ক্লাউড চিডিং কি ?
দিল্লীৰ বায়ু প্ৰতিবাৰেই শীতকালতে বিষাক্ত হৈ পৰে । দীপাৱলীৰ পিছত ধোঁৱা-ধূলি ইমানেই ঘন হৈ পৰে যে উশাহ-নিশাহ লোৱাটো কষ্টকৰ হৈ পৰে । এই সমস্যা সমাধানৰ বাবে দিল্লী চৰকাৰে কৃত্ৰিম বৰষুণৰ চেষ্টা চলাইছে । এই পদ্ধতিটোক ক্লাউড চিডিং বোলা হয় । এই কৌশলত ৰাসায়নিক পদাৰ্থ ব্যৱহাৰ কৰি ডাৱৰৰ জৰিয়তে বৰষুণ নমোৱা হয় । অৱশ্যে ই সাধাৰণ বৰষুণৰ পৰা সম্পূৰ্ণ পৃথক ।
কি হয় ক্লাউড চিডিং ?
ক্লাউড চিডিং হৈছে এক বৈজ্ঞানিক পদ্ধতি য’ত বৰ্তমানৰ ডাৱৰত নিৰ্দিষ্ট ৰাসায়নিক পদাৰ্থ যোগ কৰি বৰষুণ নমোৱা হয় । এই ৰাসায়নিক পদাৰ্থবোৰে পানীৰ টোপাল বা বৰফৰ কণাক বান্ধি ৰখাত সহায় কৰে । ইয়াৰ মূল ৰাসায়নিক পদাৰ্থসমূহ হ’ল চিলভাৰ আয়’ডাইড, শুকান বৰফ (ঠাণ্ডা কাৰ্বন ডাই অক্সাইড), বা নিমখ (যেনে আয়’ডাইজড নিমখ)।
এই পদ্ধতি ১৯৪০ চনৰ পৰাই প্ৰচলিত হৈ আহিছে । আমেৰিকা, চীন, ইউ এ ইৰ দৰে দেশসমূহে পানীৰ অভাৱ দূৰ কৰিবলৈ বা প্ৰদূষণ হ্ৰাস কৰিবলৈ ইয়াক ব্যৱহাৰ কৰে । দিল্লীত ইয়াৰ লক্ষ্য হৈছে বায়ু পৰিষ্কাৰ কৰা । এই প্ৰকল্পটোৰ নাম হৈছে ‘টেকন’ল’জী ডেম’নষ্ট্ৰেচন এণ্ড ইভালুৱেচন অৱ ক্লাউড চিডিং ফৰ দিল্লী এন চি আৰ পলিউশ্যন মিটিগেচন । ইয়াৰ বাবে খৰচ হ’ব ৩.২১ কোটি টকা ।
স্বাভাৱিক বৰষুণৰ পৰা কিমান পৃথক কৃত্ৰিম বৰষুণ ?
স্বাভাৱিক বৰষুণ প্ৰকৃতিৰ এক আশ্চৰ্য্য । ইয়াৰ বাবে ডাৱৰ গঠন হয়, বায়ু ঠাণ্ডা হয়, আৰ্দ্ৰতা জমা হয়, টোপাল গঠন হয় আৰু বৰষুণ পৰে । এই প্ৰক্ৰিয়াটো কোনো সহায় অবিহনে অব্যাহত থাকে । কিন্তু ক্লাউড চিডিঙৰ ক্ষেত্ৰত মানুহৰ হস্তক্ষেপ জড়িত হৈ থাকে ।
ডাৱৰৰ প্ৰয়োজন : স্বাভাৱিক বৰষুণত ডাৱৰ প্ৰাকৃতিকভাৱে গঠন হ’ব পাৰে । কিন্তু ক্লাউড চিডিঙত আৰ্দ্ৰ ডাৱৰৰ প্ৰয়োজন হয় । ডাৱৰ অবিহনে এই পদ্ধতিয়ে কাম নকৰে । বৰ্তমান দিল্লীত ডাৱৰৰ অভাৱৰ বাবে এই ট্ৰায়েল বন্ধ হৈ আছে ।
বৰষুণৰ পৰিমাণ : সাধাৰণ বৰষুণ বেছি বা কম হ’ব পাৰে । কিন্তু ক্লাউড চিডিঙৰ ফলত বৰষুণৰ পৰিমাণ মাত্ৰ ৫-১৫%হে বৃদ্ধি পায় । দিল্লী ট্ৰায়েলত ১০-১৫% বৃদ্ধিৰ অনুমান কৰা হৈছে । ভাৰতৰ কিছুমান পাইলট ট্ৰায়েলত মাত্ৰ ৩% বৃদ্ধিহে দেখা গৈছে ।
সময় আৰু স্থান : সাধাৰণ বৰষুণ ঘণ্টা বা দিন ধৰি থাকিব পাৰে । কৃত্ৰিম বৰষুণৰ পৰিমাণ কম– দিল্লীত এবাৰৰ উৰণ ১০০ বৰ্গ কিলোমিটাৰত ৯০ মিনিট সময় চলে । স্থানসমূহক নিৰ্দিষ্ট কৰি লোৱা হয় তথা টাৰ্গেটেড কৰি লোৱা হয় ।
উদ্দেশ্য : সাধাৰণ বৰষুণে পানীৰ যোগান ধৰে । কৃত্ৰিম বৰষুণৰ প্ৰদূষণ পৰিস্কাৰৰ বাবে ব্যৱহাৰ কৰা হয় ।
লগতে পঢ়ক : প্ৰথমবাৰৰ বাবে এইখন দেশত পোৱা গ’ল মহ; কাৰণ জানি চিন্তিত বিজ্ঞানী
