ৰাজ্যসভাৰ ৩৭খন আসনৰ বাবে আজি ভোটগ্ৰহণ হ’ব। পুৱা পুৱা ৯ বজাৰ পৰা বিয়লি ৪:০০ বজালৈ হ’ব এই ভোটদান প্ৰক্ৰিয়া।
মহাৰাষ্ট্ৰ, ওড়িশা, তামিলনাডু, পশ্চিম বংগ, অসম, বিহাৰ, ছত্তীশগড়, হাৰিয়ানা, হিমাচল প্ৰদেশ, তেলেংগানাকে ধৰি ১০খন ৰাজ্যৰ ৩৭খন ৰাজ্যসভাৰ আসনৰ বাবে আজি দ্বিবাৰ্ষিক নিৰ্বাচন অনুষ্ঠিত হ’ব।ইয়াৰ বাবে ভোটদান পুৱা ৯ বজাৰ পৰা বিয়লি ৪:০০ বজালৈ হ’ব, আনহাতে সাতখন ৰাজ্যৰ ২৬খন আসন বিনা প্ৰতিদ্বন্দ্বিতাৰে নিৰ্বাচিত হ’ব।ভোটগ্ৰহণৰ পিছত ৫ বজাৰ পৰা ভোট গণনা আৰম্ভ হ’ব, আৰু নিশা ফলাফল ঘোষণা হোৱাৰ সম্ভাৱনা আছে।
আজি নিৰ্বাচন অনুষ্ঠিত হোৱা ৩৭ খন আসনৰ ভিতৰত মহাৰাষ্ট্ৰৰ ৭ খন, ওড়িশাৰ ৪ খন, তামিলনাডুৰ ৬ খন, পশ্চিম বংগৰ ৫ খন, অসমৰ ৩ খন, বিহাৰৰ ৫ খন, ছত্তীশগড়ৰ ২ খন, হাৰিয়ানাৰ ২ খন, হিমাচল প্ৰদেশৰ ১ খন, তেলেংগানাৰ ২ খন আছে।
এপ্ৰিল মাহত কাৰ্যকালৰ ম্যাদ উকলি যোৱাৰ বাবে অনুষ্ঠিত হোৱা এই নিৰ্বাচনে ভাৰতীয় জনতা পাৰ্টিৰ নেতৃত্বত ৰাষ্ট্ৰীয় গণতান্ত্ৰিক মিত্ৰজোঁটক উচ্চ সদনত ১৩০খনতকৈও অধিক আসন (মনোনীত সদস্যকে ধৰি) সংখ্যাগৰিষ্ঠতা একত্ৰিত কৰাৰ সুযোগ প্ৰদান কৰিব।
লগতে পঢ়ক: ঘোষণা কৰা হ’ল অসমত বিধানসভা নিৰ্বাচনৰ দিন; ৯ এপ্ৰিলত হ’ব ৰাজ্যত নিৰ্বাচন
