‘অপাৰেচন সিন্দুৰ’ৰ সফলতা মানি লৈছে পাকিস্তানে । পাকিস্তানৰ প্ৰধানমন্ত্ৰী শ্বাহবাজ শ্বৰীফে স্বীকাৰ কৰিছে যে ভাৰতৰ প্ৰতিশোধমূলক আক্ৰমণত দেশখনৰ বহু বিমান ঘাটি বিশেষকৈ নূৰখান এয়াৰবেছ ধ্বংস হৈছে । পাকিস্তানৰ এই স্বীকাৰোক্তি এতিয়া সমগ্ৰ বিশ্বই জানিব পাৰিছে ।
এইখন সেই একেখন পাকিস্তান যি কালিলৈকে একো হোৱা নাই বুলি কৈ আছিল আৰু নিজৰ জনসাধাৰণক মূৰ্খ সজাই বিজয় উদযাপন কৰিছিল । এতিয়া সেই একেই পাকিস্তানে কৈছে যে দেশখনৰ বহু ক্ষতি হৈছে ।
ভিডিঅ’ প্ৰকাশ-
শ্বাহবাজ শ্বৰীফৰ ভিডিঅ’ এতিয়া ছ’চিয়েল মিডিয়াত ভাইৰেল হৈছে । তেওঁ কৈছে, ‘৯ আৰু ১০ তাৰিখৰ মাজ নিশা পুৱা ২:৩০ বজাত চিপয়ছলাহৰ জেনেৰেল অসীম মুনিৰে মোক এটা নিৰাপদ ফোনত জনাইছিল যে ভাৰতে নিজৰ বেলিষ্টিক ক্ষেপণাস্ত্ৰ নিক্ষেপ কৰিছে, ইয়াৰে এটা নূৰখান এয়াৰবেছত পৰিছে আৰু কিছুমান আন অঞ্চলতো পৰিছে… আমাৰ বায়ুসেনাই আমাৰ দেশক সুৰক্ষা দিবলৈ থলুৱা প্ৰযুক্তি ব্যৱহাৰ কৰিছে আৰু তেওঁলোকে চীনৰ যুদ্ধ বিমানত আধুনিক গেজেট আৰু প্ৰযুক্তি ব্যৱহাৰ কৰে ।’
আটাইতকৈ গুৰুত্বপূৰ্ণ এয়াৰবেছ হৈছে নুৰখান-
উল্লেখ্য যে নূৰ খান কোনো সাধাৰণ এয়াৰবেছ নহয় । এয়া পাকিস্তানৰ ভি ভি আই পি আৰু উচ্চ পৰ্যায়ৰ সামৰিক বিমান পৰিবহণ কেন্দ্ৰ । ইছলামবাদৰ পৰা ওচৰত আৰু ইয়াৰ দ্বৈত ভূমিকাই এই বিমান ঘাটিটোক পাকিস্তানৰ অন্যতম স্পৰ্শকাতৰ বিমান ঘাটি হিচাপে গঢ়ি তুলিছে । আক্ৰমণৰ পিছত এতিয়ালৈকে উপলব্ধ সকলো উপগ্ৰহৰ ছবিৰ পৰা দেখা গৈছে যে ভাৰতীয় বায়ুসেনাই সম্পূৰ্ণ নিখুঁতভাৱে আক্ৰমণ কৰিছিল আৰু ক’তো কোনো লক্ষ্য ব্যৰ্থ হোৱা নাছিল ।
ইছলামবাগৰ ওচৰত অৱস্থিত নুৰ খান এয়াৰবেছে পাকিস্তান বায়ুসেনাৰ অভিযানত সহায় কৰে আৰু ইয়াক দেশৰ শীৰ্ষ ভি ভি আই পিসকলেও বিমান পৰিবহণৰ বাবে ব্যৱহাৰ কৰে ।
