অগ্নিকাণ্ডৰ পৰা ৰক্ষা পাবলৈ জঁপিয়ালে সপ্তম মহলাৰ পৰা

দ্বাৰকাত সংঘটিত হৈছে এক কৰুণ ঘটনা । অট্টালিকাৰ সপ্তম মহলাত থকা এটা ফ্লেটত সংঘটিত হোৱা অগ্নিকাণ্ডৰ পৰা ৰক্ষা পাবলৈ জঁপিওৱাত দুই সন্তানসহ মৃত্যু হয় পিতৃৰ । দ্বাৰকা ছেক্টৰ ১৩ৰ ছাবাদ ছ’চাইটি এম আৰ ভি স্কুলৰ সমীপৰ এটা অট্টালিকাত এই ঘটনা সংঘটিত হয় ।

লাভ কৰা তথ্য অনুসৰি জুইৰ পৰা নিজকে বচাবলৈ বেলকনিৰ পৰা জপিওৱাত এই তিনিজন লোকৰ মৃত্যু হয় । ইয়াৰে দুটি দহ বছৰীয়া শিশুক (এজন ল’ৰা আৰু এগৰাকী ছোৱালী) চিকিৎসালয়ত মৃত ঘোষণা কৰা হয় । পৰৱৰ্তী সময়ত তেওঁলোকৰ পিতৃ যশ যাদৱকো (৩৫) আই জি আই হাস্পতালত মৃত ঘোষণা কৰে । তেওঁ ফ্লেক্স বৰ্ডৰ ব্যৱসায়ত জড়িত আছিল ।

যশ যাদৱৰ পত্নী আৰু জ্যেষ্ঠ পুত্ৰ জুইৰ এই ঘটনাৰ পৰা ৰক্ষা পৰে । বৰ্তমান তেওঁলোক নিৰাপদে আছে । তেওঁলোকক ততাতৈয়াকৈ চিকিৎসাৰ বাবে আই জি আই হাস্পতাললৈ প্ৰেৰণ কৰা হয় । অট্টালিকাটোৰ সকলো বাসিন্দাক খালী কৰি বিদ্যুৎ আৰু পি এন জি সংযোগৰ দৰে সকলো সুবিধা বন্ধ কৰি দিয়া হৈছে । গাঁথনিগত স্থিৰতা মূল্যায়ন কৰিবলৈ ডি ডি এ আৰু এম চি ডিক অৱগত কৰা হৈছে । পৰিয়ালটোক সহায় কৰিবলৈ আকাশ আৰু আই জি আই দুয়োখন চিকিৎসালয়তে দল নিয়োগ কৰা হৈছে ।

লগতে পঢ়ক : আকৌ আহিব নেকি ছুনামি, ভূমিকম্প ! এইবাৰ তামিলনাডুৰ সমুদ্ৰ তীৰত পোৱা গ’ল ‘প্ৰলয় মাছ’

বৃহস্পতিবাৰে তামিলনাডুৰ ডিণ্ডিগুল জিলাৰ এখন ব্যক্তিগত চিকিৎসালয়ত এক ভয়ংকৰ অগ্নিকাণ্ড সংঘটিত হয়। অগ্নিকাণ্ডটোৰ ফলত এটি শিশুসহ৬ জন লোক নিহত হয়।

জানিব পৰা মতে শ্বৰ্ট চাৰ্কিটৰ ফলত এই ভয়ংকৰ অগ্নিকাণ্ডটো সংঘটিত হয়। ঘটনাটোৰ পিছত অগ্নি নিৰ্বাপক বাহিনীৰ দল উপস্থিত হৈ চিকিৎসালয়ৰ পৰা প্ৰায় ৩০ জন ৰোগীক উলিয়াই আনি জীৱন ৰক্ষা কৰে।

কিন্তু পিছত হে চিকিৎসালয়খনৰ লিফ্টত ৭ জন লোক আৱদ্ধ হৈ থকা বুলি জানিব পাৰে। ততাতৈয়াকৈ লোকসকলৰ উদ্ধাৰ কৰি ওচৰৰ আন এখন চিকিৎসালয়ত ভৰ্তি কৰোৱা হয় যদিও চিকিৎসকে তেওঁলোকক মৃত ঘোষণা কৰে। অগ্নিকাণ্ডটোৰ ভিডিঅ’ ইতিমধ্যে সামাজিক মাধ্যমত ভাইৰেল হৈ পৰিছে।