অনাস্থা প্ৰস্তাৱৰ সিদ্ধান্ত নোহোৱালৈকে লোকসভালৈ নাযায় ওম বিৰলা। বিৰোধীৰ জাননীৰ পিছতেই লোকসভাৰ অধ্যক্ষ গৰাকীৰ ডাঙৰ সিদ্ধান্ত।
লোকসভাৰ অধ্যক্ষ ওম বিৰলাই বিৰোধীয়ে তেওঁৰ বিৰুদ্ধে উত্থাপন কৰা অনাস্থা প্রস্তাৱৰ সন্দর্ভত কোনো সিদ্ধান্ত নোলোৱালৈকে সদনলৈ নোযোৱাৰ সিদ্ধান্ত লৈছে৷
জানিব পৰা মতে, যেতিয়ালৈকে তেওঁক অপসাৰণৰ প্ৰস্তাৱ সদনত আলোচনা আৰু সেই সন্দৰ্ভত কোনো সিদ্ধান্ত লোৱা নহয়,তেতিয়ালৈকে তেওঁ লোকসভাৰ কার্যসূচীত অংশগ্রহণ নকৰে৷ অৱশ্যে সংসদীয় নিয়মত তেনে বাধ্যবাধকতা নাই,ইয়াৰ পিছতো ওম বিৰলাই নিজে সদনলৈ নোযোৱাৰ সিদ্ধান্ত লৈছে।
তেওঁক বুজাবলৈ চেষ্টা কৰিছিল,কিন্তু তেওঁ নিজৰ সিদ্ধান্ত স্পষ্ট কৰি দিছে যে তেওঁ সদনত উপস্থিত নাথাকিব।
উল্লেখ্য যে,বাজেট অধিৱেশনৰ দ্বিতীয় খণ্ডৰ প্ৰথম দিন ৯ মাৰ্চত বিৰোধীয়ে লোকসভাৰ অধ্যক্ষক পদৰ পৰা অপসাৰণৰ প্ৰস্তাৱৰ ওপৰত আলোচনা হোৱাৰ সম্ভাৱনা আছে।
এই প্ৰক্ৰিয়াৰ অধীনত সদনত কমেও ৫০ জন সাংসদ থিয় হৈ সমৰ্থন প্ৰকাশ কৰিব লাগিব।ইয়াৰ পিছতহে প্ৰিজাইডিং অফিচাৰে প্ৰস্তাৱটোৰ ওপৰত আনুষ্ঠানিক আলোচনাৰ অনুমতি দিব পাৰিব।
যদি প্ৰয়োজনীয় সমৰ্থন লাভ কৰে তেন্তে সেইদিনাই লোকসভাত ওম বিৰলাৰ বিৰুদ্ধে অনাস্থা প্ৰস্তাৱৰ ওপৰত আলোচনা হ’ব পাৰে।
লগতে পঢ়ক: ‘তদন্ত কৰি বিহিত ব্যৱস্থা গ্ৰহণ কৰক’; অনাস্থা প্ৰস্তাৱৰ জাননীত ওম বিৰলাৰ প্ৰতিক্ৰিয়া
