শুভমন গীলৰ নেতৃত্বত ডব্লিউ টি চিৰ নতুন চক্ৰত ভাল আৰম্ভণি ভাৰতৰ

ভাৰত আৰু ইংলেণ্ডৰ মাজত ৫ খনীয়া মেচৰ টেষ্ট শৃংখলাৰ অতি ৰোমাঞ্চকৰ ৰূপত অন্ত পৰিল । ২০ জুনত লিডছত আৰম্ভ হোৱা এই টেষ্ট শৃংখলাৰ ৪ আগষ্টত অ’ভেলত অন্ত পৰে । অভেল টেষ্টত ৬ ৰানৰ ৰোমাঞ্চকৰ জয় সাব্যস্ত কৰি শুভমন গীলৰ নেতৃত্বাধীন টিম ইণ্ডিয়াই ড্ৰ’ত শৃংখলাৰ অন্ত পেলায় । অভেল টেষ্টৰ ফলাফলে কেৱল ছিৰিজৰ স্ক’ৰলাইনত প্ৰভাৱ পেলোৱাই নহয় বিশ্ব টেষ্ট চেম্পিয়নশ্বিপৰ পইণ্ট টেবুলতো দেখা গ’ল ইয়াৰ প্ৰভাৱ । এই জয়ৰ লগে লগে ভাৰতে পইণ্টত টেবুল ইংলেণ্ডক পিছু পেলাইছে ।

ডব্লিউ টি চিৰ চতুৰ্থ চক্ৰত ভাৰত আৰু ইংলেণ্ডে প্ৰথমখন ছিৰিজ খেলিছিল । ইংলেণ্ডে জয়েৰে শৃংখলা আৰম্ভ কৰিছিল যদিও টিম ইণ্ডিয়াই পুনৰ উভতি আহি এডগবাষ্টনত সমতা স্থাপন কৰিছিল । তাৰ পাছত লৰ্ডছত খেলা তৃতীয়খন টেষ্টত ইংলেণ্ডে এক ৰোমাঞ্চকৰ জয় লাভ কৰি অগ্ৰগতি লাভ কৰে । মানচেষ্টাৰ টেষ্টত পৰাজয়ৰ পৰা হাত সাৰি ড্ৰ’ লাভ কৰে টিম ইণ্ডিয়াই । ইয়াৰ পিছত সকলোৰে দৃষ্টি ছিৰিজৰ সিদ্ধান্তৰ বাবে অভেল টেষ্টৰ ওপৰত আছিল ।

অভেল টেষ্টৰ পাছত ভাৰত আৰু ইংলেণ্ডৰ অৱস্থান-

মানচেষ্টাৰ টেষ্টৰ পিছত ইংলেণ্ডে ২৬ পইণ্ট আৰু ৫৪.১৭ পইণ্ট শতাংশ (পি চি টি) লাভ কৰি ডব্লিউ টি চি পইণ্ট তালিকাত তৃতীয় স্থানত আছিল । ১৬ পইণ্ট আৰু ৩৩.৩৩ পি চি টিৰে চতুৰ্থ স্থানত আছিল টিম ইণ্ডিয়া । অভেল টেষ্টত টিম ইণ্ডিয়াৰ জয়ৰ লগে লগে পৰিস্থিতি সলনি হয় । পঞ্চম টেষ্টত জয়লাভ কৰাৰ পাছত টিম ইণ্ডিয়াই ২৮ পইণ্ট আৰু ৪৬.৬৭ পি চি টি লাভ কৰি ইংলেণ্ডৰ পৰা তৃতীয় স্থান কাঢ়ি লৈ যায় । ইংলেণ্ডৰ হাতত মাত্ৰ ২৬ পইণ্ট বাকী থকাৰ বিপৰীতে পি চি টি ৪৩.৩৩ লৈ হ্ৰাস পাই চতুৰ্থ স্থানলৈ অৱনমিত হয় ।

পইণ্ট টেবুলৰ বাকী দলসমূহৰ কথা ক’বলৈ গ’লে প্ৰাক্তন চেম্পিয়ন অষ্ট্ৰেলিয়া এতিয়াও প্ৰথম স্থানত আছে, যিয়ে ৱেষ্ট ইণ্ডিজৰ বিৰুদ্ধে তিনিওখন মেচতে জয়লাভ কৰিছে । দ্বিতীয় স্থানত আছে শ্ৰীলংকা, যিয়ে বাংলাদেশৰ বিৰুদ্ধে এখন মেচত জয়লাভ কৰি এখন মেচ ড্ৰ’ কৰিছিল । ডিফেণ্ডিং চেম্পিয়ন দক্ষিণ আফ্ৰিকাৰ বাহিৰেও পাকিস্তান আৰু নিউজীলেণ্ডে এই চক্ৰত এতিয়াও অভিযান আৰম্ভ কৰা নাই ।

লগতে পঢ়ক : অভেল টেষ্টত ভাৰতীয় দলৰ ঐতিহাসিক বিজয়… শ্বাসৰুদ্ধকৰ মেচত ৬ ৰানত জয়লাভ টীম ইণ্ডিয়াৰ

মানচেষ্টাৰ ইউনাইটেডৰ ফুটবল খেলুৱৈক সাক্ষাৎ গীল বাহিনীৰ

বৰ্তমান ইংলেণ্ড ভ্ৰমণত থকা ভাৰতীয় দলটোৱে পাঁচখন মেচৰ টেষ্ট শৃংখলা খেলি আছে । দেওবাৰে শুভমন গীলৰ নেতৃত্বত গঠিত দলটোৱে বিশ্ববিখ্যাত ফুটবল ক্লাব মানচেষ্টাৰ ইউনাইটেডৰ খেলুৱৈসকলক সাক্ষাৎ কৰে । এই সময়ত দুয়োটা দলৰ খেলুৱৈয়ে জাৰ্চি বিনিময় কৰে আৰু অভ্যাসৰ সময়ত মত বিনিময় কৰে ।

ভাৰতীয় ক্ৰিকেট নিয়ন্ত্ৰণ ব’ৰ্ডে ‘ইউনাইটেড ইন মানচেষ্টাৰ’ কেপচন দি এই সাক্ষাতৰ কেইবাখনো ফটো শ্বেয়াৰ কৰে য’ত শুভমন গীল আৰু ঋষভ পণ্টৰ দৰে খেলুৱৈয়ে তেওঁলোকৰ সৈতে কেৰিংটনৰ ক্লাবৰ প্ৰশিক্ষণ খেলপথাৰত ফুটবল খেলি থকা দেখা যায় । এডিডাছে শ্বেয়াৰ কৰা এখন ফটোত ভাৰতীয় বেগী বলাৰ মহম্মদ ছিৰাজে তাৰকা ডিফেণ্ডাৰ হেৰী মেগুৱেৰৰ সৈতে বলিং কৰা দেখা গৈছে ।

২৩ জুলাইৰ পৰা ইংলেণ্ডৰ বিৰুদ্ধে চতুৰ্থখন টেষ্ট খেলিবলৈ মানচেষ্টাৰত আছে ভাৰতীয় ক্ৰিকেট দলটো । লিডছ আৰু লণ্ডনত জয়লাভ কৰি পাঁচখন মেচৰ শৃংখলাত ১-২ ব্যৱধানত আগবাঢ়ি আছে ইংলেণ্ড । মানচেষ্টাৰ ইউনাইটেডৰ মুখ্য প্ৰশিক্ষক ৰুবেন আমোৰিম আৰু ভাৰতীয় ক্ৰিকেট দলৰ মুখ্য প্ৰশিক্ষক তথা এই বিখ্যাত ক্লাবৰ অনুৰাগী গৌতম গম্ভীৰৰ একেলগে থকা ফটোও ভাইৰেল হৈছে ।

এই সময়ছোৱাত গীলে ব্ৰুনো ফাৰ্নাণ্ডেছৰ সৈতে, আমাদ ডায়েলোৰ সৈতে চিৰাজে আৰু মেছন মাউণ্ট আৰু হেৰী মেগুৱেৰৰ সৈতে যশপ্ৰীত বুমৰাহৰ সৈতে মত বিনিময় কৰে । দুয়োটা দল আৰু তেওঁলোকৰ সহায়ক কৰ্মচাৰীৰ যৌথ ফটোও প্ৰকাশ পাইছে । মানচেষ্টাৰ ইউনাইটেডৰ জ্যেষ্ঠ বিষয়া আৰু ক্লাবৰ কিংবদন্তিসকলে উষ্ম আদৰণি জনোৱাৰ পিছত দুয়োটা দলৰ মাজত প্ৰতীকীভাৱে জাৰ্চি বিনিময় কৰা হয় । এই সময়ত লঘু ফুটবল আৰু ক্ৰিকেট অনুশীলনৰ উপৰিও খেলুৱৈ আৰু প্ৰশিক্ষকসকলৰ মাজত মত বিনিময় হয় ।

লগতে পঢ়ক : চতুৰ্থ টেষ্টৰ পূৰ্বে টীম ইণ্ডিয়াত মোক্ষম আঘাত; একেলগে বাহিৰ হ’ল দুজনকৈ খেলুৱৈ

একেৰাহে দ্বিতীয় টেষ্টতো শতক অৰ্জন গীলৰ

ইংলেণ্ডৰ বিৰুদ্ধে দ্বিতীয় টেষ্টৰ আৰম্ভণিৰ দিনা ৫টা উইকেট হেৰুৱাই ৩১০ ৰান সংগ্ৰহ কৰিছে ভাৰতে । বুধবাৰৰ খেলৰ শেষলৈকে শুভমন গীল ১১৪ ৰান আৰু ৰবীন্দ্ৰ জাডেজাই ৪১ ৰানেৰে ক্ৰীজত আছে । দুয়োৰে মাজত ৯৯ ৰানৰ অংশীদাৰিত্ব গঢ়িছে । উল্লেখ্য যে ভাৰত আৰু ইংলেণ্ডৰ মাজত চলি থকা পাঁচখনীয়া খেলৰ টেষ্ট শৃংখলাৰ দ্বিতীয়খন মেচ এডগবাষ্টনত অনুষ্ঠিত হৈছে । এই মেচত ইংলেণ্ডে টছত জয়লাভ কৰি ভাৰতক প্ৰথমে বেটিং কৰিবলৈ আমন্ত্ৰণ জনায় ।

দুই ৰান সংগ্ৰহ কৰি আউট কে এল ৰাহুল-

দ্বিতীয় টেষ্টত প্ৰথম ইনিংছৰ আৰম্ভণিতেই জোকাৰণিৰ সন্মুখীন হয় ভাৰত । মাত্ৰ দুই ৰান সংগ্ৰহ কৰি আউট হয় অ’পেনাৰ কে এল ৰাহুল । তেওঁ ক্ৰীছ ৱ’কছৰ বলি হয় । ইয়াৰ পিছত যশস্বী জয়ছোৱালে কৰুণ নায়াৰৰ সমৰ্থন লাভ কৰে । দ্বিতীয় উইকেটত দুয়োৰে মাজত ৮০ ৰানৰ অংশীদাৰিত্ব গঢ়ি উঠে । ব্ৰাইডন কাৰ্ছে এই অংশীদাৰিত্ব ভংগ কৰে । তেওঁ কৰুণ নায়াৰক পেভিলিয়নৰ বাট দেখুৱাই । পাঁচটা চাৰিৰ সহায়ত ৫০টা বলত ৩১ ৰান সংগ্ৰহ কৰি আউট হয় কৰুণ ।

শতক বঞ্চিত জয়ছোৱাল-

ইয়াৰ পিছত যশস্বী জয়ছোৱাল আৰু শুভমন গীলে ভাৰতৰ ইনিংছৰ দায়িত্ব লয় । দুয়োৰে মাজত ৬৬ ৰানৰ অংশীদাৰিত্ব গঢ়ি উঠে । অ’পেনাৰ জয়ছোৱাল ৮৭ ৰান সংগ্ৰহ কৰি আউট হয় । তেওঁ শতক বঞ্চিত হয় । বেন ষ্ট’কছৰ বলত তেওঁ নিজৰ উইকেট বিসৰ্জন দিয়ে । জয়ছোৱালৰ পিছত গীলে পন্টৰ সমৰ্থন লাভ কৰে । চতুর্থ উইকেটৰ বাবে দুয়োজনে কিছু ভাল শ্বট খেলি ৪৭ ৰান সংযোজন কৰে যদিও শ্বোয়াইব বছিৰে পন্টক আউট কৰে । ৪২টা বলত ২৫ ৰান সংগ্ৰহ কৰি আউট হয় পন্ট । একে সময়তে ইংলেণ্ডৰ মাটিত প্ৰথমখন মেচ খেলা নীতিশ কুমাৰ ৰেড্ডীয়ে মাত্ৰ এক ৰানহে কৰিবলৈ সক্ষম হয় । তেওঁক বল্ড কৰে ক্ৰীছ ৱ’কেছে ।

দ্বিতীয় টেষ্টতো শতক অৰ্জন গীলৰ-

লীডছৰ পিছত এডগবাষ্টন টেষ্ট তথা দ্বিতীয় টেষ্টতো শতক অৰ্জন কৰে গীলে । ইংলেণ্ডৰ বিৰুদ্ধে একেৰাহে তিনিখন টেষ্ট মেচত শতক অৰ্জন কৰা পঞ্চমজন ভাৰতীয় হিচাপে পৰিগণিত হৈছে গীল । এই বিষয়ত তেওঁ মহম্মদ আজহাৰুদ্দিন আৰু ৰাহুল দ্ৰাবিড়ৰ দৰে কিংবদন্তিৰ অভলেখ স্পৰ্শ কৰিছে । ভাৰতীয় অধিনায়কগৰাকীয়ে ১৯৯টা বলত টেষ্ট কেৰিয়াৰৰ সপ্তমটো শতক সম্পূৰ্ণ কৰে । তেওঁক ভাল ফৰ্মত দেখা গৈছে ।

ইংলেণ্ডৰ বিৰুদ্ধে অন্তিমখন খেলতো গীলে শতক অৰ্জন কৰিছিল । তাৰ পূৰ্বে ২০২৪ চনত যেতিয়া ইংলেণ্ডৰ দলটোৱে পাঁচখন খেলৰ টেষ্ট শৃংখলাৰ বাবে ভাৰতলৈ আহিছিল, তেতিয়া ধৰ্মশালাত খেলা মেচখনত গীলে ১১০ ৰান সংগ্ৰহ কৰিছিল । এইদৰে গীল ইংলেণ্ডৰ বিৰুদ্ধে একেৰাহে তিনিটা শতক অৰ্জন কৰা পঞ্চমজন ভাৰতীয় হিচাপে পৰিগণিত হয় । অধিনায়ক হিচাপেও গীলে ডাঙৰ কৃতিত্ব অৰ্জন কৰিছে । ইংলেণ্ডৰ বিৰুদ্ধে একেৰাহে দ্বিতীয়টো শতক অৰ্জন কৰা তেওঁ তৃতীয়গৰাকী ভাৰতীয় অধিনায়ক হিচাপে পৰিগণিত হয় । তেওঁৰ পূৰ্বে এই কৃতিত্ব অৰ্জন কৰিছিল বিজয় হাজাৰে আৰু মহম্মদ আজহাৰুদ্দিনে । দুয়োজনে এই কৃতিত্ব ক্ৰমে দিল্লী আৰু ব্ৰাবৰ্ণ (১৯৫১-৫২) আৰু লৰ্ডছ আৰু অল্ড ট্ৰেফৰ্ড (১৯৯০)ত কৰিছিল ।

লগতে পঢ়ক : অলিম্পিক ২০৩৬ৰ বাবে দাবী উত্থাপন ভাৰতৰ; এইখন চহৰত আয়োজন কৰাৰ প্ৰস্তাৱ