২০২৫-২৬ বৰ্ষৰ বাবে নিজৰ অষ্টমখন বাজেট দাখিল কৰে বিত্তমন্ত্ৰী নিৰ্মলা সীতাৰমণে । তেওঁ কয় যে কেন্দ্ৰীয় চৰকাৰে আগন্তুক তিনি বছৰত সকলো জিলা চিকিৎসালয়তে ডে কেয়াৰ কেন্সাৰ কেন্দ্ৰ স্থাপনৰ সুবিধা প্ৰদান কৰিব আৰু ইয়াৰে ২০০ টা কেন্দ্ৰ ২০২৫-২৬ চনত স্থাপন কৰা হ’ব ৷ ইয়াৰ সমান্তৰালকৈ বিত্তমন্ত্রীয়ে কেন্সাৰকে ধৰি অন্যান্য গুৰুতৰ ৰোগৰ চিকিৎসাৰ বাবে ব্যৱহাৰ কৰা ৩৬টা জীৱন ৰক্ষাকাৰী ঔষধৰ মৌলিক শুল্ক সম্পূর্ণৰূপে আঁতৰোৱাৰ প্রস্তাৱ আগবঢ়াইছে ৷
আগন্তুক তিনিবছৰত সকলো জিলা চিকিৎসালয়ত ডে’ কেয়াৰ কেন্সাৰ চেণ্টাৰ স্থাপনৰ সুবিধা প্ৰদান কৰিব বুলি কয় বিত্ত মন্ত্ৰীগৰাকীয়ে । তেওঁ কয়, ২০২৫-২৬ চনত ২০০টা কেন্দ্ৰ স্থাপন কৰা হ’ব । সীতাৰমণে কয়, বিশেষকৈ কেন্সাৰ, বিৰল ৰোগ আৰু অন্যান্য গুৰুতৰ দীৰ্ঘদিনীয়া ৰোগত আক্ৰান্ত ৰোগীক সকাহ দিয়াৰ বাবে মই ৩৬ টা জীৱন ৰক্ষাকাৰী ঔষধৰ তালিকাত যোগ কৰাৰ প্ৰস্তাৱ দিছো, যাৰ ওপৰত সীমা শুল্ক সম্পূৰ্ণৰূপে ৰেহাই দিয়া হ’ব । ইয়াৰ উপৰিও ৫ শতাংশ ৰেহাইমূলক সীমা শুল্কৰ তালিকাত ৬টা জীৱন ৰক্ষাকাৰী ঔষধ সংযোজন কৰা হ’ব । এই ঔষধসমূহ প্ৰস্তুতৰ বাবে প্ৰয়োজনীয় বাল্ক ঔষধৰ ক্ষেত্ৰতো সম্পূৰ্ণ ৰেহাই বা ৰেহাইমূলক হাৰ প্ৰযোজ্য হ’ব ।
বিগত বাজেটতো চৰকাৰে কেন্সাৰৰ তিনিটা প্ৰধান ঔষধৰ জি এছ টি হ্ৰাস কৰাৰ সিদ্ধান্ত লৈছিল । সীতাৰমণে কয় যে এতিয়া মই এই তালিকাত আৰু ৩৭টা জীৱন ৰক্ষাকাৰী ঔষধ যোগ কৰাৰ প্ৰস্তাৱ দিছো আৰু ১৩টা নতুন ৰোগীৰ সহায়ক কাৰ্যসূচী অন্তৰ্ভুক্ত কৰিছো ।
শনিবাৰে একেৰাহে অষ্টমবাৰৰ বাবে বাজেট দাখিল কৰি বিত্তমন্ত্ৰী নিৰ্মলা সীতাৰমণে কয়, ৰোগীক বিশেষকৈ কৰ্কট ৰোগ, বিৰল ৰোগ আৰু অন্যান্য গুৰুতৰ দীৰ্ঘদিনীয়া ৰোগত আক্ৰান্তসকলক সকাহ দিয়াৰ বাবে মই প্ৰাথমিক শুল্কৰ পৰা সম্পূৰ্ণ ৰেহাই পাব পৰা ঔষধৰ তালিকাত ৩৬ টা জীৱন ৰক্ষাকাৰী ঔষধ যোগ দিয়াৰ প্ৰস্তাৱ দিছো ।
ইয়াৰ উপৰিও তেওঁ উল্লেখ কৰে যে ঔষধ কোম্পানীসমূহে পৰিচালনা কৰা ‘ৰোগী সহায় কাৰ্যসূচী’ৰ অধীনত প্ৰদান কৰা নিৰ্দিষ্ট ঔষধ আৰু ঔষধসমূহ মৌলিক সীমা শুল্কৰ পৰা সম্পূৰ্ণৰূপে ৰেহাই দিয়া হৈছে, যদিহে এই ঔষধসমূহ ৰোগীসকলক বিনামূলীয়াকৈ প্ৰদান কৰা হয় ।
চিকিৎসা মহাবিদ্যালয় আৰু চিকিৎসালয়ত আসন বৃদ্ধিৰ সন্দৰ্ভত তেওঁ কয় যে আমাৰ চৰকাৰে ১০ বছৰত প্ৰায় ১.১ লাখ স্নাতক আৰু স্নাতকোত্তৰ চিকিৎসা শিক্ষাৰ আসন সংযোজন কৰিছে । এয়া ১৩০ শতাংশ বৃদ্ধি । সকলো চৰকাৰী মাধ্যমিক বিদ্যালয় আৰু প্ৰাথমিক স্বাস্থ্য কেন্দ্ৰত ব্ৰডবেণ্ড সংযোগৰ ব্যৱস্থা কৰা হ’ব বুলিও মন্ত্ৰীগৰাকীয়ে অৱগত কৰে । সীতাৰমনে কয় যে পি এম জন আৰোগ্য যোজনাৰ অধীনত গিগ কৰ্মীসকলক স্বাস্থ্যসেৱাৰ সুবিধা প্ৰদান কৰা হ’ব ।
