জাপানৰ ষ্টুডিঅ’ ঘিবলী (Ghibli)ক ষ্টুডিঅ’ জিবুৰো বুলি কোৱা হয়, যাক হিন্দী আৰু ইংৰাজীত ঝিবলী বা ঘিবলী বুলিও কোৱা হয় । ষ্টুডিঅ’ ঘিবলী হৈছে জাপানীজ এনিমেচন ষ্টুডিঅ’ যাৰ ছবিয়ে আনকি অস্কাৰ বঁটাও লাভ কৰিছে । হায়াও মিয়াজাকি, ইছাকো টাকাহাটা আৰু টোছিঅ’ চুজুকিয়ে ১৯৮৫ চনত এই কিংবদন্তি জাপানীজ এনিমেচন ষ্টুডিঅ’টো আৰম্ভ কৰিছিল ।
এতিয়া ChatGPT ৰ সহায়ত ব্যৱহাৰকাৰীয়ে যিকোনো ফটো Studio Ghibli Style Images লৈ ৰূপান্তৰিত কৰিছে । অনলাইন প্লেটফৰ্মত ঘিবলী ছবিৰ উজান উঠিছে আৰু ইটোৰ পিছত সিটো ভাইৰেল মিম ঘিবলী ষ্টাইলত দেখা গৈছে । এ আই চেটবক্সে সৃষ্টি কৰা ষ্টুডিঅ’ ঘিবলিৰ ছবিৰ সন্দৰ্ভত কপিৰাইট উলংঘাৰো অভিযোগ উত্থাপন হৈছে । এনে পৰিস্থিতিত এই প্ৰতিবেদনত ষ্টুডিঅ’ ঘিবলিৰ ভাইৰেল ছবিৰ বিষয়ে সকলো তথ্য জানি লওক ।
কিয় বিখ্যাত ষ্টুডিঅ’ ঘিবলী ?
হায়াও মিয়াজাকি আৰু ইছাকো তাকাহাটাৰ ছবিয়ে ষ্টুডিঅ’ ঘিবলীক সমগ্ৰ বিশ্বতে এক সুকীয়া পৰিচয় দিছে । এইটো এনে এক এনিমেচন শৈলী যাৰ ওপৰত ষ্টুডিঅ’ ঘিবলিয়ে নিৰ্মাণ কৰা ছবিবোৰক নান্দনিকতাৰ প্ৰকৃত সংজ্ঞা বুলি গণ্য কৰা হয় । ২০০৩ চনত ষ্টুডিঅ’ ঘিবলিৰ ছবি ‘স্পিৰিটেড এৱে’য়ে অকাডেমী বঁটা অৰ্থাৎ শ্ৰেষ্ঠ এনিমেটেড ফিচাৰৰ অস্কাৰ লাভ কৰে ।
ইয়াৰ পিছত ২০০৩ চনত ‘দ্য বয় এণ্ড দ্য হেৰন’ক ৯৬ সংখ্যক অকাডেমী বঁটাৰে সন্মানিত কৰা হয় । হায়াকো মিয়াজাকিৰ পৰিচালনাত নিৰ্মিত এই ছবিখনে শ্ৰেষ্ঠ এনিমেটেড ফিচাৰৰ অস্কাৰ বঁটাও লাভ কৰে । এনে পৰিস্থিতিত ষ্টুডিঅ’ ঘিবলিৰ এক সুকীয়া পৰিচয় আছে । কেৱল এই ছবিবোৰৰ এনিমেচনেই আচৰিত নহয়, ইয়াৰ কাহিনীও হৃদয়স্পৰ্শী । কিছুমানত ভাই-ভনীৰ মাজৰ প্ৰেম দেখা যায়, আনহাতে কিছুমানত আন এখন পৃথিৱী ভ্ৰমণ কৰিবলৈ পোৱা যায় । মনক শান্ত কৰা এই ছবিবোৰে চিনেমা প্ৰেমী আৰু সমালোচক উভয়ৰে পৰা উচ্চ ৰেটিং লাভ কৰিছে ।
কেনেকৈ সৃষ্টি কৰা হৈছে ঘিবলী শৈলীৰ ছবি-
ঘিবলী শৈলীৰ ছবিসমূহ OpenAI ৰ ChatGpt ৰ GPT-40 আপডেইটৰ সৈতে সৃষ্টি কৰা হৈছে । এই শেহতীয়া সংস্কৰণত ঘিবলী শৈলীৰ এনিমে সৃষ্টি কৰিব পাৰি । এই সংস্কৰণটো ChatGPT ব্যৱহাৰকাৰী আৰু ChatGPT Plus, Team, আৰু Pro ৰ এক্সেছ থকাসকলে ঘিবলী ছবি সৃষ্টি কৰিবলৈ ব্যৱহাৰ কৰিব পাৰে ।
-প্ৰথমে ChatGPT ৰ শেহতীয়া সংস্কৰণটো খোলক ।
-এতিয়া প্ৰমপ্ট বাৰত থকা তিনিটা বিন্দুৰ আইকনটোত ক্লিক কৰক ।
-ইয়াৰ পিছত ইমেজ অপচনত ক্লিক কৰাৰ পিছত কেনভাছ অপচনটো ওলাব ।
-ইয়াৰ পিছত আপুনি কেনেধৰণৰ ছবি বিচাৰে সেই বিষয়ে লিখাটো লিখি আপোনাৰ ফটোখন আপলোড কৰক ।
-‘ঘিবলী ছবিৰ প্ৰয়োজন’ লিখিলে ফটোখন ঘিবলী শৈলীলৈ ৰূপান্তৰিত হ’ব ।
-এই ফটোখন ডাউনলোড কৰাৰ পিছত আপোনাৰ ছ’চিয়েল মিডিয়াত শ্বেয়াৰ কৰিব পাৰিব ।
ক’ত বনাব পাৰি ঘিবলী ছবি-
Grok ব্যৱহাৰ কৰি ঘিবলী ছবি সৃষ্টি কৰিব পাৰি । আপুনি বিনামূলীয়া এ আই টুলছ ব্যৱহাৰ কৰিও এই ছবিসমূহ সৃষ্টি কৰিব পাৰে ।
ষ্টুডিঅ ঘিবলীৰ সৰ্বশ্ৰেষ্ঠ ছবি-
এই ট্ৰেণ্ডটো চাই যদি আপুনিও ষ্টুডিঅ’ ঘিবলীৰ ছবি চাব বিচাৰে তেন্তে জানক কেইখনমান শ্ৰেষ্ঠ ছবি-
-গ্ৰেভ অৱ দ্য ফায়াৰফ্লাইজ (Grave of the Fireflies)
-প্ৰিন্সেছ মনোনোকে (Princess Mononoke )
-অনলি য়েষ্টাৰডে (Only Yesterday)
-স্পিৰিটেড এৱে (Spirited Away)
-কিকিজ ডেলিভাৰী চাৰ্ভিচ (Kiki’s Delivery Service)
-পাৰ্কো ৰছো (Porco Rosso)
-দ্য বয় এণ্ড দ্য হেৰন (The Boy and the Heron )
-হাউলছ মুভিং কেছল (Howl’s Moving Castle)
-পনয়ো (Ponyo)
