ইছৰোৱে সৃষ্টি কৰিলে ‘বাহুবলী’ ইতিহাস; মহাকাশলৈ প্ৰেৰণ আটাইতকৈ গধুৰ উপগ্ৰহ
ইছৰোৱে সৃষ্টি কৰিলে ‘বাহুবলী’ ইতিহাস
বিশ্বৰ শীৰ্ষ ৪ খন মহাকাশ শক্তিৰ ভিতৰত অন্তৰ্ভুক্ত ভাৰতে আজি আন এক ইতিহাসৰ সৃষ্টি কৰিলে। ইছৰোৱে আজি নিজৰ আটাইতকৈ গধুৰ যোগাযোগ উপগ্ৰহ CMS-03 মহাকাশলৈ উৎক্ষেপণ কৰে।
এই উপগ্ৰহটো ভাৰতত নিৰ্মিত আটাইতকৈ শক্তিশালী ৰকেট LVM3 ৰ যোগেদি মহাকাশলৈ প্ৰেৰণ কৰা হৈছে।মহাকাশ বিজ্ঞানীসকলে এই ৰকেটটোক মৰমেৰে ‘বাহুবলী’ বুলি কয়।
এই উৎক্ষেপণ কেৱল ভাৰতৰ প্ৰযুক্তিগত দক্ষতাৰ প্ৰতীক নহয়,বৰঞ্চ ইয়াৰ জৰিয়তে ভাৰতে সেই কথা পুনৰবাৰ প্ৰমাণ কৰিলে যে এতিয়া তেওঁলোকে গধুৰ উপগ্ৰহকো নিজাববীয়াকৈ মহাকাশলৈ প্ৰেৰণ কৰিবলৈ সম্পূৰ্ণৰূপে সক্ষম।ইয়াৰ ওজন প্ৰায় ৪৪০০ কিলোগ্ৰাম।
এই উপগ্ৰহটোৱেই হৈছে নৌসেনাৰ বৰ্তমানলৈকে আটাইতকৈ উন্নত উপগ্ৰহ।ইয়াৰ ফলত নৌসেনাৰ মহাকাশভিত্তিক যোগাযোগ আৰু সামুদ্ৰিক ডমেইন সজাগতাৰ ক্ষমতা শক্তিশালী কৰা হ’ব।
ইছৰোৰ মতে, এই অভিযানৰ মূল উদ্দেশ্য হৈছে ভাৰতৰ দুৰ্গম আৰু সামুদ্ৰিক অঞ্চলত উন্নত যোগাযোগ সেৱা প্ৰদান কৰিব।
GSAT-7R হৈছে এটা যোগাযোগ উপগ্ৰহ অৰ্থাৎ ই যোগাযোগৰ মাধ্যম হৈ পৰিব।ইয়াৰ সম্পূৰ্ণ ডিজাইন আৰু নিৰ্মাণ ভাৰতত কৰা হৈছিল।
এই উপগ্ৰহটোৱে নৌসেনাৰ জাহাজ, বিমান, চাবমেৰিন আৰু সামুদ্ৰিক অভিযান কেন্দ্ৰৰ মাজত দ্ৰুত আৰু সুৰক্ষিত যোগাযোগৰ ব্যৱস্থা কৰিব।
২ নৱেম্বৰত সন্ধিয়া ৫:২৬ বজাত শ্ৰীহৰিকোটা (অন্ধ্ৰপ্ৰদেশ)ৰ সতীশ ধৱন মহাকাশ কেন্দ্ৰৰ (SDSC- SHAR) দ্বিতীয়টো উৎক্ষেপণ স্থানৰ পৰা এই উপগ্ৰহটো উৎক্ষেপণ কৰা হয়।
লগতে পঢ়ক: আজি মহাকাশলৈ ইছৰোৰ ‘বাহুবলী’ ৰকেট; উৎক্ষেপণ কৰিব CMS-03 উপগ্ৰহ