হঠাৎ নোহোৱা হ’ল শ্যামকানু মহন্তৰ ফেচবুক পেজ
হঠাৎ নোহোৱা হ’ল শ্যামকানু মহন্তৰ ফেচবুক পেজ । সামাজিক মাধ্যমত সক্ৰিয় হৈ থকা শ্যামকানুৰ ফেচবুক একাউন্ট আজি হঠাতে নোহোৱা হয় । সোমবাৰৰ দিনটোতো এই একাউন্টযোগে এক বিশেষ পোষ্ট কৰিছিল শ্যামকানুৱে । ‘শ্ৰদ্ধাৰ ৰাইজ ‘ বুলি সম্বোধ কৰি শীঘ্ৰেই আহি আছে বুলি ফেচবুকত লিখিছিল শ্যামকানুৱে ।
অসমীযাৰ প্ৰাণৰ শিল্পী জুবিন গাৰ্গৰ ৰহস্যজনক মৃত্যুৰ পিছৰে পৰা ঘটনাৰে নাম সাঙোৰ খোৱা শ্যামকানু মহন্তই আত্মগোপন কৰি আছে । সোমবাৰে দিয়া পোষ্টৰ পূৰ্বে ফেচবুক লাইভ আহি শ্যামকানুৱে গাইছিল নিজৰ চাফাই । ইফালে এছ আই টিয়ে শ্যামকানুৰ গীতানগৰস্থিত বাসগৃহত চলাইছে অভিযান । মুখ্যমন্ত্ৰীয়েও ৬ অক্টোবৰৰ ভিতৰত চি আই ডিৰ আগত হাজিৰ হোৱাৰ বাবে দিছিল হুংকাৰ । মুখ্যমন্ত্ৰীৰ হুংকাৰৰ পিছতে সোমবাৰে নিশা সোনকালেই আহি আছে বুলি পোষ্ট দিয়া শ্যামকানুৰ ফেচবুক একাউন্ট আজি হঠাতে নোহোৱা হৈ পৰে ।
উল্লেখ্য যে, প্ৰাণৰ শিল্পী জুবিন গাৰ্গৰ মৃত্যুৰ সৈতে নাম সাঙোৰ খোৱা শ্যামকানু মহন্তৰ বিৰুদ্ধে ৰাজ্যজুৰি সৃষ্টি হৈছে প্ৰচণ্ড ক্ষোভ । ছিংগাপুৰত অনুষ্ঠিত নৰ্থ-ইষ্ট ফেষ্টিভেল নামৰ এক অনুষ্ঠানলৈ এই শ্যামকানু মহন্তই লৈ গৈছিল জুবিন গাৰ্গক । এই অনুষ্ঠানত গৈ ৰহস্যজনক মৃত্যুক সাৱটি লয় আদৰৰ শিল্পী জুবিন গাৰ্গে । ইয়াৰ পিছতে শ্যামকানুৰ বিৰুদ্ধে সৃষ্টি হৈছে ক্ষোভৰ ।
লগতে পঢ়ক : আত্মসমৰ্পণৰ বাবে সাজু শ্যামকানু মহন্ত; সামাজিক মাধ্যমত দিলে পোষ্ট
