মুম্বাইৰ জিঅ’ ৱৰ্ল্ড কনভেনচন চেণ্টাৰত প্ৰথমখন বিশ্ব অডিঅ’ ভিজুৱেল এণ্ড এণ্টাৰটেইনমেণ্ট সন্মিলনৰ আয়োজন কৰা হৈছে। এই সন্মিলনখন ১ মে’ত প্ৰধানমন্ত্ৰী নৰেন্দ্ৰ মোদীয়ে উদঘাটন কৰিছিল।
১-৪ মে’লৈ চলিব এই ৱেভছ ছামিট।ইয়াত বলীউডৰ অভিনেতা আমিৰ খান, চলচ্চিত্ৰ নিৰ্মাতা পিটাৰ হো-ছান চান, চলচ্চিত্ৰ পৰিচালক ষ্টেনলি টং আৰু চলচ্চিত্ৰ প্ৰযোজক প্ৰসাদ শ্বেট্টী উপস্থিত আছিল।
এই সন্মিলনখনত তেওঁলোকে ভাৰত আৰু চীনা চিনেমাৰ বিষয়ে আলোচনাও কৰিছে। ভাৰতীয় আৰু চীনা চিনেমা সন্দৰ্ভত এক প্ৰশ্নৰ উত্তৰত আমিৰ খানে কয়, ‘যোৱা ১০ বছৰত বহুবাৰ চীন ভ্ৰমণৰ সুযোগ পাইছিলোঁ’।
‘মই উপলব্ধি কৰিলোঁ যে চীনা দৰ্শক, চীনৰ সাংস্কৃতিক সোৱাদ, চীনা মানুহৰ আৱেগ ভাৰতীয় দৰ্শকৰ সৈতে মিল আছে’।
‘চীনা দৰ্শকে ভাৰতীয় দৰ্শকৰ দৰেই প্ৰতিক্ৰিয়া প্ৰকাশ কৰে।চীনত মোৰ ছবি মুক্তিৰ সময়ত এই কথা বহুবাৰ দেখিছোঁ’।
আমিৰ খানে ভাৰত আৰু চীনে একেলগে এখন ছবি নিৰ্মাণ কৰাৰ কথা কৈ কৈছিল যে, ‘মই ইয়াৰ বাবে বহুত পৰিসৰ আৰু সম্ভাৱনা দেখিছোঁ, ইয়াৰে প্ৰথমটো হ’ল ভাৰতত এটা অতি সজীৱ সৃষ্টিকৰ্তা সম্প্ৰদায় আছে’।
‘চীনতো আচৰিত ধৰণৰ সৃষ্টিশীল মানুহ আছে, আৰু মই তাত কেইবাবাৰো গৈছো। তেওঁলোকৰ মানদণ্ড বিশ্বমানৰ হয়।ভাৰত আৰু চীনৰ বাবে সহযোগিতা আৰু একেলগে কাম কৰাৰ এক বৃহৎ সুযোগ হ’ব’।
