আগন্তুক ৰাজ্যসভা নিৰ্বাচনৰ বাবে ভাৰতীয় জনতা পাৰ্টিয়ে তেৰছ গোৱালা আৰু যোগেন মহনৰ নাম প্ৰাৰ্থী হিচাপে ঘোষণা কৰিছে
ৰাজ্যসভাৰ ৩খন আসনৰ বাবে প্ৰাৰ্থী ঘোষণা বিজেপিৰ । আগন্তুক ৰাজ্যসভা নিৰ্বাচনৰ বাবে ভাৰতীয় জনতা পাৰ্টিয়ে তেৰছ গোৱালা আৰু যোগেন মহনৰ নাম প্ৰাৰ্থী হিচাপে ঘোষণা কৰিছে । বিজেপিৰ হৈ তেৰছ গোৱালা আৰু যোগেন মহন হ’ব ৰাজ্য সভা নিৰ্বাচনৰ প্ৰাৰ্থী । আনহাতে তৃতীয়খন আসনত UPPLৰ প্ৰমোদ বড়োক প্ৰাৰ্থী হিচাবে ঘোষণা কৰা হৈছে ।
মঙলবাৰে সাংবাদিকৰ সৈতে হোৱা কথা-বতৰাত এই ঘোষণা কৰে মুখ্যমন্ত্ৰী ড০ হিমন্ত বিশ্ব শৰ্মাই । ইফালে দুলীয়াজান সমষ্টিৰ পৰা আগন্তুক বিধানসভা নিৰ্বাচনত ৰামেশ্বৰ তেলীয়ে প্ৰতিদ্বন্দ্বিতা কৰিব বুলি ঘোষণা কৰে মুখ্যমন্ত্ৰী ড০ হিমন্ত বিশ্ব শৰ্মাই । তেওঁ কয় যে, বৰ্তমানৰ বিধায়ক তেৰছ গোৱালাৰ ঠাইত বিধানসভা নিৰ্বাচনত দুলীয়াজান সমষ্টিৰ পৰা ৰামেশ্বৰ তেলীয়ে প্ৰতিদ্বন্দ্বিতা কৰিব । ইফালে সমষ্টিটোত চৰ্চাত থকা তথা শেহতীয়াকৈ বিজেপিত যোগদান কৰা এগৰাকী যুৱ নেতাৰ কথা সোধাত মুখ্যমন্ত্ৰীগৰাকীয়ে কয়-“নতুন যুৱ নেতাক যোগদান কৰোতেই এইবাৰ টিকট লাভ নকৰে বুলি কোৱা হৈছিল ।“
লগতে পঢ়ক : কংগ্ৰেছে নিজৰ আত্মা বাংলাদেশী মূলৰ মুছলমানৰ ওচৰত বন্ধক দিছে : মুখ্যমন্ত্ৰী হিমন্ত বিশ্ব শৰ্মা
