ৰাফেল যুদ্ধ বিমান উৰুৱাব ৰাষ্ট্ৰপতি মূৰ্মূৱে
বুধবাৰে হাৰিয়ানাৰ আম্বালা বায়ুসেনা ঘাটিৰ পৰা ৰাফেল যুদ্ধ বিমান উৰুৱাব ৰাষ্ট্ৰপতি দ্ৰৌপদী মুৰ্মুৱে । যোৱা ২২ এপ্ৰিলত পহলগামত সংঘটিত সন্ত্ৰাসবাদী আক্ৰমণৰ প্ৰত্যুত্তৰত ভাৰতৰ অপাৰেচন সিন্দুৰত ৰাফেল ব্যৱহাৰ কৰা হৈছিল । প্ৰাক্তন ৰাষ্ট্ৰপতি এ পি জে আব্দুল কালাম আৰু প্ৰতিভা পাটিলে ক্ৰমে- ২০০৬ চনৰ ৮ জুনত পুনেৰ সমীপৰ লোহেগাঁও বায়ুসেনা ঘাটিত ক্ৰমে ছুখয়-৩০ এম কে আই যুদ্ধ বিমান উৰুৱাইছিল আৰু ২০০৯ চনৰ ২৫ নৱেম্বৰত ।
২০২৩ চনৰ ৮ এপ্ৰিলত ভাৰতীয় সশস্ত্ৰ বাহিনীৰ সৰ্বোচ্চ সেনাধ্যক্ষ মূৰ্মূ অসমৰ তেজপুৰ বায়ুসেনা ষ্টেচনত ছুখয়-৩০ এম কে আই যুদ্ধ বিমান উৰুওৱা তৃতীয়গৰাকী ৰাষ্ট্ৰপতি আৰু দ্বিতীয়গৰাকী মহিলা ৰাষ্ট্ৰপতি হিচাপে পৰিগণিত হয় । ৰাষ্ট্ৰপতি ভৱনে মঙলবাৰে কয় যে ৰাষ্ট্ৰপতি মুৰ্মুৱে আম্বালা ভ্ৰমণ কৰিব, য’ত তেওঁ ৰাফেলত উৰা মাৰিব ।
ফ্ৰান্সৰ এৰোস্পেচ প্ৰমুখ ডাছ’ল্ট এভিয়েশনে নিৰ্মাণ কৰা ৰাফেল বিমান ২০২০ চনৰ ছেপ্টেম্বৰ মাহত বায়ুসেনা ষ্টেচন আম্বালাত ভাৰতীয় বায়ুসেনাত আনুষ্ঠানিকভাৱে অন্তৰ্ভুক্ত কৰা হৈছিল । ২০২০ চনৰ ২৭ জুলাইত ফ্ৰান্সৰ পৰা অহা প্ৰথম পাঁচখন ৰাফেল বিমানক ১৭ স্কোয়াড্ৰন, গোল্ডেন এৰ’ছত অন্তৰ্ভুক্ত কৰা হৈছিল ।
লগতে পঢ়ক : প্ৰতিটো মুহূৰ্ততে যুদ্ধৰ বাবে সাজু থাকিব লাগিব দেশঃ ৰাজনাথ সিঙৰ মন্তব্য
