আজি মহাকাশলৈ ইছৰোৰ ‘বাহুবলী’ ৰকেট
ভাৰতীয় মহাকাশ গৱেষণা সংস্থা চমুকৈ ইছৰোৱে পুনৰ ইতিহাস ৰচনা কৰিবলৈ সাজু হৈছে । আজি বাহুবলী ৰকেটৰ জৰিয়তে ইছৰোৱে মহাকাশলৈ উৎক্ষেপণ কৰিব আটাইতকৈ গধুৰ উপগ্ৰহ । উপগ্ৰহ CMS-03 উৎক্ষেপণ কৰিব ইছৰোৱে । শনিবাৰে সন্ধিয়াৰ পৰা আৰম্ভ হয় এই উৎক্ষেপণৰ কাউণ্টডাউন । দেওবাৰে (২ নৱেম্বৰ) বিয়লি ৫.২৬ বজাত ইছৰোৱে ৪,৪১০ কিলোগ্ৰাম ওজনৰ এই উপগ্ৰহটো উৎক্ষেপণ কৰিব । অন্ধ্ৰ প্ৰদেশৰ শ্ৰীহৰিকোটাৰ সতীশ ধাৱান মহাকাশ কেন্দ্ৰৰ পৰা উৎক্ষেপণ কৰা হ’ব এই CMS-03 যোগাযোগ উপগ্ৰহ ।
ইছৰোৰ এই অভিযান বিশেষ কাৰণ ই এতিয়ালৈকে উৎক্ষেপণ কৰা আটাইতকৈ গধুৰ উপগ্ৰহ । বিজ্ঞানীসকলে ইয়াক অতি শক্তিশালী “বাহুবলী” ৰকেট LVM3-M5 ত উৎক্ষেপণ কৰাৰ পৰিকল্পনা কৰিছে । উৎক্ষেপণৰ পিছত এই উপগ্ৰহটোক পৃথিৱীৰ জিঅ’চিংক্ৰ’নাছ ট্ৰেন্সফাৰ কক্ষপথত স্থাপন কৰা হ’ব । এই উপগ্ৰহটোৱে ভাৰত আৰু ইয়াৰ আশে-পাশে থকা বিশাল সাগৰীয় অঞ্চলসমূহত যোগাযোগ সেৱা উন্নত কৰাত সহায় কৰিব । ইছৰোৰ মতে, চূড়ান্ত সকলো প্ৰস্তুতি সম্পূৰ্ণ হৈছে আৰু ব্যৱস্থাসমূহ উৎক্ষেপণৰ বাবে সম্পূৰ্ণৰূপে সাজু হৈছে ।
গধুৰ পেলোডৰ বাবে ৰকেটটোৰ নাম ‘বাহুবলী’-
মহাকাশ সংস্থাটোৱে নিজৰ আপডেটত কয় যে আমি উৎক্ষেপণৰ ওচৰ চাপি অহাৰ লগে লগে সকলো ব্যৱস্থা সাজু হৈ উঠিছে । ২ নৱেম্বৰৰ সন্ধিয়া ৫:২৬ বজাত উৎক্ষেপণ কৰা হ’ব ৪৩.৫ মিটাৰ উচ্চতাৰ এই ৰকেট । ইছৰোৱে কয় যে এল ভি এম৩ (লঞ্চ ভেহিকেল মাৰ্ক-৩) হৈছে ইছৰোৰ নতুন হেভি-লিফ্ট লঞ্চ বাহন আৰু ইয়াৰ সহায়ত ৪ হাজাৰ কিলোগ্ৰাম ওজনৰ মহাকাশযানক জিঅ’চিংক্ৰ’নাছ ট্ৰেন্সফাৰ অৰ্বিট (জিটিঅ’)ত ব্যয়বহুলভাৱে স্থাপন কৰা হ’ব । LVM3-M5 ৰকেটৰ গধুৰ পেলোড ক্ষমতাৰ বাবে ‘বাহুবলী’ নামেৰে নামাকৰণ কৰা হৈছে ।
লগতে পঢ়ক : আন এক অভিলেখ গঢ়িবলৈ সাজু ইছৰো; কিয় বিশেষ CMS-03 ?
