সময়তকৈ আগতে যেতিয়া চুলি বগা হয়, তেতিয়া সৌন্দৰ্যত ইয়াৰ প্ৰভাৱ পৰা দেখা যায়। অৱশ্যে, বৰ্তমান সময়ত বহুতো যুৱক-যুৱতীৰ চুলি পকা দেখিবলৈ পোৱা যায়।
এইটো মুখ্যতঃ দুৰ্বল জীৱনশৈলী আৰু ৰাসায়নিক সামগ্ৰীৰ অত্যাধিক ব্যৱহাৰৰ বাবেও হ’ব পাৰে। পকা চুলি ৰঙা কৰিবলৈ চুলিত লগোৱা ৰাসায়নিক ৰং উপলব্ধ, যাৰ ফলত আৰু অধিক দ্ৰুতগতিত চুলি পকিবলৈ ধৰে।
যদি আপুনি আপোনাৰ চুলি প্ৰাকৃতিক ভাৱে ক’লা কৰিব বিচাৰে, তেন্তে জেতুকাক আধাৰ হিচাপে ব্যৱহাৰ কৰক। জেতুকাত কেইবাটাও বস্তু মিহলি কৰি, চুলি প্ৰাকৃতিকভাৱে ক’লা কৰিব পাৰি।
চুলি ক’লা কৰিবলৈ, আমলখি, চাহ পাতৰ পানী, মেথিগুটি আৰু অন্যান্য বিভিন্ন উপাদানৰ সৈতে জেতুকা ব্যৱহাৰ কৰিব পাৰি। জেতুকা লগালে প্ৰায়ে চুলি যথেষ্ট শুকান হৈ পৰা দেখিবলৈ পোৱা যায়। ইয়াক এৰাই চলিবলৈ জেতুকাত দৈ আৰু নেমু ব্যৱহাৰ কৰক।
প্ৰথমে, জেতুকাখিনি এটা লোহাৰ কেৰাহিত ৰাখক। এতিয়া, গভীৰ ৰং আহিবৰ বাবে ২ চামুচ কফি পাউডাৰ মিহলি কৰক আৰু পানী দি ভালদৰে মিহলি কৰক।
জেতুকা আৰু সকলো সামগ্ৰীৰ মিশ্ৰণটো ৰাতিটো বা ২-৩ ঘণ্টাৰ বাবে এটা বাতিত ৰাখি থব। ই চুলিক ভাল ৰং দিব। এতিয়া, পেষ্ট এটা ভালদৰে বনাই লওক। জেতুকাখিনি অত্যাধিক পাতল নকৰিব।
চুলিত জেতুকা লগোৱাৰ সময়ত ৫ টোপাল লঙৰ তেল যোগ দিয়ক আৰু তাৰ পিছত ইয়াক প্ৰয়োগ কৰক।ভাল ৰঙৰ বাবে জেতুকাখিনি ২-৩ঘণ্টাৰ বাবে লগাই থ’ব।
কেতিয়াও সূৰ্যৰ পোহৰত বা ফেনৰ তলত জেতুকাখিনি শুকুৱাব নালাগে। যদি ফেনৰ তলত বহি আছে, তেনেহলে চুলিত শ্বাৱাৰ টুপী পৰিধান কৰিব।
সময় শেষ হোৱাৰ পিছত, সাধাৰণ পানীৰে চুলি খিনি ধুই পেলাওক। সেই দিনা চেম্পু কৰা নকৰিব আৰু শুকাই যোৱাৰ পিছত চুলিত সৰিয়হৰ তেল প্ৰয়োগ কৰিব। পিছদিনা, চুলিখিনি চেম্পুৰে ধুব। তাৰ পিছত চুলিৰ প্ৰাকৃতিক ৰং দেখিবলৈ পাব।
