আইফোন ১৪

আইফোন কিনাৰ কথা আহিলে প্ৰথমে মনলৈ আহে বাজেট।আইফোন মানে এটা দামী স্মাৰ্টফোন যিটো কিনিবলৈ কমেও ১ লাখ টকা খৰচ হ’ব।

যদি আপুনিও আইফোন ব্যয়বহুল বুলিয কিনিব পৰা নাই, তেন্তে আপোনাৰ বাবে আছে ভাল খবৰ।২০ হাজাৰতকৈও কম মূল্যত এতিয়াই এপল আইফোন কিনিব পাৰিব আপুনি।

আইফোন ১৬ ছিৰিজ আৰু আইফোন ১৬ই ​​মুকলি কৰাৰ পিছৰে পৰা এপলে পুৰণি আইফোন ১৪ ৰ মূল্য বহু পৰিমাণে হ্ৰাস কৰিছে।

যদি আপুনি আইফোন ১৫ বা আইফোন ১৬ কিনিব নোৱাৰে তেন্তে এতিয়া এইটো আইফোন কিনিব পাৰিব।এই আইফোনটো অলপ পুৰণি যদিও আজিও ই বহু প্ৰিমিয়াম এণ্ড্ৰইড স্মাৰ্টফোনক কঠিন প্ৰতিযোগিতা প্ৰদান কৰে।এতিয়া খুব কম মূল্যত কিনিব পাৰিব আইফোন ।

আইফোনৰ মূল্যত ডাঙৰ হ্ৰাস

আমাজনে নিজৰ কোটি কোটি গ্ৰাহকক আইফোন ১৪ ছিৰিজৰ ডাঙৰ ডাঙৰ অফাৰ আগবঢ়াইছে।আমাজনত আইফোন ১৪ ২৫৬জিবিৰ মূল্য ৭৯,৯৯৯ টকা ।

অৱশ্যে ইয়াক অতি কম দামত কিনিব পাৰিব।ইয়াৰ ওপৰত আমাজনে গ্ৰাহকক ১৯% ৰেহাই দিছে।এই অফাৰৰ পিছত এতিয়া ইয়াৰ মূল্য মাত্ৰ ৬৪,৯০০ টকা হৈছে গৈ। ইয়াৰ ওপৰত আমাজনেও ১৯৪৭ টকাৰ কেছবেকো দিছে।

জানিব পৰা মতে ২০ হাজাৰ টকাতকৈ কম মূল্যত আইফোন ১৪ ২৫৬জিবি কিনাৰ সুযোগ আছে।অৱশ্যে আমাজনৰ এক্সচেঞ্জ অফাৰৰ সুবিধা ল’লেহে এই সুযোগ পাব।

যদি আপোনাৰ হাতত পুৰণি স্মাৰ্টফোন আছে তেন্তে ৬১,৬৫৫ টকা পৰ্যন্ত বিনিময় কৰিব পাৰিব।আপুনি মনত ৰাখিব লাগিব যে আপোনাৰ পুৰণি ফোনটোৰ অৱস্থাৰ ওপৰত ভিত্তি কৰি বিনিময় মূল্য দিয়া হ’ব।

অৱশ্যে এক্সচেঞ্জ অফাৰত যদি আপুনি ৪০-৪৫ হাজাৰ টকা ৰাহি কৰে তেন্তে ২০ হাজাৰতকৈও কম মূল্যত এই ফোনটো পাব।

লগতে পঢ়ক: কপালত চন্দনৰ তিলক,হাতত হনুমানজী; ১০০০ বছৰ পুৰণি মন্দিৰত অনুষ্কা-বিৰাটৰ পূজা

প্ৰযুক্তি খণ্ডত ভাৰত দ্ৰুতগতিত আগবাঢ়িছে।শেহতীয়াকৈ টেলিকম খণ্ডটো দ্ৰুতগতিত বৃদ্ধি পাইছে।এতিয়া সমগ্ৰ বিশ্বৰ বিভিন্ন টেক কোম্পানীয়ে ভাৰতীয় টেলিকম বজাৰত চকু ৰাখিছে।

প্ৰতিটো টেক জায়ান্টে ভাৰতত বিনিয়োগ কৰাৰ পৰিকল্পনা কৰিছে।দীৰ্ঘদিন ধৰি ইলন মাস্কৰ ষ্টাৰলিংক কোম্পানীয়ে ভাৰতত সেৱা আৰম্ভ কৰাৰ প্ৰস্তুতি চলাই আহিছে।অৱশ্যে এতিয়া আমাজনৰ মালিক জেফ বেজোছে ইলন মাস্কক প্ৰত্যাহ্বানৰ পৰিকল্পনা কৰিছে।

ষ্টাৰলিংকৰ পিছত এতিয়া আমাজনেও ভাৰতত চেটেলাইট ইন্টাৰনেট সেৱা আৰম্ভ কৰাৰ প্ৰস্তুতি চলাইছে।আমাজনে নিজৰ কুইপাৰ প্ৰকল্পৰ জৰিয়তে ভাৰতত চেটেলাইট ইন্টাৰনেট সেৱা আৰম্ভ কৰাৰ পৰিকল্পনা কৰিছে।আমাজনৰ এই পদক্ষেপে ইলন মাস্কৰ বাবে ডাঙৰ সমস্যাৰ সৃষ্টি কৰিব পাৰে।

ভাৰতত চেটেলাইট ইন্টাৰনেট সেৱা আৰম্ভ কৰিবলৈ আমাজনে দূৰসংযোগ বিভাগৰ কাষ চাপিছে বুলি খবৰ আহিছে।

ভাৰতত প্ৰজেক্ট কুইপাৰ আৰম্ভ কৰিবলৈ অনুমোদন ল’বলৈ কিমান সময় লাগিব সেই বিষয়ে জানিবলৈ কোম্পানীটোৱে যোগাযোগ কৰিছে।

কুইপাৰে ষ্টাৰলিংকৰ পূৰ্বে ভাৰতত চেটেলাইট ইণ্টাৰনেটৰ বাবে আবেদন কৰিছিল।কিন্তু, এতিয়াও অনুমোদন হোৱা নাই।

প্ৰজেক্ট কুইপাৰৰ জৰিয়তে আমাজনে ভাৰতৰ দুখন প্ৰধান চহৰ মুম্বাই আৰু চেন্নাইত ১০টা গ্ৰাউণ্ড ষ্টেচন আৰু দুটা বৃহৎ হাব নিৰ্মাণৰ পৰিকল্পনা কৰিছে।

আমাজনৰ এই উপগ্ৰহ ইণ্টাৰনেটৰ কেন্দ্ৰবিন্দু ভাৰতৰ সেই ঠাইবোৰত হ’ব য’ত আজিও ইণ্টাৰনেটৰ ব্যৱহাৰ নগণ্য বা অস্তিত্বহীন।

আমাজনৰ প্ৰজেক্ট কুইপাৰ ২০১৯ চনত আৰম্ভ হৈছিল।এই প্ৰকল্পৰ অধীনত কোম্পানীটোৱে পৃথিৱীৰ নিম্ন কক্ষপথত প্ৰায় ৩২৩৬টা উপগ্ৰহ স্থাপন কৰিব।

এই প্ৰকল্পৰ বাবে আমাজনে আমেৰিকাৰ ফেডাৰেল কমিউনিকেচন কমিছনৰ পৰা অনুমোদন লাভ কৰিছে।