এতিয়া নিৰ্বাচন আয়োগে স্পষ্ট কৰি দিছে যে, একেধৰণৰ পৰিস্থিতিৰ প্ৰতি লক্ষ্য ৰাখি ফাল্টাতো পুনৰ ভোটগ্ৰহণ হ’ব
নিৰ্বাচন আয়োগে পশ্চিম বংগৰ ফাল্টা বিধানসভা সমষ্টিত পুনৰ ভোটগ্ৰহণৰ নিৰ্দেশ দিছে । অনিয়মৰ অভিযোগৰ পিছত এই সিদ্ধান্ত লৈছে আয়োগে । ইয়াৰ পূৰ্বে শনিবাৰে দক্ষিণ ২৪ পৰগনা জিলাত পুনৰ ভোটগ্ৰহণ অনুষ্ঠিত হৈছিল । মগৰাহাট পশ্চিম আৰু ডাইমণ্ড হাৰ্বাৰ বিধানসভা সমষ্টিৰ ১৫টা ভোটকেন্দ্ৰত ভোটগ্ৰহণ হয় । ইয়াৰে ১১টা বুথ মগৰাহাট পশ্চিমত আৰু ৪টা বুথ ডাইমণ্ড হাৰ্বাৰত আছিল ।
এতিয়া নিৰ্বাচন আয়োগে স্পষ্ট কৰি দিছে যে, একেধৰণৰ পৰিস্থিতিৰ প্ৰতি লক্ষ্য ৰাখি ফাল্টাতো পুনৰ ভোটগ্ৰহণ হ’ব । আয়োগে কয় যে স্বচ্ছ আৰু নিকা ভোটদান প্ৰক্ৰিয়া নিশ্চিত কৰাৰ বাবে এই প্ৰয়োজনীয় পদক্ষেপ গ্ৰহণ কৰা হৈছে । এই সিদ্ধান্তৰ পিছতে প্ৰশাসনিক প্ৰস্তুতি ত্বৰান্বিত কৰা হৈছে ।
আয়োগৰ নিৰ্দেশ অনুসৰি সহায়ক ভোটকেন্দ্ৰকে ধৰি ফাল্টা বিধানসভা সমষ্টিৰ ২৮৫টা ভোটকেন্দ্ৰতে পুনৰ ভোটগ্ৰহণ কৰা হ’ব । প্ৰতিটো ভোটকেন্দ্ৰত সামঞ্জস্যপূৰ্ণ পৰিৱেশ সুনিশ্চিত কৰাৰ লগতে ব্যাঘাতৰ যিকোনো সম্ভাৱনা নাইকিয়া কৰিবলৈ সমগ্র প্ৰক্ৰিয়াটো একেলগে চলোৱা হ’ব ।
ইতিমধ্যে ভোটদানৰ তাৰিখো চূড়ান্ত কৰা হৈছে ২১ মে’ত পুৱা ৭ বজাৰ পৰা সন্ধিয়া ৬ বজালৈ ভোটগ্ৰহণ হ’ব । কটকটীয়া নিৰাপত্তা নিশ্চিত কৰাৰ লগতে প্ৰতিটো ভোটকেন্দ্ৰত শান্তিপূৰ্ণ ভোটদান নিশ্চিত কৰিবলৈ আয়োগে বিষয়াসকলক নিৰ্দেশ দিছে আয়োগে । ভোটগ্ৰহণ সমাপ্ত হোৱাৰ পিছত ২৪ মে’ত ভোট গণনা হ’ব । এই দিনটোতে ফলাফল স্পষ্ট হ’ব আৰু প্ৰাৰ্থীৰ ভাগ্য নিৰ্ণয় হ’ব ।
নিৰ্বাচন আয়োগে সংশ্লিষ্ট সকলো বিষয়াক সময়মতে প্ৰস্তুতি সম্পূৰ্ণ কৰিবলৈ নিৰ্দেশ দিছে । ইয়াৰ উপৰিও কোনো ধৰণৰ সমস্যাৰ সৃষ্টি নহয় তাৰ বাবে ভোটদান প্ৰক্ৰিয়া তীক্ষ্ণ নিৰীক্ষণ কৰা হ’ব বুলিও উল্লেখ কৰা হৈছে । এতিয়া সকলোৰে দৃষ্টি ২১ মে’ত হ’বলগীয়া পুনৰ ভোটদান আৰু ২৪ মে’ত অনুষ্ঠিত হ’বলগীয়া ফলাফলৰ ওপৰত ।
লগতে পঢ়ক : এগজিট প’ল নস্যাৎ মমতা বেনাৰ্জীৰ, দুশৰো অধিক আসন লাভৰ দাবী
