ফেব্ৰুৱাৰী মাহতেই লাভ কৰিব পাৰে পি এম কিষাণ যোজনাৰ ২২ সংখ্যক কিস্তিৰ ধন । কৃষকসকলে এতিয়া আগ্ৰহেৰে অপেক্ষা কৰি আছে ২২নং কিস্তিৰ বাবে ।

প্ৰধানমন্ত্ৰী কিষাণ সন্মান নিধি যোজনা (PM Kisan Yojana) ভাৰত চৰকাৰৰ দ্বাৰা পৰিচালিত এক অভিলাষী আঁচনি । এই আঁচনিৰ জৰিয়তে দেশৰ কোটি কোটি ক্ষুদ্ৰ আৰু প্ৰান্তীয় কৃষকে আৰ্থিক সাহায্য লাভ কৰি আহিছে । কেন্দ্ৰীয় চৰকাৰে আৰম্ভ কৰা পি এম কিষাণ আঁচনিৰ অধীনত যোগ্য কৃষকে প্ৰতি বছৰে ৬০০০ টকাৰ আৰ্থিক সাহায্য তিনিটা কিস্তিত পোনপটীয়াকৈ তেওঁলোকৰ বেংক একাউণ্টত লাভ কৰে ।

খেতিৰ ব্যয় বৃদ্ধি, সাৰ আৰু বীজৰ দাম, বতৰৰ অনিশ্চয়তাৰ মাজতে লাভ কৰা এই ধনে কৃষকক যথেষ্ট সকাহ দিয়ে । এই পৰ্যন্ত কেন্দ্ৰীয় চৰকাৰে এই আঁচনিৰ ২১টা কিস্তি মুকলি কৰি দিছে । কৃষকসকলে এতিয়া আগ্ৰহেৰে অপেক্ষা কৰি আছে ২২ সংখ্যক কিস্তিৰ বাবে । নতুন বছৰ আৰম্ভ হোৱাৰ লগে লগে পি এম কিষাণৰ পৰৱৰ্তী কিস্তি কেতিয়া আহিব, কোন কৃষক ইয়াৰ দ্বাৰা উপকৃত হ’ব তাকে লৈ উৎসুকতা বৃদ্ধি পাইছে । গতিকে চৰকাৰে কেতিয়া পৰৱৰ্তী কিস্তি মুকলি কৰিব পাৰে সেয়া জনাটো অতি গুৰুত্বপূৰ্ণ ।

কেতিয়া মুকলি হ’ব পি এম কিষাণ যোজনাৰ ২২ সংখ্যক কিস্তি ?

-বিগত সময়লৈ লক্ষ্য কৰি ধাৰণা কৰা হৈছে যে, ফেব্ৰুৱাৰী মাহত মুকলি হ’ব পাৰে পি এম কিষাণ যোজনাৰ ২২ সংখ্যক কিস্তিৰ ধন । সাধাৰণতে প্ৰতি চাৰি মাহৰ মূৰে মূৰে কিস্তি মুকলি কৰা হয় । পূৰ্বৰ কিস্তিৰ সময় বিবেচনা কৰিলে ফেব্ৰুৱাৰী মাহটোৱেই আটাইতকৈ সম্ভাৱ্য মাহ বুলি ধাৰণা কৰা হৈছে । অৱশ্যে এই সন্দৰ্ভত চূড়ান্ত তাৰিখ চৰকাৰে আনুষ্ঠানিকভাৱে ঘোষণা কৰিব ।

কোন কৃষকে লাভ কৰিব ২২নং কিস্তিৰ ধন ?

এই আঁচনিৰ বাবে প্ৰয়োজনীয় সকলো প্ৰয়োজনীয়তা পূৰণ কৰা কৃষকসকলেহে পি এম কিষাণৰ ২২নং কিস্তিৰ ধন লাভ কৰিব । এই আঁচনিখনৰ সুবিধা ল’বলৈ ই-কেৱাইচি সম্পূৰ্ণ কৰা, আপোনাৰ বেংক একাউণ্টৰ সৈতে আধাৰ সংযোগ কৰা আৰু ভূমিৰ ৰেকৰ্ড পৰীক্ষা কৰাটো প্ৰয়োজনীয় । যদি আপুনি এই পদ্ধতিসমূহৰ কোনোটোৱেই সম্পূৰ্ণ কৰা নাই, তেন্তে আপুনি কিস্তি লাভ কৰাত পলম হ’ব পাৰে ।

২২নং কিস্তিৰ ধন লাভ কৰিব নে নাই কেনেকৈ জানিব ?

-ইয়াৰ বাবে আপুনি হিতাধিকাৰী তালিকা পৰীক্ষা কৰিব লাগিব । তালিকা পৰীক্ষাৰ বাবে অফিচিয়েল ৱেবছাইট pmkisan.gov.in লগ ইন কৰক

-তাত Beneficiary List বিকল্পত ক্লিক কৰক । তাৰ পিছত, আপোনাৰ ৰাজ্য, জিলা, মহকুমা, ব্লক আৰু গাঁও নিৰ্বাচন কৰক

-এই কাম কৰাৰ পিছত Get Report বুটামত ক্লিক কৰক । লগে লগে এখন তালিকা ওলাব

-ইয়াত আপুনি আপোনাৰ নামটো চাৰ্চ কৰিব পাৰে

-যদি আপোনাৰ নাম এই তালিকাত আছে তেন্তে আপুনি আঁচনিৰ ধন লাভৰ বাবে যোগ্য

-ইয়াৰ বাহিৰেও, আপুনি Know Your Status বিকল্পত ক্লিক কৰি আপোনাৰ কিস্তিৰ ষ্টেটাছ পৰীক্ষা কৰিব পাৰিব

লগতে পঢ়ক : বাজেট অধিৱেশনৰ পূৰ্বে সৰ্বদলীয় বৈঠক আহ্বান কেন্দ্ৰীয় চৰকাৰৰ