভিযান আৰম্ভ কৰে । খনিটোৰ পৰা পানী পাম্প কৰি উলিয়াবলৈ বিশেষ সঁজুলি স্থাপন কৰা হয় আৰু সহায়ৰ বাবে বহু লোক নিয়োগ কৰা হৈছে ।

উদ্ধাৰ অভিযান বিপদমুক্ত নহয়-

বিষয়াসকলে জনোৱা মতে পানীৰে ভৰা খনিটো অস্থিৰ আৰু অধিক ভাঙি পৰাৰ আশংকা থকাৰ বাবে উদ্ধাৰ অভিযানটো বিপদৰে ভৰা । ইয়াৰ ফলত উদ্ধাৰকাৰী দলটোৰ বাবেও বিপদৰ সৃষ্টি হ’ব পাৰে । ইয়াৰ বাহিৰেও পানীৰ সোঁত অব্যাহত থকাৰ বাবে ইয়াক বন্ধ কৰি খনিটোত আবদ্ধ শ্ৰমিকসকলৰ ওচৰলৈ যোৱাটো কঠিন হৈ পৰিছে । ইফালে ৰাজ্যৰ মুখ্যমন্ত্ৰী হিমন্ত বিশ্ব শৰ্মাইও এই ঘটনাক লৈ সামাজিক মাধ্যমযোগে উদ্বেগ প্ৰকাশ কৰাৰ লগতে উদ্ধাৰ অভিযান ক্ষীপ্ৰ কৰাৰ নিৰ্দেশ দিছে ।