ভয়ংকৰ পথ দুৰ্ঘটনাত একেটা পৰিয়ালৰে তিনি ভাতৃৰ কৰুণ মৃত্যু
ৰঙিয়াত সংঘটিত হোৱা এই ভয়ংকৰ পথ দুৰ্ঘটনাত থিতাতে নিহত হয় যুৱক তিনিজনৰ
ৰঙিয়াত সংঘটিত হৈছে ৰাজ্য কঁপোৱা এক ভয়ংকৰ পথ দুৰ্ঘটনা । এই ভয়ংকৰ পথ দুৰ্ঘটনাত একেটা পৰিয়ালৰে তিনিজন যুৱকৰ কৰুণ মৃত্যু হৈছে । ৰঙিয়াৰ খন্দিকৰৰ তৰাবাৰীত সংঘটিত হৈছে এই ভয়ংকৰ পথ দুৰ্ঘটনা । জানিব পৰা মতে এখন সামগ্ৰী কঢ়িয়াই নিয়া ডি আই বাহনৰ সৈতে এখন মটৰচাইকেলৰ মুখামুখি সংঘৰ্ষৰ ফলত এই শোকাৱহ ঘটনাতো সংঘটিত হয় ।
এই কৰুণ ঘটনাত প্ৰাণ হেৰুওৱা যুৱককেইজনক মাজৰুল হুছেইন, জুবেইদ হুছেইন আৰু এজন কিশোৰ চুলতান আলী বুলি চিনাক্ত কৰা হৈছে । প্ৰাপ্ত খবৰ অনুসৰি দুৰ্ঘটনাৰ সময়ত তিনিওজন যুৱক একেখন মটৰচাইকেলতে যাত্ৰা কৰি আছিল । সামগ্ৰী কঢ়িওৱা বাহনখনে তীব্ৰ বেগত বাইকত খুন্দা মৰাৰ ফলত তিনিওগৰাকী ভাতৃৰ থিতাতে মৃত্যু হয় ।
ইতিমধ্যে আৰক্ষীয়ে ঘটনাস্থলীত উপস্থিত হৈ দুৰ্ঘটনাটোৰ তদন্ত আৰম্ভ কৰিছে ।
লগতে পঢ়ক : অম্বুবাচী মেলাক লৈ যান-বাহন আৰক্ষীৰ বিশেষ নিৰ্দেশনা; ভক্তৰ বাবে থাকিব বিশেষ সুবিধা