আজি ঘোষণা কৰিব পাৰে বিহাৰ বিধানসভা নিৰ্বাচনৰ তাৰিখ
আজি বিয়লি ৪ বজাত ভাৰতীয় নিৰ্বাচন আয়োগে এখন সংবাদমেল সম্বোধন কৰিব। এই সংবাদমেলখনত বিহাৰ বিধানসভা নিৰ্বাচন ২০২৫ ৰ আনুষ্ঠানিকভাৱে তাৰিখ আৰু সূচী ঘোষণা কৰিব পাৰে।
আয়োগে ৪ আৰু ৫ অক্টোবৰত বিহাৰ ভ্ৰমণ কৰিছিল, য’ত মুখ্য নিৰ্বাচন আয়ুক্তই ৰাজনৈতিক দল, বিষয়া, আৰক্ষী আৰু নাগৰিক সমাজক সাক্ষাৎ কৰে।
এই সময়চোৱাত আইন-শৃংখলা, ব্যয় নিৰীক্ষণ আৰু ভোটগ্ৰহণ কেন্দ্ৰত ব্যৱস্থাৰ ওপৰত আলোচনা কৰা হয়।ৰাজনৈতিক দলসমূহে পৰ্যায়ৰ সংখ্যাৰ ওপৰত পৰামৰ্শ দিয়ে, আৰু আয়োগে ছট পূজা (১৮-২৮ অক্টোবৰ) আৰু দীপাৱলীৰ কথা মনত ৰাখি সূচী প্ৰস্তুত কৰিছে।
ভোটদান সম্ভৱতঃ ছটৰ পূজাৰ পিছত অক্টোবৰ-নৱেম্বৰ হ’ব পাৰে যিটো ২০২০ চনৰ দৰে কম পৰ্যায়ত অনুষ্ঠিত হ’ব পাৰে।প্ৰতিটো বুথত মাত্ৰ ১২০০ ভোটাৰকহে অনুমতি দিয়া হ’ব।
লগতে পঢ়ক: চতুৰ্থবাৰলৈ বিটিছিৰ মুখ্য কাৰ্যবাহী হিচাপে শপত গ্ৰহণ হাগ্ৰামা মহিলাৰীৰ
