ভাৰতৰ প্ৰধানমন্ত্ৰী নৰেন্দ্ৰ মোদীক দেওবাৰে (২২ ডিচেম্বৰ, ২০২৪) কুৱেইট ভ্ৰমণৰ অন্তিম দিনা বায়ান পেলেচত গাৰ্ড অৱ অনাৰ প্ৰদান কৰা হয় । কুৱেইটে প্ৰধানমন্ত্ৰী মোদীক সৰ্বোচ্চ সন্মান দ্য অৰ্ডাৰ অৱ মুবাৰক আল কবীৰক সন্মান প্ৰদান কৰে । বায়ান প্ৰাসাদ কুৱেইটৰ ক্ষমতাৰ প্ৰতীক আৰু ইয়াত বহু দেশৰ দূতাবাসো আছে ।
যিকোনো দেশে প্ৰধানমন্ত্ৰী মোদীক প্ৰদান কৰা এয়া ২০ সংখ্যক আন্তৰ্জাতিক সন্মান । এই অৰ্ডাৰ বন্ধুত্বৰ প্ৰতীক হিচাপে উপস্থাপন কৰা হৈছে । বিদেশী ৰাষ্ট্ৰপতি আৰু বিদেশী ৰাজপৰিয়ালৰ সদস্যক প্ৰদান কৰা হয় এই সন্মান । ইয়াৰ পূৰ্বে এই সন্মান বিল ক্লিণ্টন, প্ৰিন্স চাৰ্লছ আৰু জৰ্জ বুশ্বৰ দৰে বিদেশী নেতাক প্ৰদান কৰা হৈছে ।
দুয়োখন দেশৰ মাজত হ’ব বহু চুক্তি-
প্ৰধানমন্ত্ৰীৰ এই ভ্ৰমণৰ সময়ত দুয়োখন দেশৰ মাজতো বহু চুক্তি স্বাক্ষৰিত হ’ব । উপসাগৰীয় দেশসমূহৰ সৈতে সম্পৰ্ক সুদৃঢ় কৰাৰ দিশত ভাৰত চৰকাৰে কাম কৰি আছে । বিশেষকৈ বাণিজ্য, বিনিয়োগ আৰু শক্তিৰ ক্ষেত্ৰত ভাৰত-কুৱেইট সম্পৰ্কক নতুন গতি প্ৰদানৰ ওপৰত গুৰুত্ব আৰোপ কৰি কুৱেইটৰ আমিৰ শ্বেইখ মেছাল আল আহমদ আল-জাবেৰ আল-ছাবাহৰ সৈতে আলোচনাত মিলিত হয় প্ৰধানমন্ত্ৰী মোদী ।
ভাৰতীয় সম্প্ৰদায়ক সম্বোধন কৰে প্ৰধানমন্ত্ৰী মোদীয়ে-
কুৱেইটৰ আমন্ত্ৰণত শনিবাৰে (২১ ডিচেম্বৰ ২০২৪) ইয়াত উপস্থিত হয় প্ৰধানমন্ত্ৰী মোদী । এই উপসাগৰীয় দেশখনলৈ যোৱা ৪৩ বছৰৰ ভিতৰত কোনো ভাৰতীয় প্ৰধানমন্ত্ৰীৰ এয়া প্ৰথম ভ্ৰমণ । শনিবাৰে প্ৰধানমন্ত্ৰী মোদীয়ে ভাৰতীয় সম্প্ৰদায়ৰ এক অনুষ্ঠানত ভাষণ দিয়াৰ লগতে ভাৰতীয় শ্ৰমিক শিবিৰো পৰিদৰ্শন কৰে । ভাৰত কুৱেইটৰ অন্যতম শীৰ্ষ বাণিজ্যিক অংশীদাৰ আৰু ভাৰতীয় সম্প্ৰদায় কুৱেইটৰ সৰ্ববৃহৎ প্ৰবাসী সম্প্ৰদায় ।
