দিল্লীৰ ৰাজপথতে মমতা বেনাৰ্জীয়ে কেন্দ্ৰ চৰকাৰক কৰিলে তীক্ষ্ণ সমালোচনা। মমতা বেনাৰ্জীয়ে কয় যে, দিল্লীত তেওঁলোকক ‘ব্লেক কাৰ্পেট’ৰ দৰে ব্যৱহাৰ কৰে।
পশ্চিমবংগৰ মুখ্যমন্ত্ৰী মমতা বেনাৰ্জীয়ে দিল্লীত উপস্তিত হৈ কেন্দ্ৰীয় চৰকাৰ আৰু দিল্লী আৰক্ষীৰ ওপৰত তীব্ৰ আক্ৰমণ চলাইছে।
মমতা বেনাৰ্জীয়ে কয় যে, তেওঁ চাণক্যপুৰী স্থিত বংগ ভৱনলৈ যাব,য’ত বংগৰ পৰা অহা মানুহক লগ কৰিব আৰু দিল্লী আৰক্ষীয়ে তেওঁলোকৰ ওপৰত কৰা অত্যাচাৰৰ খবৰ ল’ব।
মমতা বেনাৰ্জীয়ে অভিযোগ কৰে যে ইচ্ছাকৃতভাৱে বংগক বদনাম কৰা হৈছে আৰু কেন্দ্ৰীয় সংস্থাসমূহে বিজেপিৰ নিৰ্দেশমৰ্মে কাম কৰি আছে।
মমতা বেনাৰ্জীয়ে কয় যে কেন্দ্ৰীয় গৃহমন্ত্ৰীগৰাকীয়ে যেতিয়া পশ্চিমবংগ ভ্ৰমণ কৰে তেতিয়া ৰাজ্য চৰকাৰে তেওঁক ৰেড কাৰ্পেটেৰে আদৰণি জনায়,কিন্তু যেতিয়া বংগবাসী বা তেওঁলোকৰ প্ৰতিনিধি দিল্লীলৈ আহে তেতিয়া তেওঁলোকক ‘ব্লেক কাৰ্পেট’ৰ দৰে ব্যৱহাৰ কৰা হয়।তেওঁ ইয়াক অপমানজনক আৰু পক্ষপাতিত্বমূলক বুলি অভিহিত কৰে।
মুখ্যমন্ত্ৰীয়ে দিল্লী আৰক্ষীয়ে বংগৰ জনসাধাৰণৰ ওপৰত অত্যাচাৰ চলাইছে বুলিও অভিযোগ উত্থাপন কৰে ।তেওঁ কয় যে আৰক্ষীয়ে ধৈৰ্য ধৰিব লাগে আৰু বংগৰ পৰা অহা লোকক হাৰাশাস্তি কৰা বন্ধ কৰিব লাগে।মমতা বেনাৰ্জীয়ে দাবী কৰে যে বহু ক্ষেত্ৰত নিৰীহ লোকক লক্ষ্য কৰি লোৱা হৈছে।
মমতা বেনাৰ্জীয়ে কয় যে দিল্লী আৰক্ষী আৰু দেশৰ অন্যান্য তদন্তকাৰী সংস্থাসমূহে নিৰপেক্ষভাৱে কাম কৰা নাই।বৰঞ্চ ইয়াক বিজেপিৰ ৰাজনৈতিক অস্ত্ৰ হিচাপে ব্যৱহাৰ কৰা হৈছে।গণতন্ত্ৰৰ বাবে এয়া এক বিপদজনক পৰিস্থিতি বুলিও তেওঁ কয়।
মুখ্যমন্ত্ৰীয়ে স্পষ্টকৈ কয় যে যদি দেশৰ কোনোৱে অন্যায়ৰ বিৰুদ্ধে থিয় নহয়,তেতিয়াও তেওঁ নিজে যুঁজিব আৰু তেওঁৰ দল তৃণমূল কংগ্ৰেছেও পূৰ্ণ শক্তিৰে যুঁজি যাব।মুখ্যমন্ত্ৰী গৰাকীয়ে কয় যে বংগবাসীৰ সন্মান আৰু অধিকাৰৰ ক্ষেত্ৰত তেওঁ কেতিয়াও কোনো আপোচ হ’বলৈ নিদিয়ে।
মমতা বেনাৰ্জীয়ে কয় যে বংগ ভৱনত তেওঁ এখন সংবাদমেল অনুষ্ঠিত কৰিব য’ত সমগ্ৰ বিষয়টোৰ বিষয়ে তথ্য শ্বেয়াৰ কৰা হ’ব।তেওঁ কয় যে দিল্লীৰ জনসাধাৰণে নাজানে যে পশ্চিম বংগ আৰু বংগৰ জনসাধাৰণৰ লগত কি হৈ আছে।
লগতে পঢ়ক: ‘পশ্চিম বংগক একো নিদিলে’; বাজেটক মমতা বেনাৰ্জীৰ তীক্ষ্ণ সমালোচনা
