নাগপুৰ জিলাৰ কাতোলত বিস্ফোৰক কাৰখানাত সংঘটিত বিস্ফোৰণত ১৫ জন লোক নিহত হয়
মহাৰাষ্ট্ৰৰ নাগপুৰ জিলাত দেওবাৰে সংঘটিত হয় এক ভয়ংকৰ দুৰ্ঘটনা । নাগপুৰ জিলাৰ কাতোলত বিস্ফোৰক কাৰখানাত সংঘটিত হোৱা ভয়ংকৰ বিস্ফোৰণত ১৫ জন লোক নিহত হয় । এই ঘটনাত বহু লোক গুৰুতৰভাৱে আহত হয় । আৰক্ষীয়ে জনোৱা মতে, এটা বিস্ফোৰক কাৰখানাত সংঘটিত হোৱা বিস্ফোৰণত ১৫ জন লোক নিহত হয় ।
খবৰ অনুসৰি কাতোলৰ ৰাউলগাঁৱৰ খনন আৰু উদ্যোগিক বিস্ফোৰক প্ৰস্তুত কৰা কোম্পানী এছ বি এল এনাৰ্জি লিমিটেডৰ কাৰখানাত সংঘটিত হয় এই বিস্ফোৰণ । জানিব পৰা মতে, কোম্পানীটোৰ ডিটনেটৰ পেকিং ইউনিটত পুৱা ৭ বজাৰ পৰা ৭:১৫ বজাৰ ভিতৰত সংঘটিত হয় এই কাণ্ড ।
আৰক্ষীয়ে জনোৱা মতে, বিস্ফোৰণৰ লগে লগে আহতসকলক নাগপুৰৰ এখন চিকিৎসালয়ত ভৰ্তি কৰোৱা হয় । নাগপুৰ গ্ৰাম্যৰ আৰক্ষী অধীক্ষকে কয় যে এছ বি এল এনাৰ্জি লিমিটেডৰ বিস্ফোৰণত ১৫ জন লোক নিহত হোৱাৰ লগতে ১৮ জন গুৰুতৰভাৱে আহত হয় । কোম্পানীটোৰ এজন বিষয়াই কয় যে উদ্ধাৰ অভিযান চলি আছে আৰু তেওঁলোকে শীঘ্ৰেই এক বিবৃতি প্ৰকাশ কৰিব ।
লগতে পঢ়ক : আজিৰে পৰা দেশত সলনি হ’ব ৫টা ডাঙৰ নিয়ম!
