চিন্তিত বিজ্ঞানী
আইচলেণ্ড, বিশ্বৰ একমাত্ৰ দেশ য’ত মহ পোৱা নাযায় । এই কথা প্ৰায় সকলোৱে জানে লগতে সাধাৰণ জ্ঞানৰ কিতাপতো এই তথ্য উপলব্ধ । কিন্তু এতিয়া গোলকীয় উষ্ণতা বৃদ্ধিয়ে এই তথ্য ভুল বুলি প্ৰমাণ কৰিছে । আইচলেণ্ডত প্ৰথমবাৰৰ বাবে পোৱা গৈছে মহ । বিজ্ঞানীসকলে কৈছে যে গোলকীয় উষ্ণতা বৃদ্ধিৰ বাবে দেশখন পোক-পৰুৱাৰ বাবে পূৰ্বতকৈ অধিক অনুকূল হৈ পৰিছে ।
এতিয়ালৈকে আইচলেণ্ড বিশ্বৰ কেইখনমান দেশৰ ভিতৰত অন্যতম আছিল য’ত মহ পোৱা নগৈছিল । মহ নোপোৱা আনখন ঠাই হ’ল এন্টাৰ্কটিকা ।
ইতিমধ্যে বিজ্ঞানীসকলে ভৱিষ্যদ্বাণী কৰিছিল যে আইচলেণ্ডত জলাশয় আৰু পুখুৰীৰ দৰে প্ৰজনন স্থানৰ প্ৰচুৰতাৰ বাবে মহৰ সৃষ্টি হ’ব পাৰে ।
উত্তৰ গোলাৰ্ধৰ গড় তুলনাত এতিয়া আইচলেণ্ডৰ উষ্ণতা চাৰিগুণ বেছি দ্ৰুতগতিত বৃদ্ধি পাইছে । হিমবাহ গলি গৈছে আৰু দক্ষিণৰ উষ্ণ অঞ্চলত কিছু বিশেষ প্ৰাণীও এতিয়া ইয়াৰ নদী আৰু হ্ৰদসমূহত পোৱা গৈছে ।
পৃথিৱীত উষ্ণতা বৃদ্ধি পোৱাৰ লগে লগে সমগ্ৰ বিশ্বতে মহৰ প্ৰজাতি দ্ৰুতগতিত বিয়পি পৰিছে । এই বছৰ ব্ৰিটেইনত Aedes aegypti (ইজিপ্তৰ মহ)ৰ কণী পোৱা গৈছে, আনহাতে কেণ্টত Aedes albopictus (এছিয়ান টাইগাৰ মহ)ৰ নমুনা পোৱা গৈছে । এই সমূহ বিপদজনক প্ৰজাতিয়ে ডেংগু, চিকুনগুনিয়া, জিকা ভাইৰাছ আদি ৰোগ বিয়পাব পাৰে ।
আইচলেণ্ডৰ প্ৰাকৃতিক বিজ্ঞান প্ৰতিষ্ঠানৰ পতংগ বিজ্ঞানী মাথিয়াছ আলফ্ৰেছনে আইচলেণ্ডত এই মহৰ আৱিষ্কাৰ নিশ্চিত কৰিছে । মহ কেইটা তেওঁৰ ওচৰলৈ এজন নাগৰিকে পঠিয়াইছিল, তাৰ পিছত তেওঁ নিজেই ইয়াক চিনাক্ত কৰে ।
এই মহৰ প্ৰজাতিটোৱে ঠাণ্ডা বতৰত জীয়াই থাকিব পাৰে আৰু শীতকালটো গুদাম ঘৰৰ দৰে ঠাইত আশ্ৰয় লৈ কটাব পাৰে ।
লগতে পঢ়ক : ইছৰোৰ বৃহৎ সফলতা; চন্দ্ৰযান ২ য়ে প্ৰথমবাৰৰ বাবে দিলে সূৰ্যৰ প্ৰভাৱৰ তথ্য
