ভাৰতীয় ৰিজাৰ্ভ বেংকে গ্ৰেড বি বিষয়া নিযুক্তিৰ আনুষ্ঠানিক অধিসূচনা প্ৰকাশ কৰিছে
বেংকিং খণ্ডত চৰকাৰী চাকৰিৰ বাবে সাজু হোৱা যুৱক-যুৱতীসকলৰ বাবে আহিছে এক সোণালী সুযোগ । ভাৰতীয় ৰিজাৰ্ভ বেংকে গ্ৰেড বি বিষয়া নিযুক্তিৰ আনুষ্ঠানিক অধিসূচনা প্ৰকাশ কৰিছে । এই নিযুক্তি অভিযানৰ অধীনত মুঠ ৬০টা পদত যোগ্য প্ৰাৰ্থী নিযুক্তি দিয়া হ’ব । ইতিমধ্যে অনলাইন আবেদন প্ৰক্ৰিয়া আৰম্ভ হৈছে আৰু প্ৰাৰ্থীসকলে নিৰ্দিষ্ট সময়সীমা ২০ মে’লৈকে আবেদন দাখিল কৰিব পাৰিব ।
আৰ বি আই তথা ভাৰতীয় ৰিজাৰ্ভ বেংক গ্ৰেড বি নিযুক্তি ২০২৬ৰ অধীনত বিভিন্ন বিভাগত খালী পদ ঘোষণা কৰা হৈছে । ইয়াৰ ভিতৰত আছে গ্ৰেড বি জেনেৰেল, ডি ই পি আৰ, আৰু ডি এছ আই এম কেডাৰ । মুঠ ৬০টা খালী পদৰ ভিতৰত সৰ্বাধিক পদ জেনেৰেল কেডাৰক আবণ্টন দিয়া হৈছে ।
বয়সৰ সীমা-
এই নিযুক্তিৰ বাবে প্ৰাৰ্থীৰ নূন্যতম বয়স ২১ বছৰ আৰু সৰ্বোচ্চ বয়স ৩০ বছৰ নিৰ্ধাৰণ কৰা হৈছে । সংৰক্ষিত শ্ৰেণীৰ প্ৰাৰ্থীক চৰকাৰী নিয়ম অনুসৰি বয়সৰ শিথিলতা প্ৰদান কৰা হ’ব । অ’বিচি বিভাগৰ প্ৰাৰ্থীসকলে ৩ বছৰৰ শিথিলতা লাভ কৰিব, অনুসূচিত জাতি/জনজাতিৰ শ্ৰেণীৰ প্ৰাৰ্থীসকলে ৫ বছৰৰ শিথিলতা লাভ কৰিব, আৰু বিশেষভাৱে সক্ষম প্ৰাৰ্থীসকলে অতিৰিক্ত শিথিলতা লাভ কৰিব ।
প্ৰয়োজনীয় অৰ্হতা-
গ্ৰেড বি (জেনেৰেল) পদৰ বাবে স্বীকৃতিপ্ৰাপ্ত বিশ্ববিদ্যালয়ৰ পৰা স্নাতক ডিগ্ৰীধাৰী হোৱাটো বাধ্যতামূলক । কিছুমান বিশেষ পদৰ বাবে নূন্যতম শতাংশ নম্বৰৰো প্ৰয়োজন হ’ব পাৰে । ডি ই পি আৰ পদৰ বাবে অৰ্থনীতি বা বিত্তত স্নাতকোত্তৰ ডিগ্ৰী লোৱাটো বাধ্যতামূলক; ডি এছ আই এম পদৰ বাবে পৰিসংখ্যা, গণিত, তথ্য বিজ্ঞান, বা আনুষংগিক শাখাত ডিগ্ৰী বা স্নাতকোত্তৰ ডিগ্ৰী প্ৰয়োজন ।
নিৰ্বাচন প্ৰক্ৰিয়া-
আৰ বি আই গ্ৰেড বি নিযুক্তিৰ বাছনি প্ৰক্ৰিয়া একাধিক পৰ্যায়ত সম্পন্ন কৰা হ’ব । প্ৰথমে প্ৰাৰম্ভিক পৰীক্ষা অনুষ্ঠিত হ’ব আৰু সফল প্ৰাৰ্থীসকল মূল পৰীক্ষাত অৱতীৰ্ণ হ’ব লাগিব । মূল পৰীক্ষাত উত্তীৰ্ণ হোৱা প্ৰাৰ্থীক সাক্ষাৎকাৰৰ বাবে মতা হ’ব । মূল পৰীক্ষা আৰু সাক্ষাৎকাৰত পোৱা নম্বৰৰ ভিত্তিত চূড়ান্ত মেধা তালিকা প্ৰস্তুত কৰা হ’ব ।
আবেদন মাচুল-
সাধাৰণ, অ’বিচি আৰু ইডব্লিউএছ শিতানৰ প্ৰাৰ্থীসকলে ৮৫০ টকাৰ আবেদন মাচুল আৰু জিএছটি দিব লাগিব । অনুসূচিত জাতি, অনুসূচিত জাতি আৰু বিশেষভাৱে সক্ষম ব্যক্তি (পিডব্লিউডি) শিতানৰ অন্তৰ্গত প্ৰাৰ্থীৰ বাবে মাচুল ১০০ প্লাছ জিএছটি নিৰ্ধাৰণ কৰা হৈছে ।
দৰমহাৰ সবিশেষ-
আৰ বি আই গ্ৰেড বি বিষয়া পদৰ বাবে নিৰ্বাচিত প্ৰাৰ্থীৰ বাবে প্ৰাৰম্ভিক মৌলিক দৰমহা প্ৰতিমাহে প্ৰায় ৭৮,৪৫০ টকা নিৰ্ধাৰণ কৰা হৈছে; ইয়াৰ উপৰিও ভাট্টা আৰু অন্যান্য সুবিধা প্ৰদান কৰা হ’ব ।
কেনেকৈ আবেদন কৰিব ?
-প্ৰথমে অফিচিয়েল ৱেবছাইট চাওক: www.rbi.org.in
-ইয়াৰ পিছত হোমপেজত প্ৰদৰ্শিত ‘RBI Grade B Recruitment 2026’ লিংকটোত ক্লিক কৰক
-এতিয়া, ‘নিউ ৰেজিষ্ট্ৰেশ্যন’ বিকল্পটো নিৰ্বাচন কৰক আৰু আপোনাৰ নাম, মোবাইল নম্বৰ, আৰু ইমেইল আইডি লিখি পঞ্জীয়ন কৰক
-পঞ্জীয়ন সম্পূৰ্ণ কৰাৰ পিছত, আপোনাৰ প্ৰৱেশ আইডি আৰু পাছৱৰ্ড ব্যৱহাৰ কৰি পৰ্টেলত লগ ইন কৰক
-ইয়াৰ পিছত আবেদন পত্ৰত সবিশেষ সঠিকভাৱে পূৰণ কৰি প্ৰয়োজনীয় নথি-পত্ৰ আপলোড কৰক
-ইয়াৰ পিছত আবেদন মাচুল দিব লাগিব
-ফৰ্মখন এবাৰ ভালদৰে পৰীক্ষা কৰক, তাৰ পিছত ‘চাবমিট’ বুটামত ক্লিক কৰক
-শেষত আপোনাৰ ৰেকৰ্ডৰ বাবে আবেদন পত্ৰৰ প্ৰিন্টআউট ৰাখক
লগতে পঢ়ক : সলনি হ’ব হাইস্কুল শিক্ষান্ত পৰীক্ষাৰ ফলাফলৰ নিয়ম, কম্পাৰ্টমেণ্টেল পৰীক্ষাৰো বিলুপ্তি
