২০৩৬ চনৰ অলিম্পিকক লৈ আন্তঃৰাষ্ট্ৰীয় ক্ৰিকেট পৰিষদৰ অধ্যক্ষ জয় শ্বাহে এক ডাঙৰ মন্তব্য কৰিছে।
আন্তঃৰাষ্ট্ৰীয় ক্ৰিকেট পৰিষদৰ অধ্যক্ষ জয় শ্বাহে দেওবাৰে কয় যে,২০৩০ চনত কমনৱেলথ গেমছ আয়োজন কৰাৰ পিছত ভাৰতে কমেও ১০০টা পদক লাভৰ লক্ষ্যৰে ২০৩৬ চনত গুজৰাটলৈ অলিম্পিক গেমছ অনাৰ লক্ষ্য লৈছে।
ড০ হেডগেৱাৰ সেৱা স্মৃতি সেৱা সমিতিৰ উদ্যোগত চুৰাটত আয়োজিত ‘ৰাণ ফৰ গাৰ্ল চাইল্ড’ মাৰাথনত ভাষণ দি শ্বাহে কয়,গুজৰাটলৈ কমনৱেলথ গেমছ অনাৰ ক্ষেত্ৰত প্ৰধানমন্ত্ৰী নৰেন্দ্ৰ মোদীয়ে গুৰুত্বপূৰ্ণ ভূমিকা পালন কৰিছে।
তেওঁ কয় যে,’কমনৱেলথ গেমছ ২০৩০ৰ পিছত আমাৰ লক্ষ্য হৈছে ২০৩৬ চনত ইয়াত অলিম্পিক আয়োজন কৰা।’ পেৰিছ অলিম্পিক ২০২৪ত ভাৰতে ৮টা পদক লাভ কৰিছিল,এই প্ৰদৰ্শনৰ কথা উল্লেখ কৰি শ্বাহে কয়,২০৩৬ চনৰ লক্ষ্য কমেও ১০০ পদক হ’ব লাগে য’ত গুজৰাটৰ অৱদান ১০ পদক হ’ব লাগে।
এই পদকসমূহৰ ভিতৰত কমেও দুটা পদক মহিলা খেলুৱৈয়ে লাভ কৰিব বুলি তেওঁ আত্মবিশ্বাস প্ৰকাশ কৰে। শ্বাহে বাৰ্বাডোছত ২০২৪ চনৰ টি-২০ বিশ্বকাপ আৰু ২০২৫ ৰ চেম্পিয়নছ ট্ৰফীত ভাৰতীয় পুৰুষ ক্ৰিকেট দলৰ সফলতাৰ বাবেও প্ৰশংসা কৰে।
লগতে পঢ়ক: টি-২০ বিশ্বকাপৰ বাবে ভাৰতলৈ নাহে বাংলাদেশী দল; IPL ৰ বিতৰ্কৰ মাজতে BCB ৰ সিদ্ধান্ত
