TIME8-এ আৰম্ভ কৰিছে এক বিশেষ অভিযান । ‘স্বচ্ছ নগৰ শ্ৰেষ্ঠ নগৰ’ শীৰ্ষক এই অভিযানত আপুনিও অংশগ্ৰহণ কৰিব পাৰে ।
কেৱল বাতৰি পৰিৱেশন কৰাই নহয়, সমাজৰ প্ৰতি দায়বদ্ধতা প্ৰদৰ্শন কৰি TIME8-এ হাতত লৈছে বিশেষ অভিযান ‘স্বচ্ছ নগৰ শ্ৰেষ্ঠ নগৰ’ । দেশৰ ৭৭ সংখ্যক গণৰাজ্য দিৱসৰ দিনাই আৰম্ভ হোৱা এই অভিযানৰ অংশ হিচাপে অতি কম সময়ৰ ভিতৰতে ৰাজগড় ৰোডৰ ৫নং উপপথৰ জাবৰ-জোঁথৰ আঁতৰাই এক পৰিষ্কাৰ পৰিৱেশ ঘূৰাই অনা হয় ।
ৰাজগড়ৰ এগৰাকী দায়িত্বশীল নাগৰিক বিপ্লৱ চহৰীয়াই নিজৰ অঞ্চলৰ পুতিগন্ধময় পৰিৱেশৰ এখন ফটো TIME8-ৰ ৱেবছাইটত আপলোড কৰিছিল । আৱৰ্জনাৰ স্তূপৰ বাবে যাতায়তৰ লগতে স্বাস্থ্যৰ ক্ষেত্ৰতো ভাবুকি আহি পৰা এই বিষয়টো দৃষ্টিগোচৰ হোৱাৰ লগে লগে TIME8 কৰ্তৃপক্ষই গুৱাহাটী পৌৰ নিগমৰ (GMC) সৈতে যোগাযোগ কৰে ।
পৰিস্কাৰ কৰাৰ পিছৰ দৃশ্য-
অভিযোগ লাভ কৰাৰ মাত্ৰ কেইটামান ঘণ্টাৰ ভিতৰতে GMC-ৰ চাফাই কৰ্মীৰ দল উপস্থিত হয় । ‘স্বচ্ছ নগৰ শ্ৰেষ্ঠ নগৰ’ অভিযানৰ অংশ হিচাপে, প্ৰতিশ্ৰুতি অনুসৰি সকলো আৱৰ্জনা আঁতৰাই সম্পূৰ্ণ উপপথটো পৰিষ্কাৰ কৰি তোলা হয় ।
চাফা কৰাৰ পূৰ্বৰ দৃশ্য-
TIME8ৰ এই অভিযানত আপুনিও অংশগ্ৰহণ কৰিব পাৰে-
আপোনাৰ চুবুৰীটোও আৱৰ্জনামুক্ত কৰিব বিচাৰে নেকি ? তেন্তে পলম নকৰিব :
– আপোনাৰ অঞ্চলৰ আৱৰ্জনাৰ ফটো তোলক
– www.time8.in লৈ গৈ ফটোখন আপলোড কৰক
–২৪ ঘণ্টাৰ ভিতৰত আপোনাৰ অঞ্চলটো পৰিস্কাৰ কৰি তোলাৰ ব্যৱস্থা কৰা হ’ব
আপোনাৰ এই পদক্ষেপ আৰু সামান্য দায়বদ্ধতাই চহৰখনক শ্ৰেষ্ঠ নগৰ হিচাপে গঢ়ি তুলিব ।
লগতে পঢ়ক : গণৰাজ্য দিৱসৰ দিনাই শুভাৰম্ভণি হ’ল ‘TIME8 স্বচ্ছ নগৰ, শ্ৰেষ্ঠ নগৰ’ পদক্ষেপৰ, আপুনিও কৰক অংশগ্ৰহণ
