এতিয়াও অব্যাহত আছে ইজৰাইল যুদ্ধ।এইবাৰ য়েমেনে পুনৰ আক্ৰমণ কৰিলে ইজৰাইলক।বেলিষ্টিক মিছাইলেৰে এই আক্ৰমণ সংঘটিত কৰে য়েমেনে। য়েমেনৰ হুটী বিদ্ৰোহীয়ে এই ভয়ংকৰ আক্ৰমণ সংঘটিত কৰাৰ পিছতে মধ্য ইজৰাইলৰ বহু কেইখন চহৰত চাইৰেণৰ শব্দ শুনিবলৈ পোৱা যায় আৰু হাই এলাৰ্ট জাৰি কৰে।
লেবাননৰ বিদ্ৰোহী সংগঠন হিজবুল্লাৰ সৈতে ইজৰাইলৰ যুদ্ধবিৰতি অব্যাহত আছে যদিও এই যুদ্ধ দুটা ভাগত বৰ্তমানেও অব্যাহত আছে। এবছৰতকৈ অধিক সময় ধৰি ইজৰাইলে হামাছৰ লগতে হিজবুল্লাৰ সৈতে মুখামুখি সংঘৰ্ষত লিপ্তু হৈছে। যাৰ পৰিণতিত য়েমেনে পুনৰ বেলিষ্টিক মিছাইলেৰে ইজৰাইলৰ ওপৰত আক্ৰমণ সংঘটিত কৰে।
এই কাণ্ড সংঘটিত কৰাৰ পিছতে ইজৰাইলৰ কেইবাখনো চহৰত ছাইৰেণ বাজি উঠে। জেৰুজালেমৰ সমীপৰ জুৰ হাদাছাহ সম্প্ৰদায়ৰ কিণ্ডাৰগাৰ্টেনৰ খেলপথাৰত মিছাইল বা ইন্টাৰচেপ্টৰ পৰি বহু অংশ ক্ষতি কৰে। এই ক্ষেপণাস্ত্ৰৰ কিছু খণ্ড পশ্চিম পাৰৰ হেব্ৰন চহৰৰ সমীপৰ হালহুলতও পৰে। অৱশ্যে এতিয়ালৈকে কোনো লোক আহত হোৱাৰ খবৰ পোৱা নাই।
