শিল্পা শ্বেট্টীৰ মাতৃৰ স্বাস্থ্যৰ অৱনতি

অভিনেত্ৰী শিল্পা শ্বেট্টীৰ মাতৃ সুনন্দ শেট্টীৰ স্বাস্থ্যৰ অৱনতি ঘটাত মুম্বাইৰ লীলাৱতী হাস্পতালত ভৰ্তি কৰোৱা হৈছে।মাকৰ অৱস্থাৰ বিষয়ে জানিবলৈ শিল্পাও চিকিৎসালয়ত উপস্থিত হৈছে।

ইয়াৰ ভিডিঅ’ পোহৰলৈ আহিছে য’ত শিল্পই দৌৰি দৌৰি চিকিৎসালয়ত প্ৰৱেশ কৰে।হস্পিতাললৈ যোৱাৰ সময়ত শিল্পাক বৰ বিচলিত যেন লাগিল।

সেই ভিডিঅ’টো এতিয়া সামাজিক মাধ্যমত ভাইৰেল হৈ পৰিছে।অৱশ্যে শিল্পা বা তেওঁৰ পৰিয়ালৰ সদস্যই বৰ্তমান সময়ত সুনন্দা শেট্টীৰ স্বাস্থ্য সন্দৰ্ভত কোনো আনুষ্ঠানিক বিবৃতি প্ৰকাশ কৰা নাই।

যোৱা ২০ জুনত শিল্পাই তেওঁৰ মাতৃৰ জন্মদিনটোত শুভেচ্ছা জনাই কিছু ফটো আৰু ভিডিঅ’ শ্বেয়াৰ কৰিছিল।তেওঁ মাকৰ বাবে আৱেগিক টোকা এটাও লিখিছিল।এতিয়া শিল্পাৰ মাতৃ চিকিৎসালয়ত ভৰ্তি হৈ আছে আৰু ৰাইজে তেওঁৰ আশু আৰোগ্যৰ বাবে প্ৰাৰ্থনা কৰিছে।

লগতে পঢ়ক: ‘মই এজন ভাল মানুহ হৈছো’; ববি দেউলে সম্পূৰ্ণৰূপে ত্যাগ কৰিলে সুৰা

শিল্পা শ্বেট্টী আৰু ৰাজ কুন্দ্ৰক উচ্চ ন্যায়ালয়ৰ মোক্ষম আঘাত

অভিনেত্ৰী শিল্পা শ্বেট্টীয়ে আজিও বোম্বাই উচ্চ ন্যায়ালয়ৰ পৰা কোনো সকাহ নাপালে, কিয়নো আদালতে তেওঁক কলম্বোলৈ যাবলৈ অনুমতি প্ৰদান নকৰিলে।

শিল্পা শ্বেট্টী আৰু তেওঁৰ স্বামী ৰাজ কুন্দ্ৰাৰ বিৰুদ্ধে ইকনমিক অফেন্স উইঙে লুকাউট চাৰ্কুলাৰ (এল অ’ চি) জাৰি কৰিছে ।যাৰ বাবে তেওঁ তদন্তকাৰী সংস্থা বা আদালতৰ অনুমতি অবিহনে বিদেশ ভ্ৰমণ কৰিব নোৱাৰিব।

অভিনেত্ৰী গৰাকীৰ অধিবক্তাই আদালতত কয় যে অভিনেত্ৰীগৰাকীয়ে ২৫ অক্টোবৰৰ পৰা ২৯ অক্টোবৰলৈ ইউটিউবত অনুষ্ঠিত হ’বলগীয়া অনুষ্ঠানৰ বাবে কলম্বোলৈ যাব লাগিব।

কিন্তু আদালতে অধিবক্তাজনক ভ্ৰমণৰ নিমন্ত্ৰণী পত্ৰৰ বিষয়ে সোধাত অধিবক্তাজনে কয় যে তেওঁৰ হাতত এতিয়াও কোনো নিমন্ত্ৰণ পত্ৰ নাই আৰু কেৱল ফোনযোগে কথা পাতিছে,কাৰণ ভ্ৰমণৰ অনুমতি পোৱাৰ পিছতহে নিমন্ত্ৰণ লাভ কৰিব।

এই সন্দৰ্ভত আদালতে কঠোৰ স্থিতি গ্ৰহণ কৰি কয় যে জালিয়াতিৰ গোচৰত জড়িত ৬০ কোটি টকাৰ ধন প্ৰথমে জমা কৰিব লাগে,তাৰ পিছতহে তেওঁৰ বিদেশ ভ্ৰমণৰ কথা বিবেচনা কৰা হ’ব। ১৪ অক্টোবৰত এই গোচৰৰ পৰৱৰ্তী শুনানিৰ দিন ধাৰ্য কৰা হৈছে।

উল্লেখ্য যে, চলিত বৰ্ষৰ আগষ্ট মাহত মুম্বাই আৰক্ষীৰ অৰ্থনৈতিক অপৰাধ শাখাই শিল্পা আৰু তেওঁৰ স্বামী ৰাজ কুন্দ্ৰাৰ বিৰুদ্ধে ৬০.৪ কোটি টকাৰ জালিয়াতিৰ গোচৰ ৰুজু কৰিছিল।

দুয়োৰে বিৰুদ্ধে এই লুকাউট জাননী এতিয়া বন্ধ হৈ থকা কোম্পানী বেষ্ট ডিল টিভি প্ৰাইভেট লিমিটেডৰ সৈতে জড়িত ৬০ কোটি টকাৰ জালিয়াতিৰ গোচৰত জাৰি কৰা হৈছিল।

লগতে পঢ়ক: পিছুৱাই দিয়া হ’ল ‘যৌৱনে আমনি কৰে ২’ৰ মুক্তিৰ দিন; জনালে প্ৰযোজকে