শীতকালত ঠাণ্ডা বতাহ আৰু শুকান পৰিৱেশৰ বাবে ওঁঠ প্ৰায়ে ফাটি যোৱা, শুকান হোৱাৰ দৰে সমস্যাৰ সৃষ্টি হয় । শীতকালত বতাহ আৰু পৰিৱেশত আৰ্দ্ৰতাৰ অভাৱ হয়, যাৰ বাবে ছাল বিশেষকৈ ওঁঠৰ ছাল শুকাই ফাটিবলৈ আৰম্ভ কৰে । এই সমস্যাৰ পৰা হাত সাৰিবলৈ বহু ঘৰুৱা আৰু আয়ুৰ্বেদিক উপায় উপলব্ধ আছে । এই ব্যৱস্থা গ্ৰহণ কৰিলে যিকোনো ব্যক্তিয়ে এই সমস্যাৰ পৰা মুক্তি পাব পাৰে আৰু ওঁঠ দুটা কোমল কৰি ৰাখিব পাৰে । গতিকে ওঁঠ ফাটি যোৱাৰ ঘৰুৱা আৰু আয়ুৰ্বেদিক প্ৰতিকাৰ জানক-
ঘৰুৱা উপায়-
ঘিউ বা মাখন : ঘিউ আৰু মাখন দুয়োটা ছালৰ বাবে অতি পুষ্টিকৰ । শীতকালত ৰাতি শুবলৈ যোৱাৰ পূৰ্বে ওঁঠত কিছু ঘিউ বা মাখন লগাব লাগে । ই প্ৰাকৃতিক মইশ্ব’ৰাইজাৰ হিচাপে কাম কৰাৰ লগতে ওঁঠত আৰ্দ্ৰতা প্ৰদান কৰে ।
মৌ : মৌ প্ৰাকৃতিক হাইড্ৰেটিং এজেণ্ট আৰু ইয়াত এন্টিবেক্টেৰিয়েল গুণো আছে । ওঁঠত মৌ লগোৱাৰ কিছু সময়ৰ পিছত পানীৰে ধুব । ই ওঁঠ কোমল আৰু সুস্থ কৰি ৰাখে ।
নাৰিকল তেল : নাৰিকল তেলত এন্টিঅক্সিডেন্ট আৰু এন্টি-ইনফ্লেমেটৰী গুণ থাকে, যিয়ে শুকান আৰু ফাটি যোৱা ওঁঠ ভাল কৰাত সহায় কৰে । শীতকালত দিনটোত কেইবাবাৰো নাৰিকল তেল ব্যৱহাৰ কৰিব লাগে ।
এলোভেৰা জেল : এলোভেৰা জেল ব্যৱহাৰ কৰি ওঁঠৰ ফুলা আৰু বিষ কম কৰিব পাৰি । ইয়াৰ শীতল গুণ আছে যিয়ে ওঁঠক সকাহ দিয়ে আৰু ওঁঠ ফঁটাত বাধা দিয়ে ।
পানী : দিনত পৰ্যাপ্ত পৰিমাণৰ পানী খালে সমগ্ৰ শৰীৰত আৰ্দ্ৰতা বজাই ৰাখে আৰু ওঁঠ ফাটি যোৱাৰ সমস্যাও কমি যায় ।
আয়ুৰ্বেদিক প্ৰতিকাৰ :
তিল তেল : আয়ুৰ্বেদত তিল তেল অতি উপযোগী বুলি বিবেচিত হৈছে । ই ওঁঠত আৰ্দ্ৰতা প্ৰদান কৰে আৰু ফাটি যোৱা ছাল নিৰাময় কৰে । শীতকালত নিয়মিতভাৱে ওঁঠত তিলৰ তেল প্ৰয়োগ কৰিলে শুকান আৰু ফাটি যোৱা ওঁঠৰ পৰা হাত সাৰিব পাৰি ।
আলমণ্ড অইল : আলমণ্ড অইলত ভিটামিন ই আৰু এন্টিঅক্সিডেন্ট থাকে যিয়ে ওঁঠ কোমল কৰি ঠাণ্ডা বতৰৰ পৰা ৰক্ষা কৰে । ৰাতি শুবলৈ যোৱাৰ পূৰ্বে আলমণ্ড অইল লগাব লাগে ।
গোলাপৰ পানী : গোলাপৰ পানীত ছালত শীতলতা আৰু আৰ্দ্ৰতা দিয়াৰ গুণ আছে । কপাহী বলৰ সহায়ত ওঁঠত লগালে ওঁঠ হাইড্ৰেটেড হৈ থাকিব আৰু লগতে ওঁঠত ফুলাও কমি যাব ।
নিম অইল : নিম তেল হৈছে এণ্টিবেক্টেৰিয়েল আৰু এণ্টিফাংগাল, যি ওপৰৰ ওঁঠত সংক্ৰমণৰ আশংকা হ্ৰাস কৰে । ই ওঁঠবোৰ পুনৰ স্বাস্থ্যৱান আৰু কোমল কৰাত সহায়ক ।
কৰ্পূৰ আৰু সৰিয়হ তেল : কৰ্পূৰ আৰু সৰিয়হৰ তেলৰ মিশ্ৰণে ওঁঠত আৰ্দ্ৰতা আৰু আৰাম দিয়ে । কৰ্পূৰৰ শীতলতাই ওঁঠৰ জ্বলা-পোৰাও হ্ৰাস কৰে আৰু সৰিয়হৰ তেলে ছাল কোমল কৰে ।
