পি এম কিষাণৰ ২২ নং কিস্তিৰ ধন কেতিয়া সোমাব তাক লৈ চৰকাৰে এতিয়ালৈকে কোনো আনুষ্ঠানিক ঘোষণা কৰা নাই । ফেব্ৰুৱাৰীৰ শেষৰ ফালে এই ধন কৃষকৰ একাউন্টত সোমাব পাৰে । কিন্তু তাৰ পূৰ্বে জানক কোন কৃষকে লাভ নকৰিব এই ২২ নং কিস্তিৰ ধন-
প্ৰধানমন্ত্ৰী কিষাণ সন্মান নিধি যোজনা (PM-KISAN) কেন্দ্ৰীয় চৰকাৰৰ এক অন্যতম অভিলাষী আঁচনি যিয়ে কৃষকৰ আৰ্থিক প্ৰয়োজনীয়তাক পোনপটীয়াকৈ পূৰণ কৰে । এই আঁচনিৰ অধীনত সমগ্ৰ দেশৰ যোগ্য কৃষকসকলক বছৰি ৬০০০ টকাৰ সাহায্য তিনিটা সমান কিস্তিত প্ৰদান কৰা হয় ।
নতুন বছৰৰ আৰম্ভণিৰ পৰাই কৃষকসকলে পি এম কিষাণ আঁচনিৰ ২২ সংখ্যক কিস্তিৰ বাবে আগ্ৰহেৰে অপেক্ষা কৰি আছে । যদি আপুনিও আপোনাৰ কিস্তিৰ বাবে অপেক্ষা কৰি আছে, তেন্তে প্ৰথমে আপোনাৰ নাম তালিকাৰ পৰা আঁতৰোৱা হৈছে নেকি পৰীক্ষা কৰ, কিয়নো চৰকাৰী নিৰ্দেশনা অনুসৰি প্ৰয়োজনীয় আনুষ্ঠানিকতা সম্পূৰ্ণ নকৰা কৃষকসকলে তেওঁলোকৰ একাউণ্টত লাভ নকৰে এই আঁচনিৰ ধন ।
এনে পৰিস্থিতিত কৃষকসকলে ২২ সংখ্যক কিস্তিৰ ধন কিয় বন্ধ হৈ পৰিব পাৰে আৰু তেওঁলোকৰ হিতাধিকাৰীৰ ষ্টেটাছ কেনেকৈ পৰীক্ষা কৰিব সেই বিষয়ে জনাটো অতি প্ৰয়োজনীয়, যাতে সমস্যাটো সময়মতে সমাধান কৰিব পৰা যায় ।
এই কৃষকসকলে লাভ নকৰে ২২ নং কিস্তি-
-যিসকলৰ ই-কেৱাইচি সম্পূৰ্ণ হোৱা নাই
-যিসকলৰ আধাৰ কাৰ্ড তেওঁলোকৰ বেংক একাউণ্টৰ সৈতে লিংক হোৱা নাই
-যিসকলৰ ভূমিৰ ৰেকৰ্ড শুদ্ধ নহয়
-যিসকল আয়কৰ আদায় দিয়া কৃষক
-যিসকলৰ বেংক একাউণ্ট নম্বৰ বা আই এফ এছ চি ক’ড ভুলকৈ উল্লেখ আছে
আপোনাৰ আবেদনৰ ষ্টেটাছ কেনেকৈ পৰীক্ষা কৰিব ?
-প্ৰথমে প্ৰধানমন্ত্ৰী কিষাণ যোজনাৰ অফিচিয়েল ৱেবছাইট চাওক
-যদি আপোনাৰ হাতত আঁচনিৰ অফিচিয়েল এপ আছে তেন্তে তাতো চাব পাৰে
-আপুনি এবাৰ ৱেবছাইটত লগ ইন কৰাৰ পাছত “Know Your Status” বিকল্পটো দেখা পাব, তাত ক্লিক কৰক
-এতিয়া ইয়াত আপোনাৰ পঞ্জীয়ন নম্বৰ দিয়ক
-যদি আপোনাৰ পঞ্জীয়ন নম্বৰ মনত নাই, তেন্তে আপুনি “Know Your Registration Number”ত ক্লিক কৰি ইয়াক পুনৰ লাভ কৰিব পাৰিব
-ইয়াৰ পিছত প্ৰদান কৰা কেপচা ক’ড দিয়ক আৰু “Get Details”ত ক্লিক কৰক
-তাৰ পিছত আপোনাৰ ষ্টেটাছ পৰ্দাত প্ৰদৰ্শিত হ’ব আৰু আপুনি আপোনাৰ ২২ নং কিস্তি লাভ কৰিব নে নকৰে সেয়া জানিব পাৰিব
কেতিয়া লাভ কৰিব পৰৱৰ্তী কিস্তি ?
এই কিস্তি বছৰত তিনিবাৰকৈ আহে । এতিয়া বছৰৰ আৰম্ভণি, গতিকে অনুমান কৰা হৈছে যে ফেব্ৰুৱাৰী মাহৰ শেষৰ ফালে পি এম কিষাণ যোজনাৰ প্ৰথম কিস্তি কৃষকৰ একাউণ্টত সোমাব পাৰে । আনহাতে এতিয়ালৈকে এই সন্দৰ্ভত কোনো আনুষ্ঠানিক তথ্য প্ৰকাশ কৰা হোৱা নাই যদিও শীঘ্ৰেই ঘোষণা কৰা হ’ব ।
লগতে পঢ়ক : কোটি কোটি কৃষকৰ ভাল খবৰ… আপোনাৰ একাউণ্টত কেতিয়া সোমাব পি এম কিষাণৰ ধন
