জলী এল এল বি ৩ক গ্ৰীণ চিগনেল এলাহাবাদ উচ্চ ন্যায়ালয়ৰ
অক্ষয় কুমাৰ আৰু আৰ্শ্বদ ৱাৰ্ছীৰ আগন্তুক ছবি জলী এল এল বি ৩ক লৈ এক বৃহৎ সকাহ দি,এলাহাবাদ উচ্চ ন্যায়ালয়ে বুধবাৰে ছবিখনৰগীত ‘ভাই উকিল হয়’ৰ বিৰুদ্ধে ব্যৱস্থা আৰু ন্যায়পালিকা আৰু আইনী বৃত্তিক বদনাম কৰা বুলি অভিযোগত ছবিখনৰ মুক্তিৰ সময়ত স্থগিতাদেশ বিচৰা আবেদন নাকচ কৰা হয়।
ন্যায়াধীশ সংগীতা চন্দ্ৰ আৰু ন্যায়াধীশ ব্রিজ ৰাজ সিঙৰ সংমণ্ডল বিচাৰপীঠে কয় যে তেওঁলোকে গীতৰ কথা বা ছবিখনৰ ট্ৰেইলাৰ বা টিজাৰত ‘একো আপত্তিজনক কথা’ বিচাৰি নাপালে।
ন্যায়ালয়ে কয় যে ‘আমি কোনো আপত্তিজনক বিষয় বিচাৰি পোৱা নাই যিয়ে এই আদালতৰ হস্তক্ষেপৰ প্ৰয়োজনীয়তা প্ৰদান কৰিব।
‘ভাই উকীল হয়’ গীতটোৰ কথাও আমি অধ্যয়ন কৰিছো আৰু আমি এনেকুৱা একো বিচাৰি নাপালোঁ যিয়ে প্ৰকৃত অধিবক্তাৰ আইনী প্ৰথাত বাধাৰ সৃষ্টি কৰিব।’ সেয়েহে আদালতে কোনো শাস্তি নিদিয়াকৈয়ে আবেদন খাৰিজ কৰিলে।
২০ আগষ্টত পুনেৰ আদালতে বলীউডৰ অভিনেতা অক্ষয় কুমাৰ আৰু আৰ্শ্বদ ৱাৰ্ছীক তেওঁলোকৰ ছবি জলী এল এল বি ৩ৰ সৈতে জড়িত জাননী জাৰি কৰিছিল।
এই জাননীসমূহ অধিবক্তা ৱাজিদ খান বিডকাৰ (৭০)ৰ এজাহাৰৰ পিছতে জাৰি কৰা হৈছে,য’ত দাবী কৰা হৈছিল যে ছবিখনে ন্যায় ব্যৱস্থা আৰু আদালতৰ কাৰ্য্যবিধিক ঠাট্টা কৰিছে।
তেওঁৰ আবেদনত বিডকাৰে যুক্তি দিছিল যে ছবিখনে আইনী বৃত্তিটোক অপমানজনকভাৱে চিত্ৰিত কৰাৰ লগতে ন্যায়পালিকাক অপমান কৰিছে।
ছবিখনৰ এটা দৃশ্যত বিচাৰকক মামু (এটা কথিত শব্দ) বুলি উল্লেখ কৰা দৃশ্যৰ ওপৰতো তেওঁলোকে আপত্তি কৰে।আদালতে অক্ষয় কুমাৰ আৰু আৰ্শ্বদ ৱাৰ্ছীক ২৮ ছেপ্টেম্বৰত আদালতত হাজিৰ হ’বলৈ কৈছে।
লগতে পঢ়ক: ‘মই খেলৰ চেনেলবোৰ বন্ধ কৰি দিলো…’; যুজবেন্দ্ৰ চাহালৰ প্ৰাক্তন পত্নী ধনশ্ৰী ভাৰ্মাৰ মন্তব্য
