• July 19, 2026
Facebook-f Instagram Youtube Linkedin-in

সাংবাদিক-আৰক্ষীৰ বাহনত আক্ৰমণৰ বিৰুদ্ধে লোৱা হ’ব ব্যৱস্থাঃ আইন শৃংখলা শাখাৰ মহাপৰিদৰ্শক

October 16, 2025 ·

নিকাছীত আইন শৃংখলা শাখাৰ মহাপৰিদৰ্শক

-বাক্সাৰ ঘটনাৰ সময়ৰ ভিডিঅ’ ফুটেজ কৰা হ’ব পৰীক্ষা

-পৰিস্থিতি অনিয়ন্ত্ৰিত কৰাসকলৰ বিৰুদ্ধে লোৱা হ’ব কঠোৰ ব্যৱস্থা

-সাংবাদিক, আৰক্ষীৰ বাহনত আক্ৰমণৰ বিৰুদ্ধে লোৱা হ’ব ব্যৱস্থা

-‘বাক্সাৰ নিকাছীৰ সম্প্ৰতি পৰিস্থিতি নিয়ন্ত্ৰণাধীন’

-‘বুধবাৰৰ ঘটনাৰ ভিডিঅ’ ফুটেজৰ ওপৰত ভিত্তি কৰি ব্যৱস্থা গ্ৰহণ কৰিব আৰক্ষীয়ে’

-আইন শৃংখলা শাখাৰ মহাপৰিদৰ্শক অখিলেশ কুমাৰ সিঙৰ মন্তব্য

-আনহাতে স্থানীয় লোকে দিছে ভয়ংকৰ ভাষ্য

-‘বাক্সাৰ প্ৰতিবাদস্থলীত আছিল বাহিৰৰ লোক’

-‘নিচেই কম সংখ্যকহে স্থানীয় লোক আছিল ঘটনাস্থলীত’

-‘শিলাবৰ্ষণৰ সময়ত নাছিলো কোনো স্থানীয় লোক’

-‘বাহিৰৰ পৰা অহা লোকেহে ক্ষতি কৰিলে ৰাজহুৱা সম্পত্তিৰ’

-‘স্থানীয় লোকে অভিযুক্তক চাবলৈহে আহিছিল’

-বাক্সাৰ নিকাছীৰ সম্প্ৰতি পৰিস্থিতি নিয়ন্ত্ৰণাধীন

লগতে পঢ়ক : বাক্সাত পুৱাই উপস্থিত আৰক্ষী সঞ্চালক প্ৰধান হৰমিত সিং; বাতিল আৰক্ষীৰ ছুটী

বাক্সাত পুৱাই উপস্থিত আৰক্ষী সঞ্চালক প্ৰধান হৰমিত সিং; বাতিল আৰক্ষীৰ ছুটী

October 16, 2025 ·

বাক্সাত পুৱাই উপস্থিত আৰক্ষী সঞ্চালক প্ৰধান

-বাক্সাত নিশাৰ পৰা গিজগিজাই আছে আৰক্ষী

-কাৰাগাৰৰ পৰা ৫০০মিটাৰ ব্যাসাৰ্ধলৈ সোমাবলৈ দিয়া নাই কোনো লোকক

-লাঠি, তৰোৱাল আদি ওলাই অহাক লৈ নিষেধাজ্ঞা

–বাক্সাত পুৱাই উপস্থিত হ’ল আৰক্ষী সঞ্চালক প্ৰধান হৰমিত সিং

-সকলো পৰিস্থিতি নিয়ন্ত্ৰণ কৰি ৰখাৰ নিৰ্দেশ আৰক্ষীক

-বাক্সাৰ দাঁতিকাষৰীয়া জিলাৰ আৰক্ষীৰ সৈতেও আলোচনাত বহিব হৰমিত সিং

-বৰ্তমানো কৰ্তন কৰি থোৱা হৈছে ইন্টাৰনেট সেৱা

-জিলাখনত জাৰি কৰা হৈছে ১৬৩ ধাৰা

-বুধবাৰে জিলাখনৰ নিকাছীত সৃষ্টি হৈছিল উত্তেজনাময় পৰিস্থিতিৰ

-অসত উদ্দেশ্যৰে কোনো যাতে ৰাজপথলৈ নাহে

-তাৰ ওপৰতো কাঢ়া নজৰ আৰক্ষীৰ

-অসমৰ সাম্প্ৰতিক পৰিস্থিতিৰ ওপৰত নজৰ ৰাখি আৰক্ষীয়ে লৈছে বিশেষ সিদ্ধান্ত

-বাতিল কৰা হৈছে সকলো আৰক্ষীৰ ছুটী

লগতে পঢ়ক : ‘কেৱল মোৰ স্বামীক হেৰুওৱা নাই…’ গৰিমা শইকীয়া গাৰ্গৰ বিশেষ ফেচবুক পোষ্ট

প্ৰসংগ জুবিন গাৰ্গৰ মৃত্যুৰ ঘটনা; ১৩ গৰাকী বিশিষ্ট ব্যক্তিৰে আলোচনাত বহিব অসম আৰক্ষী

October 13, 2025 ·

জুবিন গাৰ্গৰ মৃত্যুৰ ঘটনা

প্ৰাণৰ শিল্পী জুবিন গাৰ্গৰ মৃত্যুৱে আজি ২৫ টা দিন অতিক্ৰম কৰিলে । এতিয়াও এই মৃত্যুক মানি লব পৰা নাই ৰাজ্যবাসীয়ে । ৰাজ্যজুৰি আপোন শিল্পীগৰাকীৰ ৰহস্যজনক মৃত্যুৰ ঘটনাৰ উচিত তদন্ত আৰু ন্যায়ৰ দাবী উত্থাপন হৈছে । আজিও হিয়াৰ আমঠু শিল্পীগৰাকীৰ সমাধিস্থলীত অজস্ৰ অনুৰাগীৰ ভিৰ পৰিলক্ষিত হৈছে । সমাধিস্থলীত কান্দি কান্দি ‘মায়াবিনী গাই’ শিল্পীগৰাকীৰ ৰহস্যজনক মৃত্যুৰ ঘটনাৰ উচিত তদন্ত তথা ন্যায়ৰ দাবী কৰিছে অনুৰাগীয়ে ।

ইফালে চি আই ডি আৰু এছ আই টিয়ে এই ঘটনাৰ তদন্ত জোৰদাৰ গতিত অব্যাহত ৰাখিছে । এতিয়ালৈকে ৭গৰাকী লোকক গ্ৰেপ্তাৰ কৰাৰ লগতে আন বহু লোকক তদন্তৰ বাবে তলব কৰিছে এছ আই টিয়ে । ইয়াৰ মাজতে ১৪ অক্টোবৰ, মঙলবাৰে ৰাজ্যৰ কেইবাজনো বিশিষ্ট ব্যক্তিৰ সৈতে জুবিন গাৰ্গৰ মৃত্যুৰ প্ৰসংগত আলোচনাত মিলিত হ’ব অসম আৰক্ষী ।

জানিব পৰা মতে ১৩ গৰাকীৰো অধিক বিশিষ্ট ব্যক্তিৰে আলোচনাত মিলিত হ’ব অসম আৰক্ষীৰ শীৰ্ষ পৰ্যায়ৰ বিষয়া । প্ৰিয় শিল্পী জুবিন গাৰ্গৰ মৃত্যু ঘটনাৰ প্ৰসংগত এই আলোচনাত মিলিত হ’ব অসম আৰক্ষীৰ দলটো ।

এই আলোচনাত অংশ ল’ব অনুৰাধা শৰ্মা পূজাৰী, ফণীন্দ্ৰ কুমাৰ দেৱচৌধুৰী, মনোজ কুমাৰ গোস্বামী, আছুৰ মুখ্য উপদেষ্টা ড০ সমুজ্জবল কুমাৰ ভট্টাচাৰ্য, উতপল শৰ্মা, সমীৰণ ফুকন, শ্যামন্তক গৌতম, শিৱাণু বৰা, প্ৰাঞ্জল শইকীয়া, জাৰিৰ হুছেইন, অতনু ভূঞা, ৰাহুল গৌতম শৰ্মা, সঢ়্ীৱ ফুকন, ডাঃ হিতেশ বৰুৱা । জানিব পৰা মতে অসম আৰক্ষীৰ অতিথিশালাত অনুষ্ঠিত হ’ব এই বিশেষ আলোচনা ।

লগতে পঢ়ক : CID কাৰ্যালয়ত হাজিৰ ছিংগাপুৰৰ ৩ প্ৰৱাসী অসমীয়া…

গোৱালপাৰাত গৰজিল আৰক্ষীৰ বন্দুক; নিহত ৪ দুধৰ্ষ ডকাইত

September 28, 2025 ·

গোৱালপাৰাত গৰজিল আৰক্ষীৰ বন্দুক

গোৱালপাৰাত ডকাইতক লক্ষ্য কৰি গৰজিল আৰক্ষীৰ বন্দুক । গোৱালপাৰাত দীৰ্ঘদিন ধৰি সন্ত্ৰাস চলাই অহা চাৰি দুধৰ্ষ ডকাইত নিশা আৰক্ষীৰ গুলীত নিহত হয় । নিশাৰ ভাগত চলোৱা এক অভিযানত আৰক্ষীৰ এনকাউন্টাৰত নিহত হয় এই চাৰি দুধৰ্ষ ডকাইত । জিলাখনত দীৰ্ঘদিনৰ পৰা সন্ত্ৰাসৰ সৃষ্টি কৰি আছিল এই ডকাইতকেইটাই ।

গোপন খবৰৰ ভিত্তিত আৰক্ষীয়ে চলোৱা এই অভিযানত নিহত হয় অস্ত্ৰধাৰী ডকাইতকেইটা । অভিযানৰ সময়ত ধূপধৰা থানাৰ অন্তৰ্গত ঘিলাডুবিত নিশা আৰক্ষীৰে মুখামুখি হয় ডকাইতকেইটা । পলোৱাৰ কোনো পথ নথকাত আৰক্ষীলৈ লক্ষ্য কৰি গুলীচালনা কৰে ডকাইতৰ দলটোৱে । ফলত ডকাইতৰ দলটোক লক্ষ্য কৰি আৰক্ষীয়েও গুলীচালনা কৰিবলৈ বাধ্য হয় । পৰৱৰ্তী সময়ত গুলীচালনা বন্ধ হোৱাত আৰক্ষীয়ে গাড়ীৰ পৰা ডকাইতকেইটাক উদ্ধাৰ কৰে আৰু চিকিৎসালয়লৈ প্ৰেৰণ কৰে । কিন্তু চিকিৎসকে আটাইকেইটাকে মৃত ঘোষণা কৰে । নিহত ডকাইতকেইটা চুবুৰ উদ্দিন, মুকুন্দ ৰাভা, ছেমবাক মাৰাক আৰু জাহিদুল ইছলাম বুলি চিনাক্ত কৰা হৈছে ।

উল্লেখ্য যে, ডকাইতকেইটাই AS 02 AE 2633 নম্বৰৰ বাহনখনত অস্ত্ৰসহ ঘূৰি ফুৰিছিল । গোৱালপাৰাৰ জ্যোষ্ঠ আৰক্ষী অধীক্ষক নৱনীত মহন্তৰ নেতৃত্বত চলা এই অভিযানত নিহত হয় দীৰ্ঘদিনে সন্ত্ৰাস সৃষ্টি কৰি অহা এই ডকাইতকেইটাৰ ।

লগতে পঢ়ক : ৰাইজৰ ক্ষোভৰ সৈতে খেলা নকৰিব : শ্যামকানু-সিদ্ধাৰ্থক সকীয়নি মুখ্যমন্ত্ৰী হিমন্ত বিশ্ব শৰ্মাৰ

ডিমা হাছাওত অসম আৰক্ষী আৰু আছাম ৰাইফলছৰ যৌথ অভিযানত নিহত তিনি উগ্ৰপন্থী

April 29, 2025 ·

ডিমা হাছাওত শনিবাৰে সন্ধিয়াৰ পৰা চলি থকা ব্যাপক তালাচী অভিযানত অসম আৰক্ষী আৰু আছাম ৰাইফলছে এক সংঘৰ্ষত তিনি উগ্ৰপন্থীক হত্যা কৰে । দেওবাৰে পুৱা নিৰাপত্তাৰক্ষীৰ এটা দলে প্ৰায় ৬০ ঘণ্টীয়া তালাচী অভিযানৰ অন্তত এদল সশস্ত্ৰ উগ্ৰপন্থীক দেখা পায় । এই সংঘৰ্ষ এন কুবিন আৰু হেৰা কিলো অঞ্চলৰ মাজত সংঘটিত হৈছিল ।

গোপন তথ্যৰ ভিত্তিত অভিযান-

তথ্য প্ৰদান কৰি অসম আৰক্ষীৰ চি পি আৰ অ’ ৰাজীব শইকীয়াই কয় যে ভাৰতীয় ৰাষ্ট্ৰীয় ঘাইপথ প্ৰাধিকৰণক ধন দাবীৰ পত্ৰ দিয়া একাংশ সশস্ত্ৰ উগ্ৰপন্থীয়ে ডিমা হাচাও জিলাৰ কিছু অঞ্চলত আত্মগোপন কৰি থকাৰ তথ্যৰ ভিত্তিত এই অভিযান আৰম্ভ কৰা হৈছে ।

উগ্ৰপন্থী আৰু নিৰাপত্তাৰক্ষীৰ মাজত মুখামুখি সংঘৰ্ষ-

দেওবাৰে পুৱা উগ্ৰপন্থী আৰু নিৰাপত্তা বাহিনীৰ মাজত তীব্ৰ সংঘৰ্ষৰ সৃষ্টি হয় । দুয়োপক্ষৰ মাজত তীব্ৰ গুলীচালনা হয় । সংঘৰ্ষ শেষ হোৱাৰ পিছতে অঞ্চলটোত তালাচী চলাই তিনিজন উগ্ৰপন্থীৰ মৃতদেহ উদ্ধাৰ কৰে নিৰাপত্তা বাহিনীয়ে । মৃত সন্ত্ৰাসবাদীৰ পৰা দুটা এ কে ছিৰিজ ৰাইফল আৰু এটা পিষ্টল উদ্ধাৰ কৰা হয় ।

অঞ্চলটোত অব্যাহত থাকিব নিৰাপত্তাৰক্ষীৰ অভিযান-

এই এনকাউণ্টাৰত নিহত উগ্ৰপন্থী NSCNৰ কোনো এটা দলৰ সৈতে জড়িত হ’ব পাৰে বুলি সন্দেহ প্ৰকাশ কৰা হৈছে । অঞ্চলটোত নিৰাপত্তাৰক্ষীৰ তালাচী অভিযান এতিয়াও অব্যাহত আছে । সমগ্ৰ অঞ্চলটোত শান্তি আৰু নিৰাপত্তা নিশ্চিত নোহোৱালৈকে এই অভিযান অব্যাহত থাকিব বুলি বিষয়াসকলে জনাইছে ।

লাচিত বৰফুকন আৰক্ষী একাডেমী উদ্বোধন গৃহমন্ত্ৰী অমিত শ্বাহৰ…

March 15, 2025 ·

উত্তৰ পূৰ্বাঞ্চল ভ্ৰমণলৈ অহা কেন্দ্ৰীয় গৃহমন্ত্ৰী অমিত শ্বাহে শনিবাৰে (১৫ মাৰ্চ, ২০২৫) অসমৰ গোলাঘাট জিলাৰ দেৰগাঁৱত আৰক্ষী একাডেমীৰ প্ৰথম পৰ্যায়ৰ শুভাৰম্ভ কৰে । ইয়াৰ মাজতে তেওঁ এই একাডেমীৰ পৰৱৰ্তী পৰ্যায়ৰ আধাৰশিলাও স্থাপন কৰে । এই সময়ত অমিত শ্বাহে কয় যে, প্ৰধানমন্ত্ৰী মোদীৰ নেতৃত্বত আজি অসমত দ্ৰুত উন্নয়নৰ কাম চলি আছে । যিখন অসমত এসময়ত সন্ত্ৰাসবাদৰ কথা কোৱা হৈছিল, সেইখন অসমেই আজি বিকাশৰ বাবে পৰিচিত । কংগ্ৰেছ দলে ইমান বছৰে অসমক হিংসাৰ জুইত ৰাখিছিল যদিও আজি মোদীজীৰ শাসনত অসমৰ বিকাশ দ্ৰুতগতিত হৈছে বুলি কয় তেওঁ ।

তেওঁ কয়, মোদী চৰকাৰৰ দিনত অসমত বহু শান্তি চুক্তি স্বাক্ষৰিত হৈছে যাৰ ফলত হাজাৰ হাজাৰ যুৱকে অস্ত্ৰ ত্যাগ কৰি মূলসুঁতিলৈ ঘূৰি আহিছে । এসময়ত অসমত আন্দোলন, গুলীচালনা আৰু সন্ত্ৰাসবাদৰ কথা আছিল, আজি ইয়াত আটাইতকৈ আধুনিক অৰ্ধপৰিবাহী উদ্যোগ স্থাপন হ’বলৈ গৈ আছে ।

৩৪০ একৰ মাটিত বিস্তৃত লাচিত বৰফুকন পুলিচ একাডেমী-

৩৪০ একৰ মাটিত বিস্তৃত লাচিত বৰফুকন পুলিচ একাডেমীৰ আনুমানিক ১,০২৪ কোটি টকা ব্যয় সাপেক্ষে দুটা পৰ্যায়ত সংস্কাৰ কৰা হৈছে । প্ৰথম পৰ্যায়ত ১৬৭.৪ কোটি ব্যয়ৰ নৱীকৰণৰ কামে এটা পাঁচ মহলীয়া ভৱনকো পুনৰুজ্জীৱিত কৰিছে । এই পাঁচ মহলীয়া ভৱনটোত স্মাৰ্ট ক্লাছ, অস্ত্ৰ উদ্দীপক, গৱেষণাগাৰ, প্ৰশাসনিক কাৰ্যালয়, সংগ্ৰহালয় আৰু আধুনিক পেৰেড গ্ৰাউণ্ডো আছে ।

‘মহান যোদ্ধা আছিল লাচিত বৰফুকন’

অনুষ্ঠানত ভাষণ দি অমিত শ্বাহে কয়, ‘লাচিত বৰফুকন আছিল এজন মহান যোদ্ধা যিয়ে মোগলক পৰাস্ত কৰি দিল্লীলৈ ঘূৰাই পঠাইছিল । আজি দেৰগাঁৱত তেওঁৰ নামত সকলো আধুনিক প্ৰযুক্তিৰে অসম আৰক্ষী একাডেমী উদ্বোধন কৰা হয় । তেওঁ আৰু কয়, ‘মই ৭ বছৰ বয়সত প্ৰথমে মোৰ স্কুলত লাচিত বৰফুকনৰ বিষয়ে জানিছিলোঁ যদিও স্নাতক হোৱালৈকে আমি মহান সেনাপতি লাচিত বৰফুকনৰ বিষয়ে ক’তো পঢ়া নাছিলোঁ । তেওঁক অসমতে আৱদ্ধ কৰি ৰখা হৈছিল যদিও এতিয়া তেওঁৰ জীৱনী ২৩টা ভাষাত প্ৰকাশ পাইছে আৰু দেশত পঢ়োৱা হৈছে এতিয়া মানুহে মহান সেনাপতিজনৰ বিষয়ে জানিছে ।

শোকাৱহ; ভাড়াঘৰত আত্মহত্যা কনিষ্টবল পৃথিৱী পাণ্ডৱৰ

January 11, 2025 ·

ৰাজ্যিক হেণ্ডবল খেলুৱৈ তথা সোণাৰী থানাত কৰ্মৰত অসম আৰক্ষীৰ কনিষ্টবলে চৰম সিদ্ধান্ত লোৱা কাৰ্যত স্তম্ভিত ডিমৌবাসী ৰাইজ।

সোণাৰী থানাত কনিষ্টবল হিচাপে কৰ্মৰত ডিমৌ আঠাবাৰীস্থিত পৃথিৱী পাণ্ডৱৰ অকাল মৃত্যুত ডিমৌৰ স্ব-গৃহত শোকাকূল পৰিৱেশ।

উল্লেখ্য যে, শুক্ৰবাৰে পুৱতি নিশা প্ৰায় ৪ বজাত সোণাৰীৰ এটা ভাড়াঘৰত আত্মহত্যা কৰে ডিমৌৰ কনিষ্টবল পৃথিৱী পাণ্ডৱে।

২০১৬ চনত অসম আৰক্ষীত যোগ দি বৰ্তমান সোণাৰী থানাত কনিষ্টবল ৰূপে কৰ্মৰত হৈ আছিল পৃথিৱী পাণ্ডৱ।পৃথিৱী পাণ্ডৱৰ বয়স ২৬ বছৰ।

ঘটনাৰ পিছতে পৃথিৱী পাণ্ডৱৰ ডিমৌ আঠাবাৰীস্থিত বাসগৃহত এতিয়া শোকাকূল পৰিবেশ বিৰাজ কৰিছে।কি পৰিস্থিতিত আৰক্ষীত কৰ্মৰত পৃথিৱীয়ে এই চৰম সিদ্ধান্ত ললে সেয়া এতিয়াও ৰহস্যৰ আৱৰ্তত।পুত্ৰৰ অকাল বিয়োগত ডিমৌ আঠাবাৰীৰ পিতৃ গৃহত কান্দোনৰ ৰোল।

পাৰ্থ সাৰথি মহন্ত গুৱাহাটীৰ নতুন আৰক্ষী আয়ুক্ত…

December 30, 2024 ·

-অসম আৰক্ষীৰ মহাপৰিদৰ্শক পৰ্যায়ত ব্যাপক সাল-সলনি

-পাৰ্থ সাৰথি মহন্তক গুৱাহাটী মহানগৰৰ নতুন আৰক্ষী আয়ুক্ত নিযুক্ত

-পূৰ্বৰ আৰক্ষী আয়ুক্ত দিগন্ত বৰাক SBৰ IGP হিচাপে বদলি

-লাচিত বৰফুকন পুলিচ একাডেমীৰো অতিৰিক্ত দায়িত্বত থাকিব দিগন্ত বৰা

-লাচিত বৰুৱাক অসম আৰক্ষী গৃহ নিগম লিমিটেডৰ MD হিচাপে বদলি

-প্ৰশান্ত কুমাৰ ভূঞাক আৰক্ষী প্ৰশাসনৰ IGP হিচাপে বদলি

-বিবেকৰাজ সিঙক T&APৰ IGP হিচাপে বদলি

-BTADৰ IGPৰ অতিৰিক্ত দায়িত্বতো থাকিব বিবেকৰাজ সিং

-অখিলেশ কুমাৰ সিঙক অসম আৰক্ষীৰ LAW AND ORDERৰ IGP হিচাপে বদলি