মঞ্চতে অশ্লীল মন্তব্য কৰি বিতৰ্কৰ মাজত সোমাই পৰা হানী সিঙে বিচাৰিলে ক্ষমা। ভিডিঅ’ যোগে জনালে প্ৰকৃত কাৰণ

১৪ জানুৱাৰীৰ পৰা সামাজিক মাধ্যমত ৰেপাৰ য়ো য়ো হানী সিঙক ট্ৰল কৰি থকা হৈছে। দৰাচলতে সামাজিক মাধ্যমত তেওঁৰ এটা ভিডিঅ’ ভাইৰেল হৈ আছে, য’ত হানী সিঙে মঞ্চতে অশ্লীল কথা কোৱা দেখিবলৈ পোৱা গৈছিল। যাৰ বাবে তেওঁ বিতৰ্কৰ মাজত সোমাই পৰিছিল। কিন্তু অৱশেষত হানী সিঙে দিল্লীবাসীৰ ওচৰত ক্ষমা খুজিলে।

হানী সিঙে ইনষ্টাগ্ৰামত তেওঁৰ এটা ভিডিঅ’ শ্বেয়াৰ কৰিছে,য’ত তেওঁ নিজৰ বিতৰ্কিত ভাইৰেল ভিডিঅ’ৰ কথা কৈছে।

হানী সিঙে কৈছে যে, ৰাতিপুৱাৰ পৰা তেওঁৰ এটা সম্পাদিত ভিডিঅ’ ভাইৰেল হৈ পৰিছে।ভাইৰেল ভিডিঅ’টোৰ সমগ্ৰ কাহিনী তেওঁ নিজৰ ভাষাত বৰ্ণনা কৰে।

হানী সিঙে কয় যে, ‘মই মাত্ৰ শ্ব’টোৰ অতিথি আছিলোঁ।শ্ব’টোলৈ যোৱাৰ মাত্ৰ দুদিন আগতে মই কিছুমান স্ত্ৰীৰোগ বিশেষজ্ঞ আৰু কিছুমান যৌন বিশেষজ্ঞৰ সৈতে দুপৰীয়াৰ আহাৰ গ্ৰহণ কৰিলোঁ।’

‘গতিকে কথা-বতৰাৰ সময়ত তেওঁলোকে মোক কয় যে আজিৰ যুৱক-যুৱতী,যৌন সংক্ৰামক ৰোগত আক্ৰান্ত।এই কথাটো দিনক দিনে বৃদ্ধি পাইছে,মানুহে অসুৰক্ষিত যৌন সম্পৰ্ক স্থাপন কৰিছে’।

‘শ্ব’টোলৈ যোৱাৰ সময়ত মই gen-G দৰ্শক দেখিলোঁ। মোৰ চিন্তা আছিল gen-G ক নিজৰ ভাষাত এটা বাৰ্তা দিয়া যে তেওঁলোক অসুৰক্ষিত যৌন সম্পৰ্কত লিপ্ত হ’ব নালাগে’।

‘ কিন্তু মই ভাবিলোঁ যে মই অ’টিটি ভাষাত, আজিকালি প্ৰচলিত ভাষাটোত মই কথা কোৱা উচিত যাতে তেওঁলোকে ভালদৰে বুজিব পাৰে।’

হানী সিঙে আৰু কয়, কিন্তু বহু দৰ্শকে এই কথাটো বেয়া পালে। মই সকলোৰে ওচৰত ক্ষমা বিচাৰিছো। কাকো আঘাত দিয়াৰ বাবে মোৰ কোনো উদ্দেশ্য নাছিল। মই মোৰ জিভা নিয়ন্ত্ৰণ কৰিম আৰু যিকোনো কথা কোৱাৰ আগতে ভালদৰে চিন্তা কৰিম’।

লগতে পঢ়ক: ‘যিসকল সৃষ্টিশীল নহয় তেওঁলোকৰ ক্ষমতা আছে’; বলীউডত কাম নোপোৱাত দুখ প্ৰকাশ এ আৰ ৰহমানৰ

দিল্লীৰ ঠাণ্ডা সন্দৰ্ভত হানী সিঙে এক অশ্লীল মন্তব্য কৰিছে। যি মন্তব্যই এতিয়া বিতৰ্কৰ সৃষ্টি কৰিছে।

জনপ্ৰিয় কণ্ঠশিল্পী হানী সিঙে নিজৰ এটা শ্ব’ৰ সময়ত দিয়া বক্তব্যৰ বাবে বিতৰ্কৰ মাজত সোমাই পৰিছে।ছ’চিয়েল মিডিয়াত ভাইৰেল হোৱা এটা ভিডিঅ’ত হানী সিঙে দিল্লীৰ ঠাণ্ডাক লৈ আপত্তিজনক বক্তব্য দিছে,ইয়াৰ পিছতে তেওঁক ছ’চিয়েল মিডিয়াত ট্ৰ’ল কৰা হৈছে।অযোধ্যাৰ সন্তসকলে হানী সিঙৰ এই বক্তব্যত আপত্তি কৰি তেওঁক সমাজৰ বাবে কলংক বুলি অভিহিত কৰে।

হানী সিঙৰ ক্ষেত্ৰত অযোধ্যাৰ সীতাৰাম দাস মহন্তই কয় যে,দিল্লীৰ ঠাণ্ডা সন্দৰ্ভত হানি সিঙে যিদৰে বক্তব্য দিছে,তেওঁক যিমানে নিন্দা কৰা যায় সেয়া কম হ’ব।তেওঁৰ এই বক্তব্য আপত্তিজনক আৰু নিন্দনীয়।

কণ্ঠশিল্পীগৰাকীয়ে নিজৰ অনুষ্ঠানৰ সময়ত দিল্লীবাসীৰ আৱেগক আঘাত দিছে,তেওঁ শীঘ্ৰেই দিল্লীবাসীৰ ওচৰত ক্ষমা বিচাৰিব লাগে।

এজন গায়কৰ কাম হ’ল ভাল গান গোৱা, কিন্তু হানি সিঙে সকলো সীমা অতিক্ৰম কৰিছে, তেওঁ অশ্লীলতা বিয়পাইছে যিটো সহনশীলতাৰ বাহিৰত।হানী সিং সমাজৰ বাবে কলংক।

তেওঁ লগতে কয় যে, হানী সিঙে যি সময়ত মঞ্চত সেই অশ্লীল মন্তব্য কৰি আছিল, দৰ্শকে সেই সময়তে তেওঁক পাঠ শিকাব লাগিছিল।

তেওঁ এজন বিখ্যাত গায়ক, কিন্তু তেওঁৰ জ্ঞানৰ অভাৱ।সস্তীয়া জনপ্ৰিয়তা আৰু ধনৰ বাবে এই লোকসকলে সমাজখনক লেতেৰালৈ ঠেলি দিব পাৰে।মাতৃ-ভগ্নীৰ বাবে তেওঁ ব্যৱহাৰ কৰা শব্দবোৰ সম্পূৰ্ণ নিন্দনীয়। তেওঁ দিল্লীৰ সমাজৰ ওচৰত ক্ষমা খুজিব লাগে।

লগতে পঢ়ক: বিপদত থালাপথী বিজয়ৰ অন্তিমখন ছবি ‘জন নায়কন’; ন্যায়ালয়ে দিব ৰায়দান