মুখ্যমন্ত্ৰী ড০ হিমন্ত বিশ্ব শৰ্মাই কংগ্ৰছক তীক্ষ্ণ সমালোচনা কৰে। মুখ্যমন্ত্ৰী গৰাকীয়ে কয় যে, আজিৰ অসমীয়াই কোনো অচিনাকী লোকৰ ওচৰত আত্মসমৰ্পন নকৰে।
দুদিনীয়া ভ্ৰমণসূচীৰে অসমলৈ আহিছিল প্ৰধানমন্ত্ৰী নৰেন্দ্ৰ মোদী। ভ্ৰমণৰ দ্বিতীয়টো দিনত কলিয়াবৰত এখন বিশাল জনসভাত উপস্থিত থাকে প্ৰধানমন্ত্ৰী গৰাকী।
জনসভা খনত মুখ্যমন্ত্ৰী ড০ হিমন্ত বিশ্ব শৰ্মাই গৌৰৱ গগৈক তীব্ৰ প্ৰত্যহ্বান জনাই।মুখ্যমন্ত্ৰী গৰাকীয়ে কয় যে, আজিৰ অসমীয়াই কোনো অচিনাকী লোকৰ ওচৰত আত্মসমৰ্পন নকৰে।
মুখ্যমন্ত্ৰী গৰাকীয়ে কয় যে, গৌৰৱ গগৈয়ে কাজিৰঙা এলিভেটেড কৰি’ডৰৰ বিৰোধিতা কৰিছে। কিন্তু মই গৌৰৱ গগৈ ডাঙৰীয়াক ক’ব খোজে যে আপুনি বিৰোধিতা কৰি থাকক কিন্তু অসমে সপোন দেখিছে আকাশ চুৱাৰ আৰু অসমে আকাশ চুবই।
অসমক ভাৰতবৰ্ষৰ ভিতৰত সৰ্বশ্ৰেষ্ঠ ৰাজ্য হিচাপে প্ৰতিষ্ঠা কৰিম। আজিৰ অসমীয়াই কোনো পাকিস্তানী এজেন্টৰ সন্মুখত আত্মসমৰ্পন নকৰে। অসমীয়াই অচিনাকী লোকৰ পৰা হাজাৰ হাজাৰ বিঘা ভূমি উদ্ধাৰ কৰিছে।
আৰু সেই ভূমিতেই বটদ্ৰৱাত গুৰুজনাৰ আবিৰ্ভাৱ ক্ষেত্ৰ নিৰ্মাণ কৰা হৈছে। কাজিৰঙাটো অচিনাকী লোকক উচ্ছেদ কৰি এলিভেটেড কৰিড’ৰ আধাৰশিলা স্থাপন কৰিছে।
লগতে পঢ়ক: ‘ৰেজাউল কৰিমে স্পষ্টকৈ জেহাদ কৰাৰ কথা কৈছে; মুখ্যমন্ত্ৰীৰ বিস্ফোৰক মন্তব্য
